«باعالاي بىلگەنگە باق قونادى» دەگەن وسى!

بۇكىل قازاقستان ءۇشىن ەرەكشە تاريحي بيىككە شىققان قۋانىشى­مىزدى قاشان, قالاي ايتساق تا جاراسادى. قازاقستان رەسپۋبليكاسىنىڭ ازيا توبى مەملەكەتتەرىنىڭ اتىنان ءبى­رىك­كەن ۇلتتار ۇيىمىنىڭ قاۋىپ­سىزدىك كەڭەسىنىڭ 2017-2018 جىلداردا تۇراقتى ەمەس ءمۇ­شەسى بولىپ سايلانۋى – ءاربىر قازاق­ستاندىق ءۇشىن مەرەي. ەندىگى الداعى ەكى جىل بو­يىن­دا ءبىزدىڭ ەلىمىز بۇكىل­الەم­دىك ءمىن­بەدەن بەيبىت­شى­لىكتىڭ سالتانات قۇرۋى جولىن­دا ءوزىنىڭ ءجۇر­گىزىپ تە, جۇزەگە اسىرىپ تا كەلە جات­قان بەي­بىت­سۇيگىش سوزىمەن بەيبىت­شى­لىكتىڭ سالتانات قۇرۋىنا ءوز ۇلەسىن قوسۋ مۇمكىندىگىنە يە بولدى. ارينە, بۇل جەردە ءبىزدىڭ ەلى­مىزدىڭ وسىناۋ ۇلى ميس­سيا­سىنىڭ ىزگى­لىكتى مازمۇنى ءار­بىر ەلىم دەگەن كوزى قاراقتى ازامات ءۇشىن ايان ءىس. سوندىقتان مەم­لە­كەتتىك دەڭگەيدەگى بۇل وراسان زور سايا­­سي تابىسىمىز حا­لىقتىق سيپات الىپ, ءاربىر وتان­­­دا­سى­مىزدىڭ ەل­جان­­د­ىلىق رۋحى­نىڭ نى­عايىپ, بە­كي ءتۇسۋى­نە جاڭا سەر­پىن بەرە­تىنىن با­سا ايتقىم كەلە­دى. «باعا­لاي بىلگەنگە باق قو­نادى» دەگەن وسى! بار­شا الەم ءبىزدىڭ ەلىمىز­دىڭ بەيبىت­سۇيگىش سايا­سا­تىنىڭ جەمىستەرى مەن جەڭىستەرىن جوعارى باعالاپ, اس­قارالى ءمار­تە­بەگە كوتەرىپ وتىر­عاندا, سول مارتە­بەنىڭ يەسى رەتىندەگى ءاربىر ازاما­تى­مىز­دىڭ ماقتانىش سەزىمىندە شەك بار ما؟ ءوزىم جاس ۇرپاق تاربيەسى سا­لا­سىنىڭ قىزمەتكەرى بول­عا­ن­­دىقتان, مەن ءۇشىن بۇل – ايرىقشا قۋانىش. مەكتەپ ءاربىر شاكىرتتىڭ تۇل­عالىق مۇددەسىن مەم­لەكەتتىك, حالىق­تىق ءمۇد­دەمەن ءۇي­لەس­تىرىپ, ءبىرتۇتاس مەم­­لەكەتشىل ازامات باۋلۋعا با­عىت ۇستانادى. وسى وراي­­دا, قازاقستان رەس­­پۋب­لي­كا­سىنىڭ بۇل تاريحي اسۋى – وتان­شىل­دىق تاربيە ءۇشىن اسا وزەكتىلىكتى قازىنالى بەرەكە. ول ارقىلى وتان ءۇشىن ماقتانىش, ەل ءۇشىن ماقتانىش ءاربىر جاستىڭ جۇرەگىنە ەسەلەپ ۇيالايتىن بولادى. ەلىمىز ءوز تاۋەلسىزدىگىنە قول جەت­كىزگەن ساتتەن باستاپ ءوزىنىڭ بەي­بىت­سۇيگىش جولىنان تايماي ءور­كەندەپ كەلەدى. باسقا ىزگىلىكتى ىستەر­دى ايتپاعاننىڭ وزىندە, جەر ءجۇزىن ءتورت مارتە قۇرتىپ جىبەرۋگە جەتە­تىن سەمەي سىناق پوليگونىن جويىپ, يادرولىق قارۋدان ءبىر­جولا باس تارتۋ, بۇكىل الەمدە يادرو­لىق قارۋسىزدانۋدى جۇزەگە اسىرۋ جولىنداعى قوزعالىسقا ۇزدىك­سىز ءۇن قوسۋ, ەلىمىزدەگى ساياسي تۇ­راق­تىلىقتىڭ نەگىزگى تەتىگى بولىپ وتىرعان قازاقستان حالقى اس­­سامبلەياسىنىڭ يگى­لىكتى جۇ­مىسىن قام­تاماسىز ەتۋ سياق­تى ىرگەلى-ىرگەلى ءىس­تەرىمىزدىڭ بىردەن-ءبىر دۇرىس سارا جول ەكەنىنە كوزىمىز تاعى دا جەتىپ وتىر. بۇگىنگى جەڭىسىمىز وسى نۇر­لى جولىمىزدىڭ ودان دا تا­بىستى, ودان دا ناتيجەلى بو­لۋى­نا كۇشتى سەرپىن بەرەتىنى قۋانتادى. وسىناۋ ۇلى ىستەردىڭ جوسپارلاۋشىسى, باستاماشىسى ەلباسى, قازاقستان پرەزيدەنتى نۇرسۇلتان ءابىش­ ۇلى نازارباەۆ ءۇشىن ريزاشى­لىعىمىز شەكسىز. حالقىمىز تىنىشتىقتا ەمىن-ەركىن ساپالى ءومىر ءسۇرۋ ءۇشىن ەڭبەكتەرىڭىز وسىلاي مۇراتتى بولا بەرسىن دەيمىز. اياگۇل ميرازوۆا, قازاقستاننىڭ ەڭبەك ەرى الماتى