«ەگەمەن قازاقستان» گازەتىنە جاڭا باسشى تاعايىندالدى

كەشە «ەگەمەن قازاقستان» گازەتىنە كەلگەن اقپارات جانە كوممۋنيكاتسيالار ءمينيسترى داۋرەن اباەۆ «ەگەمەن قازاق­ستان» رەسپۋب­ليكالىق گازەتى» اكتسيو­نەرلىك قوعامىنىڭ جاڭا باس­شىسى حالىقارالىق تۇركى اكادە­ميا­سىنىڭ پرەزيدەنتى, تاريح عىلىمدارىنىڭ دوكتورى دارحان قۋاندىق ۇلى قىدىرالىنى گازەت ۇجىمىمەن تانىستىردى. ول عاسىرلىق تويى جاقىنداپ قالعان اعا باسىلىمنىڭ تاريحىنا قىسقاشا توقتالىپ, وندا تالاي ارىستار قولتاڭبالارىن قالدىرعانىن, گازەت قاشاندا حالىق مۇددەسى مەن ەلدىكتى جازىپ كەلگەنىن جانە الداعى ۋاقىتتا دا جاڭا تالاپتار دەڭگەيىنەن تابىلاتىندىعىن ايتىپ ءوتتى. وزدەرىڭىز بىلەسىزدەر, قازىرگى تاڭدا بۇقارالىق اقپارات قۇرالدارىنا جاڭا تالاپتار قويىلىپ وتىر. مەديا كەڭىستىكتە باسەكەلەستىك كۇشىنە ەندى. وسىعان بارلىق بۇقارالىق اقپارات قۇرالدارى يكەمدەلۋى ءتيىس. بارىنەن بۇرىن, جاڭا تالاپتارعا بايلانىستى وقىرمان تالاپتارى دا ەسكەرىلۋى ءتيىس. اقپاراتتى قىسقا ءارى نۇسقا بەرۋ جۇزەگە اسىرىلۋى كەرەك, دەگەن د.اباەۆ, ودان ءارى جۋرناليستەر ءۇشىن اۋديتوريانى تەرەڭ زەرتتەۋ, جازىلار ماتەريالداردىڭ كولەمىن ىقشامداۋ, ينتەرنەت سايتىن جەتىلدىرۋ سەكىلدى دە جا­ڭا تالاپتار قويدى. سول سياق­تى مينيستر گازەتتىڭ 100 جىل­دىعىنا دايىندالۋ بارىسىن, «ەگەمەن» كىتاپحاناسى» سەرياسىمەن كىتاپتار شىعارۋ سەكىلدى ماسەلەلەرگە ءمان بەردى.  «بۇرىنعى باسشى ەركىن قىدىرعا گازەتتىڭ جانە جالپى وتاندىق ءباسپاسوزدىڭ دامۋىنا قوسقان ۇلەسى ءۇشىن العىس بىلدىرەمىن. بۇعان دەيىن ءوزىن بىلىكتى باسشى رەتىندە كورسەتە بىلگەن دارحان قىدىرالى عاسىرلىق تاريحى بار «ەگەمەننىڭ» ەلدىگىمىزدى نىعايتۋ جولىنداعى ىستەرىن ودان ءارى جالعاستىرىپ, گازەتتى جاڭا دەڭگەيگە كوتەرەدى دەپ سەنەمىن», – دەدى مينيستر. بۇدان كەيىن گازەتتىڭ بۇ­رىن­عى باسشىسى ەركىن قىدىر جانە وسى باسىلىم باسقارما ءتور­اعا­سىنىڭ ورىنباسارى – باس رەداكتور جانبولات اۋپباەۆ ءسوز الىپ, ءمينيستردىڭ العا قويعان تاپسىرمالارىنىڭ ءسوزسىز جۇزە­گە اساتىنىن, گازەتتى جاڭا تالاپ­تارعا ساي جاقسارتۋ ودان ءارى جالعا­سىن تابا بەرەتىندىگىن, بۇل جول­­دا بىرلەسىپ كەلەلى جۇمىس ىستەي­تىندىكتەرىنە ۇلكەن سەنىم ءبىلدىردى. «ەگەمەن-اقپارات»