اۋعانستانداعى تەراكتىنى «تاليبان» سودىرلارى جاساعان

[caption id="attachment_54086" align="aligncenter" width="700"] فوتو: ria.ru[/caption] اۋعانستان استاناسى كابۋل قالاسىنداعى لاڭكەستىك ارەكەتتى «تاليبان» سودىرلارى جاساعانى انىقتالدى. ريا «نوۆوستي» اقپارات اگەنتتىگىنىڭ حابارلاۋىنشا, مينا ورناتىلعان جۇك كولىگى Northgate قوناقۇيىنە جاقىن جەردە جارىلعان. ارتىنشا بىردەن 4 ەكسترەميست عيماراتقا وق جاۋدىردى. قازا تاپقاندار مەن زارداپ شەككەندەر جايلى ازىرگە مالىمەت جوق. مەيمانحانا تۇرعىن ۇيلەردەن الىستاۋ ورنالاسقان. قازىرگى تاڭدا بۇل ماڭاي قورشاۋعا الىنىپ, تەرگەۋ جۇمىستارى ءجۇرىپ جاتىر. «تاليبان» 1994 جىلدان باستاپ اۋعانستاندا ءجيى شابۋىل جاساي باستادى. ال 2003 جىلى بۇۇ قاۋىپسىزدىك كەڭەسى اتالعان توپتى تەرروريستىك ۇيىم دەگەن شەشىم شىعاردى. ايتا كەتەيىك, بىرەر جىل بۇرىن تاليبتەر ءىرى قالالاردى باسىپ الۋ ءۇشىن بەلسەندى شابۋىل جاساعان بولاتىن. قازىر ولاردىڭ باقىلاۋىندا مەملەكەتتىڭ سولتۇستىگىندەگى كۋندۋز قالاسى بار. سونىمەن قاتار, گازني اكىمشىلىك ورتالىعى ءۇشىن سوعىس ءجۇرىپ جاتىر. ايان ءابدۋالي