رەسەي كورمەسىندە تانىستىرىلدى

تاياۋدا ەكسپو-2017 حالىق­ارالىق مامان­دان­دى­­رىل­عان كورمە­سى­نىڭ كوميس­سارى ءراپىل جوشىباەۆ رەسەي فەدە­را­تسياسى يندۋستريا جانە ساۋدا ءمينيسترى گەور­گي كالامانوۆتىڭ شاقى­رۋىمەن ەكاتەرين­بۋرگ قا­لاسىندا ءوت­كەن جىل سا­يىن­عى 7-ءشى حا­لىقارالىق «يننوپروم-2016» ونەر­­­كا­سىپ­­تىك كورمەسىنە قاتىستى. «يننوپروم-2016» 2010 جىل­دان باستاپ جىل سايىن ءوت­كىزىلەتىن ەڭ ءىرى امبەباپ ونەر­كاسىپتىك كورمەسى بولىپ تابىلادى. اعىمداعى جىلى كورمەگە 95 ەل­دەن 600-دەن استام كوم­پا­نيا­نىڭ وكىلدەرى قاتىستى, سونداي-اق, 40-قا جۋىق كەلىسىمگە قول قويىلدى. كورمەنىڭ تاقىرىبى «ونەركاسىپتىك جەلىلەر», ونىڭ ىشىندە «قالا تەحنولوگيالارى», «ەنەرگەتيكالىق تەحنولوگيا» جانە «ماشينا جاساۋ تەحنولوگياسى» سياقتى تاقىرىپشالارمەن بىرىكتىرىلدى. «يننوپروم-2016» اشىلۋ سالتاناتىندا رەسەي فەدەراتسياسىنىڭ پرەمەر-ءمينيسترى دميتري مەدۆەدەۆ ءسوز سويلەدى. كورمە اياسىندا ەكسپو-2017 كورمەسىنىڭ «بولاشاق ەنەرگيا­سى» تاقىرىبى بويىنشا ارنايى پانەلدىك سەسسياسى ۇيىم­داستى­رىل­دى, وعان رەسەيلىك مي­نيستر­ل­ىكتەر باسشىلارى, ەنەرگە­تيكا, يننو­ۆاتسيا جانە جاڭا تەح­نولوگيا­لار سالا­سىن­داعى رەسەيلىك جانە شەتەل­دىك ءىرى كوم­پا­نيا­لاردىڭ وكىل­دەرى قاتىستى. ر.جوشىباەۆ سەسسيادا سويلە­گەن سوزىندە «بولاشاق ەنەرگيا­سى» تاقىرىبى كەزدەيسوق تاڭدالما­عانىن اتاپ ءوتتى. ءداستۇرلى ەنەرگيا كوز­دەرىنىڭ ءىرى قورلارىنىڭ بولۋى­نا قاراماستان, قازاقستان «جاسىل» ەكونوميكاعا كوشۋ تۇجىرىم­داما­سىن قابىلداپ, ىسكە اسىرۋدا. بۇل تۇجىرىمداماعا سايكەس 2050 جىلعا دەيىن ەلدىڭ جالپى ەنەرگو­با­لانسىندا جاڭعىرمالى ەنەر­گيا كوزدەرىنىڭ ۇلەسىن 50%-عا دەيىن ۇلعاي­تۋ جوسپارلانعان. 2017 جىلى ەكسپو كورمەسىنىڭ ۇيى­م­داس­تىرۋ­شىلارى الەم نازارىن سو2 شى­عىندىلارىن قىسقارتۋىنا, جاڭار­تىلاتىن ەنەرگيا كوزدەرىنىڭ دامۋى مەن تيىمدىلىگىنە اۋداراتىن بولادى. گ.كالامانوۆ ءوز سوزىندە پاريج­دە وتكەن حالىقارالىق كورمە­لەر بيۋروسىنىڭ 159-شى باس اسسام­­­بلەياسىنىڭ سەسسياسىندا استانانىڭ ەكسپو-2017 كورمە­سىنە دايىندىق بارىسى جوعارى باعاعا يە بولعانىن اتاپ ءوتتى. قازىرگى ۋاقىتتا رەسەي قا­تى­سۋ ۇلگىسىن جانە تاقى­رىپتىق با­عىت­­تارىن دايىنداۋدا. سپيكەرلەر كورمەگە دايىن­دىق بارىسىن جوعارى باعالاپ, كورمە­دە بالامالى جانە جاڭعىرمالى ەنەر­گيا كوزدەرى سالاسىنداعى ەڭ جاڭا­شىل, يننوۆاتسيالىق جانە پەرس­پەكتيۆالى جوبالار ۇسىنى­لاتىنىنا سەنىم ءبىلدىردى. سونداي-اق, استانادا ەكسپو-2017 ينفراقۇرىلىمى نەگىزىندە بۇۇ اياسىنداعى «جاسىل» تەحنولو­گيالار مەن ينۆەستيتسيالىق جوبا­لاردى دامىتۋ جونىندەگى حالىق­ارا­لىق ورتالىقتىڭ اشىلۋى تۋرالى قازاقستان پرەزيدەنتىنىڭ باستا­ماسى ەرەكشە اتالىپ ءوتتى. سەسسيا قورىتىندىسى بويىنشا ر.جوشىباەۆتىڭ ەكسپو-2017 رە­سەي سەكتسياسى كوميسسارىمەن كەز­­دەسۋى ءوتتى. كەزدەسۋ بارىسىندا رە­سەي پاۆيلونىنىڭ مازمۇندىق تول­­تى­رىلۋى, كورمە اياسىندا رەسەي فە­­دە­­را­تسياسىنىڭ ۇلتتىق كۇنى جانە رەسەيلىك تۋريستەردى استانا قا­لا­سى­نا تارتۋ ماسەلەلەرى تال­قى­لاندى. «ەگەمەن-اقپارات»