پاريجدە ايگىلى كومپانيانىڭ 130 جىلدىعى اتاپ ءوتىلدى

[caption id="attachment_51237" align="aligncenter" width="700"] فوتو: reuters.com[/caption] نەمىستىڭ ايگىلى Mercedes-Benz  كومپانياسىنىڭ قۇرىلعانىنا 130 جىل تولدى. وسىعان بايلانىستى فرانتسيانىڭ استاناسى – پاريجدە اۆتوكونتسەرن باسشىلىعى ءبىر كۇندىك كورمە وتكىزدى. reuters.com اقپارىنا سايكەس, ءىس-شارا بارىسىندا جاڭا كولىكتەردىڭ ۇلگىلەرى, ەڭ العاشقى شىققان اۆتوموبيلدەر, ليمۋزيندەر, سپورتقا ارنالعان ءتۇرلى ماشينالار كەلۋشىلەردىڭ نازارىنا ۇسىنىلدى. كورمەگە قاتىسقاندار الداعى ۋاقىتتا شىعۋى مۇمكىن كولىكتەردىڭ قۇرىلىمىمەن دە تانىس بولدى. 1886 جىلى گەرمانيادا مەرسەدەس-بەنتس برەندىنىڭ نەگىزى قالانعان. كارل بەنتس پەن گوتليب دايملەر العاش رەت «موتورلى كۇيمەنى» جاساپ شىعارعان. الايدا, ونىڭ العاشقى ديزاينى سول ۋاقىتتان 13 جىل بۇرىن شىعارىلعان دەگەن مالىمەتتەر دە بار. news-avtoblog.ru سايتىنىڭ حابارلاۋىنشا, 1890 جىلى گوتليب دايملەر DMG (Daimler Motoren Gesellschaft) كومپانياسىن قۇرعان ەكەن. ول ءۇش باعىت بويىنشا, ياعني اسپاندا, جەردە جانە تەڭىزدە پايدالانۋى ءتيىس قۋاتتى قوزعالتقىشتاردى دايىنداعان. قازىرگى كومپانيانىڭ ءۇش تاراپقا قاراعان ەمبلەماسى وسىنىڭ ارقاسىندا جاسالعان ەكەن. ايان ءابدۋالي