بالالارعا قامقورلىق

اتا-انا قامقورلىعىنسىز قالعان بالالار قاشاندا كومەككە ءزارۋ. بۇل باعىتتا وبلىستا جاقسى جۇمىستار جاسالۋدا. سونىڭ ەڭ باستىسى – ولاردى تۇرعىن ۇيمەن قامتاماسىز ەتۋ. اتا-انا قامقورلىعىنسىز قالعان بالا­لارعا ارنالعان الەۋمەتتىك ءۇي وبلىس ورتالىعىنىڭ كىرپىشتى ەلدى مەكە­نىندە سالىناتىن بولدى. وعان «ءسابي» قوعامدىق قورى ەسەبىنەن 1,2 ملرد. تەڭگە بولىنەدى دەپ كۇتىلۋدە. الەۋ­مەتتىك ۇيدە 80 ادام, ونىڭ ىشىندە ءمۇم­كىندىگى شەكتەۋلى بالالارعا ارنالعان ينتەرناتتىڭ تۇلەكتەرى تۇراتىن بولادى. ولارعا بولەك پاتەرلەر بەرىلەدى. سالىنىپ جاتقان الەۋمەتتىك ۇيدەگى ءبىر پاتەردىڭ جالپى اۋدانى 40 شارشى مەتر. تۇرعىن ۇيگە جاقىن ماڭدا دەنساۋ­لىعىندا اقاۋى بار تۇرعىن­دارعا جالاقى الۋعا مۇمكىندىك بەرەتىن شاعىن تسەح قۇرىلىسى ءجۇرىپ جاتىر. ناق­تىراق ايتقاندا, كونديتەرلىك ونىمدەر شىعاراتىن, اياق كيىم ءجون­دەيتىن تسەح, تىگىن تسەحى, ۇستاحانا جانە جوندەۋ تسەحى, سونىمەن بىرگە, شاشتاراز بەن ماسساج ورتالىعى پايدالانۋعا بەرىلدى. الەۋمەتتىك ۇيدە ساۋىقتىرۋ قۇرال-جابدىقتارى, رەلاكساتسيا زالدارى بولادى. – ءبىز بالالار ۇيلەرى مەن مامان­داندى­رىلعان مەكتەپ-ينتەرنات تۇلەكتەرىنىڭ تاعدىرىن باقىلاۋدا ۇستاپ, ولارعا جان-جاقتى كومەك كورسەتۋىمىز كەرەك. ەڭ باستىسى – جۇمىسپەن جانە باسپانامەن قامتاماسىز ەتۋ. ول ءۇشىن بارلىق كۇشتى سالۋ قاجەت, – دەپ اتاپ ءوتتى ءوڭىر باسشىسى. قازىرگى تاڭدا اقتوبە وبلىسىندا 70 ورىنعا ەسەپتەلگەن جاسوسپىرىمدەر ءۇيى جۇمىس ىستەيدى. وبلىستىق ينتەرنات مەكەمەلەرىنىڭ تۇلەكتەرى وندا 23 جاسقا دەيىن تۇرا الادى. ال الەۋمەتتىك ۇيدە 16-29 جاس ارالىعىنداعى تۇلەكتەر تۇرادى. ساتىبالدى ءساۋىرباي, «ەگەمەن قازاقستان» اقتوبە وبلىسى