وتاندىق وندىرۋشىگە وتەماقى بەرىلەدى

بۇگىندە ەلىمىزدە وتاندىق ءونىم ءوندىرۋشىنى قولداۋ مەن ىنتالاندىرۋدىڭ بىرقاتار تاسىلدەرى قولدانىلىپ ءجۇر. سولاردىڭ ءبىرى – وتاندىق تاۋارلار, جۇمىستار مەن قىزمەتتەردى نارىققا ۇسىنۋ بارىسىندا يندۋستريالىق-يننوۆاتسيالىق جاڭالىقتاردى قولدانۋعا جۇمسالعان شىعىندى وتەپ بەرۋ. بۇگىنگىدەي زاماناۋي تەحنولوگيالاردىڭ كوز ىلەسپەس شاپشاڭدىقپەن دامۋى مەن جارىسى زامانىندا مۇنداي قولداۋدىڭ ماڭىزى زور ەكەنى ءسوزسىز. ەڭ الدىمەن ول ءوز ونىمدەرىمىزدىڭ باسەكەگە قابىلەتىن ارتتىرادى. بيىل «NADLoC» جەرگىلىكتى قامتۋدى دامىتۋدىڭ ۇلتتىق اگەنت­تىگىنە وسىنداي وتەماقى ال­­عى­­سى كەلگەن 132 ءوتىنىش ءتۇس­كەن ەكەن. ولاردى قاراعان ۆەدوم­س­ت­ۆو­ارالىق كوميسسيا كەشە 82 ءوتىنىشتى قانا­عات­­تاندىردى. قالعاندارىنا كەلەسى قارجى­لىق جىلدا وتەم­­­اقى تولەۋ كوزدەلە­دى. ءوز ونەر­­كا­سى­بىنە زاماناۋي جاڭا­لىق ەن­­گىز­گەنى ءۇشىن وتاندىق ءونىم ءون­­دى­رۋ­شىگە تولەنەتىن بيىلعى جال­­پى سوما 120 ملن. تەڭگەنى قۇرايدى. وتىنىشتەر 25 ناۋرىزدان 30 ماۋسىمعا دەيىن قابىلدانعان بولاتىن. وتەماقى الاتىن كوم­پا­نيالاردىڭ ءتىزىمى اتالعان اگەنت­تىكتىڭ رەسمي ۆەب-سايتىندا جاريالانادى. بۇل اتقارۋشى تاراپتىڭ قولداۋدى مەيلىنشە اشىق جۇرگىزۋگە ىنتالى ەكەنىن كورسەتسە كەرەك. ايتا كەتۋ كەرەك, وتەماقى ين­­­­دۋس­­تريا­لىق-يننوۆاتسيا­لىق قىز­­­مەت ءۇشىن جۇمسالعان 50 پا­­يىز­­­دىق شىعىن ءتيىستى قۇجات­تا­ر­­­مەن راستالعان جاعدايدا وتەلەدى. بىراق 3 مىڭ ايلىق ەسەپ­تىك كورسەتكىشتەن اسپاۋى كەرەك. سونىمەن قاتار, مۇن­داي وتەما­قىنى قازاقستان رەسپۋب­لي­كا­سىنىڭ «تەحنيكالىق رەتتەۋ تۋرالى» زاڭىنا سايكەس قازاق­ستان رەسپۋبليكاسىنىڭ اۋماعىندا تۇتىنۋعا جىبەرىلگەن جانە مەملەكەتتىك تەحنيكالىق رەتتەۋ جۇيەسى رەەسترىنە ەنگى­­زىل­گەن تاۋار ساپاسىن حالىق­ارا­لىق ستاندارتتارعا سايكەس­تىگىن راستاعان وتاندىق تاۋار ءون­دىرۋشىلەر مەن قىزمەت كور­سەتۋشىلەر الا الادى. وسىلايشا, ەلىمىزدەگى يندۋس­ت­ريا­لىق-يننوۆاتسيالىق قىز­مەتكە قولداۋ جىل سايىن ارتىپ كەلەدى. اتاپ ايتقاندا, «ين­دۋس­تريالىق-يننوۆاتسيالىق قىزمەتتى مەملەكەتتىك قولداۋ تۋرالى» زاڭ 2012 جىلدان بەرى جۇمىس ىستەپ تۇر. وتكەن جىلى وندىرىسكە جاڭا تەحنولوگيالاردى ەنگىزۋدى كەزەڭ-كەزەڭىمەن دامىتۋدى كوزدەي­­تىن باعدارلاما ءوز جۇمىسىن باستادى. سونداي-اق, ەلباسى­نىڭ 5 ينس­­­تيتۋتتىق رەفورما­سىندا دا بۇعان باسا نازار اۋدارىل­عان. بۇگىندە قارقىندى ءجۇر­گىزىلگەن وسىنداي ساياساتتىڭ ناتيجەسىندە قازاقستان بۇرىنعى شيكىزات ءوندىرۋشى ەل رەتىندەگى اتىنان ارىلىپ, الەمدىك نارىققا ءوز ونىمدەرىن شىعارۋعا قابىلەتتى ەل ەكەنىن دالەلدەي باستادى. جاندوس  بادەل ۇلى, «ەگەمەن قازاقستان»