اكە مەن بالا 40 جىل ورمان كەزگەن

ۆەتنامنىڭ نۋ جىنىس­تى ورماندارىنان حو ۆان لانگوم دەگەن ۇلىمەن بىرگە جۇرگەن ۆان تحان دەگەن كىسى تابىلدى. ولار بۇدان 40 جىل بۇرىن اقش اۆياتسياسى ەلدى بومبالاي باستاعان كەزدە ءوز دەرەۆنيالارىنان قاشىپ شىعىپ, وسى جەردى پانالاعان كو­رىنەدى. سودان بەرگى ارالىقتا اكەلى-بالالى ەكەۋ سىرتتاعى ەلدەن مۇل­دەم بەيحابار قالعان. ولار سوعىس ءالى جالعاسىپ جاتىر دەپ ويلايدى ەكەن. دەرەۆنيانى بومبالاۋ كەزىندە بۇلاردىڭ جاقىندارىنىڭ ءبارى وپات بولىپ كەتىپتى. «جاقىن جەرگە باسقا ادامدار كەلگەن كەزدە ءبىز دجۋن­گليدىڭ تەرەڭ قوي­نا­ۋىنا ەنىپ كەتتىك», – دەيدى ۆان تحان. الايدا, تاياۋدا بۇ­لار ءۇشىن كۇتپەگەن ءبىر وقي­عا ورىن العان. اكەلى-با­لالى ەكەۋ دجۋنگلي ىشى­نەن تۋىستارىنىڭ ءبى­رىن كەز­دەيسوق كەز­دەستىرىپ قا­لادى. ول 40 جىلدا ەلدە نە بولعانىن تۇگەل ايتىپ بەرەدى. قازىر ۆان تحان مەن ونىڭ ۇلى حو ۆان لانگوم شاعىن ءبىر ەلدى مەكەندە تۇرىپ جاتىر. ولار وسىندا قازىرگى زامانعى ومىرگە بەيىمدەلۋدە. جەر­گىلىكتى تۇرعىندار جاڭا كور­شى­لەرىنە جابىلىپ ءۇي سالىپ بەرىپتى. ۆان تحان بىردەن ەگىنشىلىكپەن اينالىسىپ كەتكەن. قاراپ جۇرمەي, ۇلى­نا ومىرلىك سەرىك بولاتىن بولاشاق كەلىنىن دە تاۋىپ قويىپتى. مۇرات ايتقوجا