«مەكتەپكە جول» شاراسى باستالدى

 

جىل سايىنعى «مەكتەپكە جول» رەسپۋبليكالىق اكتسياسى بيىل «باقىتتى بالالىق شاق اۋماعى» ۇرانىمەن تامىزدىڭ 1-ىنەن قىر­كۇيە­ك­تىڭ 30-ىنا دەيىنگى ارالىقتا ءوت­كىزىلەدى. شاراپاتتى شارا تۇرمىسى تومەن, كوپبالالى وتباسىلاردان شىق­قان, جەتىم جانە اتا-اناسىنىڭ قامقور­لى­عىنسىز قالعان بالالارعا ماتەريال­دىق جانە ت.ب. كومەك كورسەتۋدى كوزدەيدى. «سەگىز جىلدىڭ ىشىندە اكتسيا اياسىندا ەلوردادا 42 700 وقۋشىعا بارلىعى 362 ملن. 564 مىڭ تەڭگە كولەمىندە ما­تەريالدىق كومەك كورسەتىلدى. 2016 جىلى جەرگىلىكتى بيۋدجەتتەن از قام­سىز­داندىرىلعان وتباسىلاردان شىققان بالالارعا جاپپاي وقىتۋ قورىنا 159 ملن. 557 مىڭ تەڭگە ءبولىندى. №16, 56, 59 مەكتەپتەردە حالىققا كونسۋلتاتيۆتىك كومەك كورسەتۋ ءۇشىن قوعامدىق قابىلداۋ بولىمدەرى اشىلادى. 10, 17 جانە 24 تامىزدا ساعات 11-دەن 17-گە دەيىن اتالعان بولىمدەرگە الەۋ­مەتتىك كومەك كورسەتۋ, مەك­تەپكە ور­نا­لاستىرۋ ماسەلەلەرى بويىنشا جۇگىنۋگە بولادى. سونىمەن قاتار, كاسىپكەرلىك جانە ونەركاسىپ با­س­قار­ما­سى 20-21 تامىزدا ورتالىق الاڭدا مەكتەپ جارمەڭكەسىن ۇيىم­داس­تىرادى. جارمەڭكەدە مەكتەپ فورماسى, كەڭسە جابدىقتارى مەن وقۋ­لىق­تار بازارداعى­دان تومەن باعا­مەن ساتىلادى. جانە دە, «ال­عاش رەت ءبىرىنشى سىنىپقا», «وتباسى وتباسىعا كومەكتەسەدى: بالانى مەكتەپكە جينايمىز», «بالالارعا بىرگە كومەك­تەسەمىز» قايى­رىم­دىلىق شارالارى ءوت­كىزىلەدى. 10 تامىزعا دەيىن «مەيىرىمدى قول» اكتسياسى بويىنشا بارلىق ءىرى ساۋدا ورتالىقتارىن­دا دالىرەك ايتساق, «حان شاتىر» ساۋدا ويىن-ساۋىق ورتالىعى, «ور­­تا­لىق بازار», «ەۆرازيا» سو جانە ت.ب. ساۋدا ورتالىقتارىندا تۇر­مىسى تومەن وتباسىلاردان شىق­قان بالالارعا كومەكتەسۋ ءۇشىن مەك­تەپكە قاجەتتى كيىم-كەشەكتەر مەن زاتتار جيناۋعا ارنالعان كونتەينەرلەر ورناتىلادى», – دەدى ءبىلىم جانە عىلىم مينيسترلىگىنىڭ بالالار قۇقىعىن قورعاۋ كوميتەتى توراعاسىنىڭ مىندەتىن اتقارۋشى مانشۇك ابدىكارىم. بۇگىندە ءبىلىم جانە عىلىم مي­­­­نيستر­­لىگى ەلىمىزدىڭ بارلىق ازا­مات­­­تارىن – كاسىپكەرلەردى, مە­­­تسە­­ن­ات­­­تار­دى, قاراپايىم ادامدار­دى «مەك­تەپكە جول» اكتسياسىنا قو­سى­­لۋعا شاقىرىپ وتىر. اكتسياعا قو­­­سى­لۋ­عا نيەت بىلدىرۋشىلەر­دەن بالا­­­­­ل­ار قۇ­قىقتارىن قورعاۋ كومي­­تەتى­­­نىڭ تەلەفونىنا – 8 (7172) 74-21-40, سونداي-اق وبلىستاردىڭ, اس­تا­نا مەن الماتى قالا­لارىنىڭ ءبىلىم باس­­قار­مالارىنا حابارلاسۋدى سۇراي­دى. راۋان قايدار, «ەگەمەن قازاقستان»