عالىمدار وزگەشە تالداۋ جۇرگىزدى

«كۇنى بويى قوزعالماستان ءبىر ورىندا وتىرىپ, جۇمىس اتقاراتىن جاندار  شامامەن 60-75 مينۋتتاي بىرقالىپتى فيزيكالىق جاتتىعۋمەن شۇعىلدانۋى كەرەك». نورۆەگيا مەن اۆستراليانىڭ, سونداي-اق, اقش-تىڭ مەديتسينا سالا­سىنىڭ ماماندارى, مىنە, وسىنداي قورى­تىندىعا كەلدى. ولاردىڭ زەرتتەۋ قورى­تىندىسى Lancet جۋرنالىندا جاريالاندى. وقىرماندار بۇل تۋرالى كەمبريدج ۋنيۆەرسيتەتىنىڭ سايتىنان دا كورە الادى. ماماندار «بىرقالىپتى فيزيكالىق جاتتىعۋمەن شۇعىلدانۋ» دەگەندە, «ساعاتىنا 4,8 شاقىرىمنان كەم بولمايتىنداي جاياۋ ءجۇرۋ نەمەسە ساعاتىنا 16 شاقىرىمنان كەم بولمايتىنداي ۆەلوسيپەدپەن ءجۇرۋ» سەكىلدى  بىرقاتار ەرەجەلەردى ساقتاۋ قاجەتتىگىن مەڭزەگەن. عالىمدار بۇل جونىندە: «60-75 مينۋت بويى جاتتىعۋ جاساۋ, اسىرەسە,  ءار كۇن سايىن ۇستەل باسىندا 8 ساعاتتاي وتى­رىپ, تاپجىلماستان جۇمىس ىستەي­تىن ازاماتتار ءۇشىن پايدالى بولار ەدى» دەگەندى ايتادى.  ولار دە­نەنى شى­نىق­تىرۋ ماقساتىنداعى  مۇن­داي جات­تى­عۋلار تيىمدىرەك بولۋ ءۇشىن  شى­نىعۋ ۋاقىتىن ۋاقىت بويىنشا بەلگىلەۋ دە ارتىق ەتپەيتىنىنە توقتالعان. سونىمەن قاتار, مەديتسينا ماماندارى وفيس قىزمەتكەرلەرىنىڭ دەنساۋلىعىنا اسەر ەتەتىن فورمۋلانى دا ازىرلەپ  شى­عارعان. وعان سايكەس,  ءار ادام ءاربىر  20 مينۋت سايىن شامامەن 8 مينۋتقا ورنىنان تۇرىپ, ودان كەيىن 2 مينۋت بويى جاياۋ ءجۇرۋ كەرەك ەكەن. شۆەد عالىمدارى جۇرگىزگەن زەرتتەۋ ناتيجەلەرى دە وسى قورىتىندىنىڭ دۇرىستىعىن دالەلدەي تۇسەدى. ولاردىڭ ويىنشا,  ومىردەن ەرتە ءوتۋدىڭ نەگىزگى سەبەبى,  تەمەكى  جانە تومەن دەڭگەيدەگى فيزيكالىق بەلسەندىلىك ەكەن. ءلايلا ەدىلقىزى, «ەگەمەن قازاقستان»