قىرىق جىلدىققا – 40 تەرەك

بيىلعى جىلدىڭ تامىز ايىنىڭ سوڭىندا شىعىس قازاقستان وبلىسى, زايسان اۋدانى, قارابۇلاق اۋى­لىنداعى اباي ورتا مەكتەبىندە, وسى ءبىلىم وشاعىن 1976 جىلى ءبىتىرىپ كەتكەن تۇلەكتەردىڭ 40 جىلدان كەيىنگى كەزدەسۋى وتپەك. قازىرگى كۇندەرى جاستارى ەلۋدىڭ بەل ورتاسىنان اسقان مەكتەپ تۇلەكتەرى ءوز كەزدەسۋلەرىن ءماندى وتكىزىپ, ارتتارىندا ءىز قالدىرۋ ءۇشىن وزدەرى تۋىپ-وسكەن اۋىل مەن وقىعان مەكتەپتەرىنە جاسىل جەلەككە كومكەرىلگەن باق تارتۋدى ءجون كورىپتى. وسىعان وراي, دايىندىق جۇمىستارى ەرتە باستالىپ كەتتى. مامىر ايىندا بولاشاق باقتىڭ ورنى جوس­پارلانىپ, ول بۇل كۇندەرى الماتى قالاسىندا تۇرىپ جاتقان تۇلەكتەر جىبەرگەن قورشاۋلارمەن قورشالىندى. سودان كەيىن تۋعان اۋىلدارىندا ەڭبەك ەتىپ جاتقان فاريدا قاليحانوۆا, توق­تاش ابدىحالىقوۆ, الكەن وسپانوۆ, شايزا ساعىمباەۆا, عاليا بەيسەنوۆا, جانايحان, مارفۋعا, عايني, ەرمۇحان, قارلىعاش سەكىلدى تۇلەكتەر ەكى قولدارىن سىبانىپ, الدىن الا دايىندالعان كو­شەتتەردەن باق وتىرعىزۋعا كىرىستى ءجا­نە ونى كۇتىمگە الدى. بۇل جۇمىستار «قىرىق جىلدىق كەزدەسۋگە – 40 تەرەك» دەگەن ۇرانمەن ءجۇردى. قارابۇلاقتىق تۇلەكتەردىڭ بۇل باس­تاماسى اۋىلدان اۋىلعا جەتىپ, اۋدان باسشىلىعىنىڭ دا قۇلاعىنا تيگەن ەكەن, باسشىلىق مەكتەپ تۇلەكتە­رىنە العىس حات تاپسىرىپ ۇلگەرىپتى. وسى جۇمىستاردىڭ بارلىعىن ۇيىم­داستىرۋعا بۇل كۇندەرى سول اباي ور­تا مەكتەبىنىڭ ديرەكتورى بولىپ قىز­مەت ەتەتىن فاريدا قاليحينوۆانىڭ  باستاماشىلدىق ەتكەندىگىن ايتا كەتپە سەك بولماس. سۇڭعات ءالىپباي, «ەگەمەن قازاقستان»