جايىقتا دا تويلاندى

تاتاردىڭ ۇلتتىق مەيرامى سابانتوي ازيا مەن ەۋروپانىڭ ورتاسى جايىقتا تويلاندى. تىنىشتىق پەن بەيبىتشىلىك سيمۆولى اق ورامال سابانتوي بايراعىن اقساقال زاكير حۋزاسايت الىپ شىقتى. باتىس قازاقستان وبلىسى تاتار مادەنيەت ورتالىعىنىڭ ءتورايىمى – ىسكەر ايەل فليۋرا ميليكەەۆا ءوز سوزىندە عاسىردان-عاسىرعا جالعاسقان ءداستۇرلى سابانتوي ەل تاۋەلسىزدىگىنىڭ 25 جىلدىعىنا ارنايى وتكىزىلىپ وتىرعانىن, تاتاردىڭ سالت-ءداستۇرى مەن ۇلتتىق ويىندارىنا قوش كەلدىڭ ايتىپ كەلگەن قوناقتاردى گارمونمەن قاقپا الدىنان قارسى الدى. باتىس قازاقستان وبلىسى اكىمىنىڭ ورىنباسارى مارات توقجانوۆ تامىرى ءبىر, ءدىنى ءبىر تاتار باۋىرلاردىڭ ۇلتتىق مەرەكەسىن تاتۋلىق پەن دوستىقتىڭ ناعىز جاقىنداستىراتىن, ەلباسىنىڭ ساليقالى ساياساتىنىڭ ارقاسىندا ەلىمىزدە سان-الۋان ەتنوستىڭ تاتۋ ءارى تىنىش ءومىر سۇرۋىنە كوپ مۇمكىنشىلىك العانىن اتاپ ءوتتى. تاتارستاننىڭ قازاقستانداعى وكىلى رۋستەم ۆاليۋللوۆ كوپشى­لىككە تاتارستان پرەزيدەنتى رۋس­تام ميننيحانوۆتىڭ ارنايى قۇتتىقتاۋىن جەتكىزدى. مەرەكە تەك بالالارعا ەمەس, ۇلكەندەر ءۇشىن دە تارتىمدى, قىزىقتى ءوتتى. ارقان تارتىس, كىر تاسىن كوتەرۋ, تاتارشا كۇرەس, قاپشىق كيىپ جارىسۋ, قاسىقپەن جۇمىرتقا الىپ جۇگىرۋ سياقتى ويىندار ءوز جالعاسىن تاپتى.  رافحات حالەلوۆ  ورال سۋرەتتى تۇسىرگەن اۆتور