رەسەيدە عارىشتان سوققى بەرەتىن ۇشاق شىعارىلادى

رەسەيدە جاقىن عارىش كوگىنەن سوققى جاساۋعا قابىلەتى بار وتە جىلدام دىبىستى بومبارديروۆششيك جوباسى دايىندالىپ جاتىر. ريا «نوۆوستي» اگەنتگىنىڭ تىلشىسىنە رەسەي قورعانىس مينيسترلىگى اسكەري اكادەمياسى فيليالىنىڭ وقىتۋشىسى, پودپولكوۆنيك الەكسەي سولودوۆنيكوۆ وسى جونىندە اڭگىمەلەپ بەردى. ول قازىر پەرسپەكتيۆالى ۇشاقتىڭ دۆيگاتەلىن جاساۋ جۇمىستارىنا باسشىلىق جاساپ ءجۇر. «جاڭالىقتىڭ ءمانى مىنادا: ول ادەتتەگىدەي اەرودرومنان باسقارىلىپ, اۋە كەڭىستىگىن باقىلاۋعا الاتىن بولادى. بۇيرىق بويىنشا عارىش كوگىنە كوتەرىلىپ, سوققى جاساۋدى جۇزەگە اسىرادى, سونىڭ ىشىندە يادرولىق قارۋ دا بولادى. سوسىن ءوز اەرودرومىنا كەلىپ قونادى. بۇل – ستراتەگيالىق باعىتتاعى ۇشاق», - دەدى سولودوۆنيكوۆ. بۇدان ءارى ول ۇشاقتىڭ مۇمكىندىكتەرى وتە كەڭ ەكەنىن, ءبىر-ەك ساعاتتا پلانەتانىڭ كەز-كەلگەن نۇكتەسىنە سوققى بەرە الاتىنىن ايتتى. پودپولكوۆنيك ۇشاقتىڭ دۆيگاتەلىن جاساۋدىڭ 2018 جلى باستالىپ, 2020 جىلى العاشقى جۇمىس ءپروتوتيپى پايدا بولاتىنىن مالىمدەدى. «دۆيگاتەل ەكى كونتۋرلى بولىپ شىعادى. بىلايشا ايتقاندا, ول اتموسفەرا قاباتىندا دا, سونىمەن بىرگە, اۋاسىز كەڭىستىكتە كوسموستىق ۇشۋ رەجىمىنە جۇمىس ىستەي الادى. وسىنىڭ ءبارى ءبىر قوندىرعىعا قوندىرىلادى. ءدال قازىرگى تاڭدا رەسەيدە مۇنداي دۆيگاتەل جوق. ءبىر قوندىرعىداعى ەكى دۆيگاتەلدىڭ ءبىرى ۇشاققا, ەكىنشىسى راكەتاعا ارنالادى», - دەپ ءتۇسىندىردى مامان. مۇرات ايتقوجا