كەلىسىم كەپىلى

بولىپ تابىلاتىن اسسامبلەيانىڭ ءارالۋان ەتنوستاردىڭ مۇددەسىن ءبىرتۇتاس ۇلتتىق ماقساتقا بىرىكتىرۋشىلىك ۇستانىمى جەرگىلىكتى جەرلەردە جەمىستى جالعاسىپ كەلەدى ەلباسى «قازاقستان حالقى اسسام­بلەياسىنىڭ «تاۋەلسىزدىك. كەلىسىم. بولاشاعى ءبىرتۇتاس ۇلت» اتاۋىمەن وتكەن ءححىV سەسسياسىندا: «قازاقستان حالقى اسسامبلەيا­سى – تاۋەلسىزدىك جەمىسى. اسسامبلەيا كەز كەلگەن سىن-قاتەر تونگەن كەزدە جانە تاۋەلسىزدىكتىڭ بارلىق كەزە­ڭىندە ءاردايىم بيىكتەن تابىلدى. ونىڭ تاريحىندا ءبىزدىڭ ۇلتتىق ورلەۋ ءداۋىرىنىڭ كەزەڭدەرى مەن ناقتى ناتيجەلەرى كورىنىس تاپقان», دەپ اتاپ كورسەتكەن بولاتىن. ءيا, ەلىمىز ەگەمەندىك العاننان بەرى باستى يگىلىگىمىز – دوستىققا قىلاۋداي كىر­شىك جۇقپاستان ءوز جاراسىمىن تاۋىپ كەلەدى. وسى ۋاقىت ارالىعىندا ۇلتارالىق, كونفەسسياارالىق تەڭ قۇقىقتىلىق قامتاماسىز ەتىلىپ, قازاقستاندىقتاردىڭ بىرتەكتىلىگى مەن بىرلىك اۋقىمى ورتاق ارناعا توعىس­تىرىلدى. وبلىستىق قازاقستان حالقى اسسام­بلەياسىنىڭ ءححى سەسسيا­سىن اشقان ءوڭىر باسشىسى ەرىك سۇل­تانوۆ ءوز ءسوزىن پرەزيدەنت العا قوي­عان مىندەتتەردەن باستاپ, ازا­ماتتاردىڭ تەڭدىگى مەن ەتنوسارالىق قاتىناستار تۇراقتىلىعى ماسەلەسىنە قاتىستى ۇساق-تۇيەك بولمايدى دەگەن پايى­مىن العا تارتا وتىرىپ جالعاستىردى. مەملەكەت باسشىسى قازاقستان حالقى اسسامبلەياسىنىڭ جاڭا فۋنكتسيالىق باعىتتارىنا وراي جەرگىلىكتى قۇرىلىمدار مەن ەتنومادەني بىرلەستىكتەر الدىنا تىڭ تالاپتار قويدى. مەتسەناتتار قو­عامداستىعىنىڭ قىزمەتىن, داۋلى ماسەلەلەردى سوتقا دەيىنگى تارتىپپەن شەشەتىن مەدياتورلار جەلىسىن دامىتۋ, مەملەكەتتىك رامىزدەردى قازاق­ستاندىق پاتريوتيزم اتريبۋتتارى رەتىندە ازاماتتاردىڭ قولدانۋى اياسىن كەڭەيتۋ, وتباسىلىق قارىم-قاتىناستاردى, مورالدىق-ەتيكالىق جانە رۋحاني قۇندىلىقتاردى نى­عايتۋ, تاعى باسقا ماسەلەلەر بويىن­شا قوعامنىڭ بارلىق الەۋمەتتىك قىرلارىندا ۇيلەستىرۋشىلىك, باس­تاماشىلىق ءرول جۇكتەلدى. «سەسسيادا «ماڭگىلىك ەل» پات­ريوتتىق اكتىسىنىڭ قابىلدانۋى ۇر­پاقتار اراسىنداعى ساباقتاستىقتى ودان ءارى باياندى ەتۋگە ۇمتىلدىرادى. بۇل ورايدا الدىمىزدا ماڭگىلىك ەل ۇعىمىنىڭ تەمىرقازىعى ىسپەتتەس جەتى تۇعىرىن وسكەلەڭ ۇرپاق بويىنا ءسىڭىرۋ سەكىلدى كەڭ اۋقىمدى جۇ­مىستار تۇر», دەپ اتاپ كورسەتتى ەرىك حامزا ۇلى. وبلىستىق قازاقستان حالقى اسسامبلەياسىنىڭ حاتشىلىق مەڭ­­گەرۋشىسى نايل ساليموۆ «قايى­رىمدىلىق قىزمەت تۋرالى» جاڭا زاڭ شەڭبەرىندە مەتسەناتتىق قوزعا­لىستاردىڭ جاندانعانىن, ونىڭ ءبىر مىسالى رەتىندە «ۇلكەن ەل – ۇلكەن وتباسى» جوباسىنا 200 مىڭ ادام قاتىسىپ, 284 ءىس-شارا وتكىزىلگەنىن جەتكىزدى. «100 ناقتى قادام» ۇلت جوس­پارى اياسىندا «مەيىرىمدىلىك كەرۋەنى» اكتسياسى ءوز جالعاسىن تاۋىپ كەلەدى. تۇرمىسى تومەن, كوپبالالى وتباسىلارعا, از قامتىلعان جاندارعا, زەينەتكەرلەرگە قايتارىمسىز كومەك­تەر بەرىلەتىنىن ايتتى. رەسەيدىڭ ومبى وبلىسىنان ارنايى كەلگەن التىناي ءجۇنىسوۆا ءوزىنىڭ سوزىندە جۇزدەن استام ەتنوس وكىلدەرىن ءبىر شاڭىراق استىندا تاتۋ-ءتاتتى ءومىر سۇرۋگە قۇلشىندىرىپ وتىرعان ەلباسىنىڭ ساياساتىنا ءتانتى ەكەنىن جەتكىزدى. №17 ۇلتتىق جاڭعىرتۋ مەك­تە­بىندە ساباق بەرەتىن پەتيمەت اۆحا­دوۆانىڭ ىزگى بىرلىككە, ىرىستى ىنتىماققا ۇندەگەن سوزدەرى جالىندى شىقتى. «سۆىتانوك» ۋكراين مادەني بىرلەستىگىنىڭ توراعاسى الەكساندر پلوتكو مەن «دوسلۋك» تاتار-باشقۇرت» ۇيىمىنىڭ مۇشەسى سايداش عايسينگە قازاقستان حال­قى اسسامبلەياسىنىڭ قوعامدىق «بىرلىك» التىن مەدالى تاپسىرىلىپ, ەل بىرلىگىن, مادەنيەتارالىق ۇنقاتىسۋدى نىعايتۋداعى, قا­زاق­ستاندىق ءپاتريوتيزمدى قالىپ­تاس­تىرۋداعى ۇلەستەرى ورىندى باعا­لاندى. م.جۇماباەۆ اۋدانىن­داعى «ۆيدەرگەبۋرت» نەمىس مادەني ۇيىمىنىڭ مۇشەسى الەكساندر گامەرشميدت وبلىس اكىمىنىڭ ال­عىس حاتىمەن ماراپاتتالدى. وزگە بەلسەندىلەر دە سىي-سياپاتسىز قال­مادى. سەسسيا سوڭى ءتۇرلى ەتنوس وكىل­دەرىنىڭ ءان كەشىنە جالعاستى. ءومىر ەسقالي, «ەگەمەن قازاقستان»  سولتۇستىك قازاقستان وبلىسى