اۆتوبۋستار

سەمەيدە قۇراستىرىلىپ, وسكەمەندە جۇيتكيدى   وسكەمەن قالاسىنىڭ قوعامدىق جولاۋشىلار تاسىمالداۋشىلارى وزدەرىنىڭ اۆتوبۋس پاركتەرىن جاڭارتۋدى قولعا الدى. بۇگىندە «روست» جشس – 8, «VoSca» جشس 4 اۆتوبۋس ساتىپ الدى. قالا كوشەلەرىندە قىزمەت كورسەتۋگە دايىن تۇرعان سۋ جاڭا كولىكتەردى ايماق باسشىسى دانيال احمەتوۆ قاراپ شىعىپ, باستالعان جۇمىسقا وڭ باعا بەردى. اتاپ ايتقاندا, «روست» جشس سەمەي قالاسىندا شىعارىلاتىن «Daewoo» ماركالى جالپى سىيىمدىلىعى 60 ورىندىق سەگىز اۆتوبۋس ساتىپ الدى. اتالعان وتاندىق اۆتوبۋستار №44 قالالىق باعىتتا قىزمەت كورسەتپەك. جالپى, 2018 جىلعا دەيىن وبلىس ورتالىعىنىڭ جولاۋشى تاسىمالىمەن شۇعىلداناتىن كومپانيالارى 100 اۆتوبۋس ساتىپ الۋدى جوسپارلاپ وتىر. اۆتوبۋس پاركتەرىنىڭ جىلجىما­لى قۇرامىن جاڭارتۋ جۇمىس­­تارى وسكەمەن, سەمەي قالا­لارى­نىڭ جولاۋشى تاسىمالى كوم­پانيالارىمەن جاساعان مەمو­راندۋمدارىنىڭ نەگىزىندە جۇ­زەگە اسىرىلۋدا. كەلىسىم نەگى­زىن­دە وسكەمەن قالاسىنىڭ 10 كاسىپ­ورنى مەن سەمەي قالاسىنىڭ 4 كاسىپورنى الداعى ەكى-ءۇش جىلدا جىلجىمالى قۇرامدى جاڭارتۋدى كوزدەپ وتىر. جەرگىلىكتى اتقارۋشى ورگاندارمەن جاسالعان مەموراندۋم اياسىندا 7 جىلعا دەيىن قولدانىستا بول­عان اۆتوبۋستاردىڭ 50 پايىزى جا­ڭارتىلۋى ءتيىس. ءدال وسى مول­شەردە 7 جىلدان 12 جىلعا دەيىن قول­دا­نىستا بولعان اۆتوبۋستار دا جاڭار­تىلادى. ال قولدانىستاعى ۋاقىتى 12 جىلدان اسقان اۆتوبۋستار قالا ىشىندە جولاۋشى تاسىمالداۋعا شىعارىلمايتىن بولادى. دۋمان اناش, «ەگەمەن قازاقستان» وسكەمەن