قوستانايداعى ۋنيۆەرسيتەتتە اسكەري كافەدرا اشىلدى

«اسكەري كافەدرادا تەك قوستاناي وبلىسىنداعى جوعارى وقۋ ورىندارىنىڭ ستۋدەنتتەرى وقيدى. بىراق بۇل بارلىق ءبىلىم وردالارىنىڭ ستۋدەنتتەرى وقي الادى دەگەن ءسوز ەمەس. قورعانىس مينيسترلىگى جاساعان تىزىمگە ەنگەن جوعارى وقۋ ورنىنىڭ ستۋدەنتتەرى عانا ءبىزدىڭ كافەدرادا ءبىلىم الادى», – دەيدى ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتى رەكتورىنىڭ كەڭەسشىسى ميحايل داۋەنوۆ. اسكەري كافەدرا باستىعى بولىپ پولكوۆنيك بولات توكين تاعايىندالدى. ول كافەدراعا تۇسەتىن ستۋدەنتتەر الدىمەن جاقسى وقۋى كەرەكتىگىن, ارىز جازعان سوڭ كوميسسيا ارقىلى قابىلداناتىنىن ايتتى. جىگىتتەر مەن قىزدار اسكەري-دارىگەرلىك كوميسسيادان, كاسىپتىك-پسيحولوگيالىق سۇرىپتاۋدان, فيزيكالىق نورماتيۆتەر تاپسىرۋدان وتكەن سوڭ عانا قابىلدانادى. ساباقتى اسكەري قىزمەتكەرلەر مەن زاپاستاعى وفيتسەرلەر جۇرگىزەدى. بيىل اسكەري كافەدراعا ابيتۋريەنتتەر ءۇشىن 80 گرانت ءبولىنىپ وتىر, سونىمەن قاتار120 جىگىت پەن 30 قىز ءۇشىن اقىلى وقۋ قاراستىرىلعان. وقۋ اقىسى جىلىنا 134 مىڭ تەڭگە بولادى. ءنازيرا جارىمبەتوۆا