بەدەل بيىگى

قازىر ازاماتتىق پەن ادامگەر­شى­لىكتىڭ دەڭگەيى تومەندەپ كەت­كەنىن كورىپ ءجۇرمىز. سونىڭ ءىشىن­دە پوليتسيا قىزمەتكەرلەرىنە قا­تىس­تى ارقيلى پىكىرلەر اي­تى­لاتىنى دا جاسىرىن ەمەس. بىراق, قوعامداعى بىرەن-ساران كەم­شىلىكتى جالپى جۇرتتىڭ ءبارى­نە تاڭۋدىڭ رەتى جوق. ارىنىڭ تازا­لىعىنا, ازاماتتىعىنا كىر شال­دىر­ماعاندار قاشاندا بولعان, بولا بەرەدى. ماسەلەن, ۇستىمىزدەگى جىلع­ى 10 مامىردا ىرعىز سەلوسى بويىنشا قوعامدىق قىزمەتتى قام­­تاماسىز ەتۋ كەزىندە جەرگىلىكتى پو­لي­تسيا قىزمەتكەرى ابزال تۇرا­باەۆ ىرعىز سەلوسىنان نۇرا – ءتاۋىپ اۋىلدارى باعىتىنداعى كوپىر تۇسىندا داۋىستاپ كومەك سۇراعان ەكى قىز بالانى بايقاپ قالدى. ولار ىبىراي التىنسارين اتىنداعى ورتا مەكتەپتىڭ ونىنشى سىنىپ وقۋشىلارى بولىپ شىقتى. ايگەرىم اتتى قىز سۋعا باتىپ بارا جاتقان سوڭ قۇربىلارى كومەككە شاقىرعان ەكەن. وقيعانىڭ ءمان جايىن تۇسىنگەن ابزال ەش كىدىرمەستەن قىزمەتتىك كيىمىمەن وزەگە قويىپ كەتىپ, قىز بالانى جاعاعا الىپ شىعادى. ءبىز ابزالمەن سويلەسكەندە ول مۇنى ەشقانداي دا ەرلىككە سانامايتىنىن ايتتى. ول دۇرىس. ويتكەنى, بۇل ونىڭ مىندەتى. ال مىندەتتى ورىنداۋ – پوليتسيانىڭ قىزمەتى. ەندەشە, ونى ەرەكشە دابىرا قىلۋدىڭ قاجەتى جوق. تەك بار پوليتسيا بىتكەن سونداي بولسا ەكەن دەيمىز. وتباسىنداعى بەس بالانىڭ ءبىرى ابزال ىشكى ىستەر ورگانىندا كەزىندە قىزمەت ەتكەن اتاسى تۇرابايداي بولسام دەپ ارمانداعان ەكەن. ول 2009 جىلى ىشكى ىستەر بولىمىنە قىزمەتكە كىرگەن. قازىر ول – جول-پاترۋلدىك قىزمەتىنىڭ اعا سەرجانتى. جۇرەك قالاۋىمەن تاڭداعان ماماندىق قاشاندا قىزىقتىرا تۇسەدى. – مەن پوليتسيا قىزمەتكەرىنىڭ جيناقى جانە ءتارتىپتى جۇرەتى­نىنە قىزىعىپ ءوستىم. سوندىق­تان ءوز ماماندىعىما كىر شال­دىر­ماۋعا تىرىسامىن, – دەيدى ول. سول ايتقانداي, ىشكى ىستەر مينيستر­لىگىنىڭ ب.بەيسەنوۆ اتىنداعى قارا­عاندى زاڭ اكادەمياسىنىڭ تۇلەگى بۇل كۇندەرى قوعامدىق ءتارتىپ ساقتاۋعا لايىقتى ۇلەسىن قوسىپ ءجۇر. ول ارىپتەستەرى اراسىندا بەدەلدى ءارى ابىرويلى. ويتكەنى, اجال اۋزىنان قالعان  بالالاردىڭ اتا-انالارى ازا­مات­تىق ىسىمەن كورىنگەن ابزال تۇراباەۆقا شىن نيەتتەن ىزگى تىلەكتەرىن بىلدىرەدى. ساتىبالدى ءساۋىرباي, «ەگەمەن قازاقستان» اقتوبە وبلىسى,