aktobetimes.kz
بۇدان بىرقاتار ۋاقىت بۇرىن ەمشى رەتىندە اتى شىققان ارالدىق ەربوسىن سەرىكباەۆ قازىرگى كۇندەرى اقتوبەدا سول كاسىبىن جۇرگىزىپ جاتىر. aktobetimes.kz پورتالىنىڭ حابارىنا قاراعاندا, 13 جاسار ەمشى بالا مۇندا تۋىستارىنا قىدىرىپ كەلگەن كورىنەدى. ول مۇندا ءالى ايعا جۋىق بولاتىنعا ۇقسايدى. ەمشىنىڭ كەلگەنىن ءبىلىپ قويعان جەرگىلىكتى جۇرت ول جاتقان ۇيگە وزدەرى كەلىپ, باسىپ قالعان. پورتالدىڭ مالىمەتىنشە, وسى كۇندەرى ەربوسىن ەمدەلۋشى قابىلداپ جاتقان ءۇيدىڭ ماڭى كەزەككە تۇرعان ادامداردىڭ نوپىرىنە اينالىپ كەتكەن. ولاردىڭ اراسىندا ەمشى بالا تۋرالى اڭىزعا بەرگىسىز اڭگىمەلەر گۋلەپ تۇر. سونىڭ ءبىرى ەربوسىننىڭ الدىنا بارعان زاعيپ جانداردىڭ جانارلارى اشىلىپ كەتكەنىن ايتسا, ەندى بىرەۋلەرى ءتىپتى ەكى اياعىن باسا الماي قالعان سال ادامداردىڭ تاباندارىنان تىك تۇرىپ كەتكەندەرىن ايتادى. جۋرناليستەر بارعاندا, ەربوسىن ءوزىن سۋرەتكە تۇسىرتە قويماپتى. ول كەلگەندەردە ارنايى باعا دا بەلگىلەمەگەن. كىم نە بەرسە, سونى الادى. بۇعان دەيىن ەربوسىن تۋرالى تالاي جازىلعان. سونىڭ ىشىندە وعان ءبىر اقساقالدى قاريانىڭ ايان بەرىپ, وسى جولعا تۇسىرگەنى دە ايتىلدى. ەمشىنىڭ قىزىلوردا وبلىسىنا قاراستى ارال اۋدانىنداعى ارالقۇم ەلدى مەكەنىندەگى ۇيىنە كەلەتىندەر ءتىپتى كوپ دەسەدى. وندا بالانىڭ كۇنىنە 5 مىڭعا دەيىن ادام قابىلداي الاتىنى دا جازىلدى. قازىر ەربوسىننىڭ ەرەكشە قابىلەتىنە سەنەتىن دە, كەكەسىنمەن قارايتىندار دا تابىلادى. بىراق بۇعان ءبىز تورەشىلدىك ەتە المايمىز. ال دارىگەرلەر مۇنداي تاۋىپتەرگە سىن كوزىمەن قارايدى. وبلىستىق دەنساۋلىق باسقارماسىنىڭ باستىعى اسەت قاليەۆتىڭ ايتۋىنشا, ەمدەۋ ءۇشىن وندا الدىمەن ءتيىستى ديپلوم جانە سەرتيفيكات بولۋى كەرەك. سوندىقتان ول جۇرتقا 13-تەگى بالاعا ءۇمىت ارتپاي, دارىگەرلەرگە كورىنۋگە كەڭەس بەرەدى. ساتىبالدى ءساۋىرباي
