جۇرگىزۋشىسىز جۇرەتىن اۆتوبۋس

تەحنولوگيانىڭ وتانى سانالاتىن جاپونيادا تاعى ءبىر تىڭ دۇنيە جاساپ شىعارىلدى. ءوز­دىگىنەن جۇرەتىن, جۇرگىزۋشىنى قاجەت ەتپەي­تىن كولىكتەر ءبىر كەزدەرى بەينەبىر ەلەس سياقتى كورىنەتىن ەدى. ەندى, مىنە, ول دا شىندىققا اينالعانداي. كۇنشىعىس ەلىندە ينجەنەر ماماندارى تەك ەلەكتر قۋاتىمەن ءارى ادامنىڭ باسقارۋىنسىز قوز­عالاتىن شاعىن اۆتوبۋس­تار قۇ­راستىرىپ شىعاردى. س­الو­نىنا بارلىعى 12 ادام سيا­دى. سونىمەن قاتار, ونىڭ ىشىنە قارت كىسىلەر مەن مۇمكىندىگى شەك­تەۋلى جانداردى مىنگىزىپ, تۇسىرۋگە ارنالعان ارنايى قۇرىلعى ور­ناتىلعان. مالىمەتتەرگە قارا­عان­دا, ساعاتىنا 40 شاقىرىم جىلدامدىقپەن جۇرە الادى. ال GPS ناۆيگاتسياسى ارقىلى ارتقا قاراي قوزعالادى. جاڭادان شىققان كولىكتەر الدى­مىزداعى تامىز ايىنان باستاپ حالىققا قىزمەت كورسەتۋدى باستايدى. تولىق تاجىريبەدەن وتكەننەن كەيىن بيلىك 2020 جىلى توكيو وليمپياداسىنا كەلگەندەردى ءدال وسى قوعامدىق كولىكپەن تاسى­مال­داماق نيەتتە. ايتا كەتەيىك, جاپونيادا وسىدان بىرەر جىل بۇرىن ءدال وسىعان ۇقساس جۇك كولىكتەرى سىناقتان وتكەن. جۇرگىزۋشىسىز جۇرەتىن كولىكتەر سىناق بارىسىندا ءبىر سىزىقتى بويلاپ, بىردەي ارالىقتى ساقتاپ, بىرنەشە ساعات بويىنا 80 كيلومەتر جىلدامدىقپەن ءجۇرىپ وتىرعان. بۇل ەرەجەلەردى ساقتاۋ ءۇشىن ارنايى جۇيە ورناتىلىپتى. ءار كولىككە باقىلاۋشى ادام وتىرىپ, قويىلعان جۇيەنىڭ قانشالىقتى جۇزەگە اسقانىن تەكسەرگەن ەكەن. ايان ءابدۋالي, «ەگەمەن قازاقستان»