ۇكىمەت باسشىسى موڭعولياداعى قازاق دياسپوراسىمەن كەزدەستى

موڭعولياعا كەلگەن قازاقستان پرەمەر-ءمينيسترى كارىم ءماسىموۆ ولگەي قالاسىنا بارىپ, قازاق دياسپوراسىنىڭ وكىلدەرىمەن كەزدەستى.  ەستەرىڭىزگە سالساق, پرەمەر-مينيستر 15 شىلدە كۇنى ۇلان-باتىر قالاسىندا وتەتىن XI اسەم سامميتىنە قاتى­سۋ ءۇشىن موڭ­عوليا­عا كەل­گەن بولاتىن. ولگەي قالاسى ورنالاسقان ايماق حا­ل­قىنىڭ باسىم بولىگىن قازاق دياسپوراسى قۇرايتىنىن اتاپ وتكەن ءجون. مۇندا بارلىعى 90 مىڭ ادام تۇرسا, ونىڭ 88,7 پايىزىن قازاق­تار قۇرايدى. كارىم ءماسىموۆ قازاقستان رەس­پۋبليكاسىنىڭ پرەزيدەنتى نۇرسۇلتان نازارباەۆتىڭ تاپ­سىر­ماسىمەن ۇكىمەت ولگەي قالا­سىن­داعى سەلدەن زارداپ شەككەن وتبا­سى­لارعا قارجىلاي كومەك كورسە­تەتىنىن اتاپ ءوتتى. پرەمەر-مينيستر جاقىن كۇن­دەرى كورسەتىلەتىن قولداۋ قان­داس­تارى­مىزعا تابيعي اپات سال­دارىن جويۋ­عا جاردەمدەسەدى دەگەن ءۇمىتىن ءبىلدىردى. ايتا كەتۋ كەرەك, موڭعوليا­نىڭ ولگەي قالاسىندا 10 شىلدە كۇنى سەل ءجۇرىپ, سونىڭ سالدارىنان تۇرعىن ۇيلەر قيراپ, سۋ استىندا قالعان ەدى. بۇدان كەيىن كارىم ءماسىموۆ بايان-ولگەي ايماعىنىڭ ولكە­تانۋ مۇ­را­­جايى­نا باردى. ايماقتا مادەني سالا جەرگىلىكتى قازاق دياسپوراسىنىڭ ارقاسىندا دامىپ وتىر – قازاق دراما تەاترى جۇمىس ىستەيدى, جىل سايىن ناۋرىز مەرەكەسى كەڭىنەن اتالىپ ءوتىپ, ءبۇر­كىت­شىلەر اراسىندا جارىستار ۇيىم­داستىرىلادى. وسىعان وراي, ولكەتانۋ مۇرا­جايىنىڭ ەكسپوزيتسيالارى دا جەر­گىلىكتى تۇرعىنداردىڭ تۇرمىس-ءتىر­شىلىگىنە ارنالعان. مۇراجاي 1948 جىلى قۇرىلعان. قازىرگى كەزدە ونىڭ قورلارىندا 5200-دەن استام ەكسپونات بار. مۇراجايدى ارالاعان ك.ءما­سىم­وۆ مۇنداعى ەكسپوزيتسيا­لار­مەن تا­نىسىپ, ونىڭ باسشىلى­عىمەن, جەر­گىلىكتى قازاق زيالىلارى­نىڭ وكىل­دەرىمەن اڭگىمەلەستى. پرەمەر-مينيستر كارىم ءماسىم­وۆ ولگەي قالاسىندا بولعان­دا بايان-ولگەي وكرۋگىنىڭ اكىم­شىلىك ور­­ت­ا­­لى­عىنداعى №1 قازاق مەكتەبىنە باردى. بايان-ولگەي وكرۋگىنىڭ اكىمشى­لىك ورتالىعىنداعى №1 قازاق مەكتەبى 2014 جىلى اشىلعان. سول كەزدە قازاقستان ۇكىمەتى ءبىلىم مەكە­مەسىن مەكتەپكە قاجەتتى كەرەك-جاراقتارمەن جانە وقۋ قۇرال­دارى­مەن قامتاماسىز ەتكەن بولاتىن. ءبىلىم سالاسىنداعى ەكىجاقتى ىنتىماقتاستىق قازاقستان رەسپۋب­لي­كاسىنىڭ ءبىلىم جانە عىلىم مينيسترلىگىنىڭ جانە موڭعوليا­نىڭ ءبىلىم, مادەنيەت جانە عىلىم مينيسترلىگىنىڭ اراسىنداعى كەلىسىم اياسىندا جۇزەگە اسىرىلاتىنىن ايتا كەتكەن ءجون. جىل سايىن قر بعم شەتەلدە مەكەن­دەپ جاتقان قانداس­تارى­مىز­دىڭ بالالارى ءوز حالقى­نىڭ تا­ري­حىن, مادەنيەتىن جانە ءتىلىن وقىپ-ۇيرەنۋى ءۇشىن وقۋ-ءادىس­تە­مەلىك قۇرالداردى جىبەرىپ وتىرادى. ماسەلەن, 2016 جىلى موڭعو­ليا­داعى قازاق مەكتەبى 7-8 سى­نىپ­­تاردىڭ وقۋشىلارى ءۇشىن قازاق­ستاننان 4 مىڭعا جۋىق وقۋلىق مەن وقۋ-ادىستەمەلىك ماتەريال الدى. سونىمەن قاتار, جوعارى جانە جوعارى بىلىمنەن كەيىنگى ءبىلىم سالاسىنداعى بايلانىستار دامۋدا. اتاپ ايتقاندا, ءبىزدىڭ ەلىمىزدىڭ ازاماتى بولىپ تابىلمايتىن قازاق ستۋدەنتتەرىنە كۆوتا بويىنشا ءبىلىم گرانتىن الۋ ءۇشىن كونكۋرسقا جانە قازاقستان ازاماتتارىمەن تەڭدەي جالپى كونكۋرسقا قاتىسۋ مۇمكىندىگى بەرىلەدى. تەك 2015 جىلدىڭ وزىندە كۆوتا­نى موڭعولياداعى 44 ەتنوس­تىق قازاق پايدالانىپ, ەلىمىزدە ءبىلىم الۋ مۇمكىندىگىنە يە بولعان. 2001 جىلدان باستاپ بايان-ولگەي­دە س.امانجولوۆ اتىنداعى شىعىس قازاقستان ۋنيۆەرسيتەتىنىڭ في­ليا­لى اشىلعان. جىل سايىن ءبىلىم جانە عىلىم مينيسترلىگى شقمۋ ءۇشىن موڭعوليا ازاماتتارىنا ارناپ 25 ماقساتتى گرانت بولەدى. سونداي-اق, پرەمەر-مينيستر جەرگىلىكتى مۋزى­كالىق دراما تەاترىندا بولىپ, شەتەلدەگى قازاق ونەرى­نىڭ دامۋى­نا ءوز باعاسىن بەردى. XI اسەم سامميتىنە قاتىسۋ اياسىن­دا پرەمەر-مينيستر كارىم ءماسىموۆ موڭعولياداعى «شىڭ­عىس­حان ءمۇسىنى» تۋريستىك كەشەنىن ارالادى. ەسكەرتكىش ۇلان-باتىر قالاسى­نان شىعىسقا قاراي 53 شاقىرىم قاشىقتىقتا ور­نا­لاسقان. الىپ ەسكەرتكىشتى جاساۋ ءۇشىن 250 توننا بولات جۇمسالعان. ەسكەرت­كىشتىڭ تۇعىرىنان تومەن تۇسىندا شىڭ­عىس­حاننان كەيىن موڭ­عوليا­نى بيلە­گەن 36 حاندى بىلدىرەتىن 36 كولوننا بار. ەسكەرتكىشتىڭ جوعار­عى بولىگىندە 30 مەترلىك بيىك­تىكتە اينالانى بارىن­شا شولۋ­عا ءمۇم­كىن­دىك بەرەتىن ۇلكەن الاڭقاي بار. ك.ءماسىموۆ كەشەن ىشىندەگى مۇراجايدى ارالادى. ونداعى نەگىزگى ەكسپوناتتاردىڭ ءبىرى – سيمۆولدىق التىن قامشى بولىپ تابىلادى. اڭىزعا سۇيەنسەك, تەمۋدجين (بولاشاق شىڭعىسحان) ءمۇسىنى ورنالاسقان ناق وسى جەردە تابىستىلىقتىڭ بەلگىسى بولىپ سانالاتىن قامشى تاۋىپ العان. بۇدان سوڭ وعان موڭعولداردى ءبىر حالىق رەتىندە جۇمىلدىرۋ مۇمكىن بولعان دەپ سانالادى. سونىمەن قاتار, موڭعوليا ساپارى اياسىندا ۇكىمەت باسشىسى ك.ءماسىموۆ بايىرعى تۇركى بابالارىمىزدان جەتكەن اسىل مۇرا – تونىكوك ەسكەرتكىشىنە بار­دى. بۇل تۋرالى ول ءوزىنىڭ تۆيتتەر­دەگى رەسمي پاراقشاسىندا جازدى. ايتا كەتۋ كەرەك, بۇل جەردە تۇركيالىق پروفەسسور اxمەت تاشاعىل جەتەك­شىلىك ەتەتىن مامان­دار قازبا جۇ­مىس­­تارىن ءجۇر­گىزىپ جاتىر. بۇگىن پرەمەر-مينيستر ۇلان-باتىر قالاسىندا وتەتىن ءحى اسەم سامميتىنە قاتىسادى. «ەگەمەن-اقپارات»