«جىبەك جولى» راللي-مارافونى قاراعاندىعا كەلدى

«جىبەك جولى-2016» حالىقارالىق اۆتورالليىنە  قاتىسۋشىلار قاراعاندى وبلىسىنداعى دوسكەي اۋىلىنىڭ تۇسىنان ءوتتى. اتالعان اۆتوراللي ءۇش مەملەكەتتىڭ – رەسەي, قازاقستان جانە قىتاي ەلدەرىنىڭ اۋماعىن باسىپ وتەدى. اۆتوشاباندوزدار 8-24 شىلدە ارالىعىندا 10 735 شاقىرىمدى قۇرايتىن جارىس جولىن باعىندىرۋلارى ءتيىس. مۇنداي الامان بايگەدە 30 ەلدىڭ نامىسىن قورعاعان 116 سپورتتىق ەكيپاج باق سىناۋدا. ۇيىمداستىرۋشىلاردىڭ ايتۋىنشا, «جىبەك جولى-2016» ءاۆتورالليىنىڭ قارقارالى جانە اقتوعاي اۋداندارىنىڭ جەرىن باسىپ وتەتىن جولى 568 شاقىرىمعا تەڭ. بۇل – جارىستىڭ قاشىقتىق  جاعىنان العانداعى ەڭ ۇزىن بولىگى ەكەن. اۆتورالليگە قاتىسۋشىلاردى بۇقار جىراۋ اۋدانىنداعى دوسكەي اۋىلىنىڭ تۇسىندا قارسى الۋشىلاردىڭ اراسىندا وبلىس اكىمى نۇرمۇحامبەت ابدىبەكوۆ تە بولدى. «جىبەك جولى-2016» رالليىندە باق سىناعان اۆتوشاباندوزدار ورتاشا العاندا ساعاتىنا 200-250 شاقىرىم جىلدامدىقپەن جۇرەدى ەكەن. بۇل كەزەڭنىڭ كومبەسى بالقاش قالاسىندا ورىن تەپكەن. وسى جەردە شارشاپ كەلگەن اۆتوشاباندوزدار از-كەم ايالداعان سوڭ, الماتىنى بەتكە الىپ, جارىس جولىنا قايتا شىعادى. قايرات ءابىلدينوۆ