21 ستۋدەنت

پرەزيدەنت ستيپەندياسىن يەلەندى ءبىلىم جانە عىلىم مينيسترلىگىنەن كوك­شەتاۋعا قۋانىشتى حابار جەتتى. وندا ش.ءۋا­ليحانوۆ اتىنداعى مەملەكەتتىك ۋنيۆەر­سيتەتتىڭ 10 جانە ا.مىرزاحمەتوۆ اتىنداعى ۋنيۆەر­سيتەتتىڭ 11 ستۋدەنتىنە قازاقستان رەسپۋب­ليكاسى پرەزيدەنتىنىڭ ارنايى شاكىرتاقىلارى تاعايىندالعانى ايتىلعان. بيىلعى اكادەميالىق ماۋسىم اياقتال­عانى­مەن ءبىز جەكەلەگەن قۋانىش يەلەرىن قۇت­تىق­تاپ, پىكىرلەرىن جازىپ الۋعا مۇمكىندىك الدىق. ديانا جاكۋلينا, ا.مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ سوڭعى كۋرس ستۋدەنتى: – دەكانىمىز قوڭىراۋ سوعىپ, جاقسى حاباردى جەتكىزگەندە, اسىرەسە, اتا-انامنىڭ قۋانىشىندا شەك بولعان جوق. بۇعان دەيىن رەكتوردىڭ ستيپەندياسىن الىپ ءجۇردىم. ال ەلباسىنىڭ ارنايى شاكىرتاقىسىن يەلەنۋ شىن مانىندەگى باقىت ەكەنىن سەزىندىم. ەڭبەك ەشقاشان ەلەۋسىز قالمايتىنىن ۇعىندىم. راحمەت! مەن «مەملەكەتتىك جانە جەرگىلىكتى باسقارۋ» ماماندىعىن سانالى تۇردە تاڭدادىم. ويتكەنى, جاڭا مەملەكەت قۇرىپ وتىرعان تاۋەلسىز قازاقستاننىڭ جارقىن بولاشاعىنا قىزمەت ەتكىم كەلەدى. وسى باستان وي-ارماندارىمدى جوسپارلاپ تا قويدىم. نيەتكە جەتۋ ءۇشىن كۇرەسەمىن. بۇعان ۇستازداردان العان ءبىلىم, ەلىمىزدىڭ پارلامەنت سەناتىندا ەكى رەت ءىس تاجىريبەدەن ءوتۋىم كومەكتەسەدى دەپ ويلايمىن. ماحاببات راحمەتوۆا, ش.ءۋاليحانوۆ اتىن­داعى مەملەكەتتىك ۋنيۆەرسيتەتتىڭ ستۋ­دەن­تى: – بيىل ۋنيۆەرسيتەتتىڭ «سۋرەت ونەرى ءجا­نە سىزۋ» فاكۋلتەتىنىڭ ءۇشىنشى كۋرسىن ءبىتىردىم. ءومىر مەن قوعام قۇبىلىسىن قىل­قالاممەن ورنەكتەۋگە بولاتىنىن كور­كەمسۋرەت مەكتەبىندە وقىپ جۇرگەندە ءتۇسىندىم. ونى ۇزدىك بىتىرگەنمىن. جوعارى وقۋ ورنىندا دا تەك قانا «بەسكە» تىرىسۋدامىن. كەز كەلگەن سالاداعى جاقسى ءبىلىم بولاشاقتىڭ ەسىگىن ەركىن اشۋعا مۇمكىندىك بەرەتىنىن ءتۇسىندىم. بۇعان قازاقستان رەسپۋبليكاسى پرەزيدەنتىنىڭ ستيپەندياسىنا لايىقتى بولۋىم كۋا. بۇعان قوسارىم, ەلباسى ماراپاتى تەك جاقسى وقۋ ءۇشىن عانا ەمەس, قازاقستان قوعامىنىڭ بيىك مۇراتتارىمەن مۇددەلەس ازاماتتارعا بەرىلەدى. ءدال سوندايلاردىڭ قاتارىنا ديانا جانە ماحابباتپەن بىرگە 21 ستۋدەنتتى دە قوسار ەدىك. ءبىر عانا مىسال ايتايىن, ماحابباتتىڭ كاريكاتۋرالىق سۋرەتتەرىندە كوپ وي بار. ول وبلىستىق «الەۋمەتتىك پلاكات» بايقاۋىندا ءدىني تەرروريزم مەن ەسترەميزم تاقىرىبىنداعى ەڭبەكتەرىمەن ۇزدىك شىقسا, سىبايلاس جەم­قورلىقتى اشكەرەلەيتىن سۋرەتتەرى ارقىلى رەسپۋبليكالىق بايقاۋدىڭ جەڭىمپازى اتاندى. باقبەرگەن امالبەك, «ەگەمەن قازاقستان» اقمولا وبلىسى