ەل كاسىپكەرلەرى ءۇشىن جەڭىلدىكتەر جاسالماق

قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ بەينەكونفەرەنتسيا بايلانىسى رەجىمىندە وتكەن ەۋرازيالىق ەكونوميكالىق كوميسسيا كەڭەسىنىڭ (ەەك) وتىرىسىنا قاتىستى, دەپ حابارلادى پرەمەر-ءمينيستردىڭ ءباسپاسوز قىزمەتى. كەڭەس مۇشەلەرى تاۋار­لاردىڭ بەلگىلى ءبىر تۇرلەرىنە ولاردى ەنگىزۋدەگى كەدەندىك باج سالىعى ستاۆكالارىنىڭ  تومەندەۋىنە بايلانىستى كەدەندىك-تاريفتىك رەتتەۋ ماسەلەلەرىن قارادى. وسىلايشا, قازاقستاندىق كا­سىپ­ورىنداردىڭ ءوتىنىشى بويىنشا 2016 جىلدىڭ 1 قىركۇيەگىنەن 2021 جىلدىڭ 31 تامىزىنا دەيىن قازاقستان رەسپۋبليكاسىنىڭ اۋما­عىنا ەنگىزىلەتىن تيتان توتى­عىن كەدەندىك باج سالىعى­نان بوساتۋ تۋرالى شەشىم قا­بىلداندى. بۇل شارا ءوندىرىس شىعىندارىن ازايتۋعا, سونداي-اق, وتاندىق تيتان ونىمدەرىن وندىرۋشىلەردىڭ باسەكەگە قابىلەتتىلىگىن ارتتىرۋعا جاعداي جاسايدى. ونىڭ سىرتىندا وتىرىس بارىسىندا ەلەكتر قوز­عالت­قىشتارى بار اۆتومو­بيلدەر, سول سياقتى وتىن رەتىندە تابيعي گازدى پايدالاناتىن كولىك قۇرالدارىنىڭ جەكەلەگەن جيىنتىقتارى ءۇشىن ولاردى ەنگىزۋدەگى كەدەندىك باج سالىقتارىنىڭ ستاۆكالارىن ءتو­مەن­دەتۋ جايى قولداۋ تاپتى. قازاق­ستان ءۇشىن بۇل شارالار «جاسىل» ەكونوميكاعا كوشۋ شەڭبەرىندە با­سىمدىققا يە بولىپ تابىلادى. ەەك كەڭەسىنىڭ ءمۇ­شە­لەرى, سون­داي-اق, سىرتقى ەكو­نو­ميكالىق قىزمەت جۇيەسىندە «ءبىر تەرەزە» مەحا­نيزمىن جۇزەگە اسىرۋ جونىندەگى ەگجەي-تەگجەي­لى ءىس-شارالار جوس­پارىنا قولداۋ كورسەتتى, ونىڭ ءوزى بيزنەس-ۇدەرىستەردى وڭتاي­لان­دىرۋدىڭ ءتيىمدى قۇرالى بولىپ تابىلادى جانە ودان ارعى جەردە ەكسپورتتىق-يمپورتتىق وپەراتسيالار كەزىندە كاسىپكەرلەردىڭ شىعىندارىن تومەندەتۋگە جاعداي جاسايدى.