ءبىر مارقايىپ قالدىق

ىشكى ساياساتتا كوپۇلتتى قازاق­ستاندا تاتۋلىقتى تارقاتپاي, سىرت­قى ساياساتتا وزگە مەملەكەتتەرمەن دوستىق, ەكونوميكالىق ءارتاراپتى قارىم-قاتىناستى لايىقتى جولعا قويۋدى ۇستانعان قازاقستان ءوز يدەياسىن الەم ەلدەرى الدىندا دالەلدەپ كەلەدى. «قازاقستانداعى تاتۋلىقتىڭ, تۇراق­تىلىقتىڭ نەگىزى نەدە؟ قانداي ماقساتتار بىرنەشە ۇلت وكىلدەرىن ءبىر شاڭىراقتىڭ استىنا ءبىر ءۇيدىڭ بالاسىنداي ۇيىستىرىپ وتىر؟» دەگەن ءمولدىر سۇراقتار قازىر كوپشىلىكتىڭ كوكەيىندە ءجۇر. اسىرەسە, جارى­لىس­تار جاڭعىرىعى جازىقسىز جان­داردى قىناداي قىرىپ, جەر بەتىن ۇرەيدىڭ ەلەسى كەزگەن وسى ءبىر كەزەڭدەردە بەيبىتشىلىكتىڭ قازاقستاندىق ۇلگىسى راسىندا تاڭعالارلىق. وسى بەرەكەنىڭ ءمانى مەن ماڭىزىن تۇسىنبەي جۇرگەندەر ءۇشىن قازاقستاننىڭ ايتۋلى ۇيىمعا مۇشەلىككە تاڭدالىپ, داۋىس بەرۋ ناتيجەسىندە باسىم داۋىستى يە­لەنىپ, تۇعىرعا كوتەرىلۋى تولىققاندى جاۋ­اپ بولا الدى دەپ ويلايمىن. قازاقستان بۇعان ءوزىن وزگە ەلدەرگە تانىتا العان جاسامپازدىعىمەن, بيىكتەن بەدەرلى اڭگىمە ايتا الاتىن بىلىكتىلىگىمەن, وزىندە ورناعان بەيبىتشىلىكتى وزگە ەلدەرگە مۇمكىندىگىنشە ناسيحاتتاۋ, شيەلەنىستەردى شەشۋگە اتسالىسۋ ىقپالدىلىعىنىڭ مولدىعى ناتيجەسىندە قول جەتكىزە الدى. قازاقستاندى بەرەكەلى دە باقۋاتتى ەلگە اينالدىرىپ, الەم ەلدەرىنە تانىتۋدا ەلباسىمىز ن.نازارباەۆتىڭ ەڭبەگى ەرەن. وسى ءبىر ايتۋلى وقيعا تۇسىندا ەلدىڭ مە­رەيى, ەلباسىنىڭ بەدەلى ءۇشىن بارشا قا­زاقستان حالقى ءبىر مارقايىپ قالدى دەي الامىن. يۋري كەرجباۋم «شالوم» ەۆرەي ەتنومادەني بىرلەستىگىنىڭ توراعاسى ماڭعىستاۋ وبلىسى ماڭعىستاۋ وبلىسى