جاقىندا تۇركيانىڭ ەلازىق قالاسىندا تۇركى حالىقتارى اقىندارىنىڭ «حازار شير اقشاملارى» اتتى حالىقارالىق پوەزيا فەستيۆالى ءوتتى. 1992 جىلدان باستاپ ءوتىپ كەلە جاتقان بۇل جىر دوداسى بيىل الىشەر ءناۋايدىڭ قۇرمەتىنە ارنالدى. وسىعان دەيىنگى وتكەن فەستيۆالداردىڭ ءبىرى الاشتىڭ ارداقتى اقىنى ماعجان جۇماباەۆ رۋحىنا ارنالىپ وتكەن ەكەن. ەلازىقتىڭ اكىمدىگى مەن ەۋرازيا جازۋشىلار وداعىنىڭ ۇيىمداستىرۋىمەن بولعان وسى ايتۋلى جىر فەستيۆالىنە قازاقستاننىڭ تۇركياداعى ەلشىلىگىنىڭ شاقىرتۋىمەن ەلىمىزدەن «ان-ارىس» باسپاسىنىڭ باس رەداكتورى, اقىن كادىربەك قۇنىپيا ۇلى مەن «ءمولدىر بۇلاق» جۋرنالى باس رەداكتورىنىڭ ورىنباسارى, اقىن سايات قامشىگەر قاتىسىپ قايتتى.
قازاقستان, قىرعىزستان, ازەربايجان, تاتارستان, گاگاۋزيا, ءتۇركيا, كوسوۆو, يراك سياقتى بىرنەشە مەملەكەتتەن قاتىسقان اقىندار 4 كۇن بويى ەلازىق قالاسىنىڭ اسپانىندا ولەڭ-جىردىڭ قۇسىن قالىقتاتتى. ءار اقىن ءوز تۋىندىلارىن انا تىلدەرىندە جاتقا وقىدى. بۇل جىر مەرەكەسى تۇركى حالىقتارىنىڭ تۋىستىعىن ۇعىندىرا تۇسەتىن, جانى, ءتىلى, رۋحى جاقىن اقىنداردىڭ باۋىرمالدىعىن ارتتىراتىن كەرەمەت شارا بولدى.
رەسمي اشىلۋدا ەلازىق قالاسىنىڭ باستى كوشەلەرىمەن پوەزيا فەستيۆالىنە قاتىسۋشى اقىندار مەن ۇيىمداستىرۋشىلار سىرنايلاتىپ, دابىلداتىپ, ەرەكشە سالتاناتتى جاعدايدا, قولدارىنا تۋ كوتەرىپ ءجۇرىپ ءوتتى. بۇل سالتاناتتى شەرۋدى تاماشالاۋعا ەلازىق قالاسىنىڭ حالقىنان بولەك, تۇركيانىڭ باسقا قالالارىنان, شەتەلدەردەن ونەرسۇيەر قاۋىم ارنايى كەلگەن ەكەن.
ءار كۇندە ءتۇرلى كەزدەسۋلەر, باسقوسۋلار, كونفەرەنتسيالار, دوڭگەلەك ۇستەلدەر, جىر كەشتەرى ءوتىپ, مادەنيەتتەر اراسىندا التىن كوپىر ورنادى. كادىربەك قۇنىپيا ۇلى مەن سايات قامشىگەر وسى شارالاردىڭ بارلىعىندا قازاقستاندى, ەلدىڭ ادەبيەتى مەن رۋحانياتىن پاش ەتىپ, جۇرەكتەرىنەن اقتارىلعان جىرلارىن تەبىرەنە وقىدى. حازار كولىنىڭ جاعاسىندا, وتىز عاسىرلىق تاريحى بار حارپۋت قامالىندا, پالۋ اۋدانىندا وتكەن باسقوسۋلار دا قازاق جىرىنىڭ قۇدىرەتىن تانىتا تۇسكەنى راس.
قازاق پوەزياسىن ءتۇبى ءبىر تۇركى ەلدەرىنە تانىتۋدا ايرىقشا ەڭبەك ەتىپ كەلە جاتقان قازاقستاننىڭ تۇركياداعى ەلشىلىگى ايتۋلى جىر مەرەكەسىنە قازاق اقىندارىن قاتىستىرۋ ارقىلى ەلدەر مەن ەلدەردى, حالىقتار مەن حالىقتاردى جاقىنداستىراتىن تاعى دا ءبىر يگى ءىس جاسادى. ەلىمىزدىڭ اتىنان جىر دوداسىنا بارىپ قايتقان كادىربەك قۇنىپيا ۇلى مەن سايات قامشىگەر ديپلومانت اتانىپ, ءتۇرلى سىيلىقتارعا يە بولىپ, مەرەيلەرى تاسىپ ورالدى.
«ەگەمەن-اقپارات»
جاقىندا تۇركيانىڭ ەلازىق قالاسىندا تۇركى حالىقتارى اقىندارىنىڭ «حازار شير اقشاملارى» اتتى حالىقارالىق پوەزيا فەستيۆالى ءوتتى. 1992 جىلدان باستاپ ءوتىپ كەلە جاتقان بۇل جىر دوداسى بيىل الىشەر ءناۋايدىڭ قۇرمەتىنە ارنالدى. وسىعان دەيىنگى وتكەن فەستيۆالداردىڭ ءبىرى الاشتىڭ ارداقتى اقىنى ماعجان جۇماباەۆ رۋحىنا ارنالىپ وتكەن ەكەن. ەلازىقتىڭ اكىمدىگى مەن ەۋرازيا جازۋشىلار وداعىنىڭ ۇيىمداستىرۋىمەن بولعان وسى ايتۋلى جىر فەستيۆالىنە قازاقستاننىڭ تۇركياداعى ەلشىلىگىنىڭ شاقىرتۋىمەن ەلىمىزدەن «ان-ارىس» باسپاسىنىڭ باس رەداكتورى, اقىن كادىربەك قۇنىپيا ۇلى مەن «ءمولدىر بۇلاق» جۋرنالى باس رەداكتورىنىڭ ورىنباسارى, اقىن سايات قامشىگەر قاتىسىپ قايتتى.
قازاقستان, قىرعىزستان, ازەربايجان, تاتارستان, گاگاۋزيا, ءتۇركيا, كوسوۆو, يراك سياقتى بىرنەشە مەملەكەتتەن قاتىسقان اقىندار 4 كۇن بويى ەلازىق قالاسىنىڭ اسپانىندا ولەڭ-جىردىڭ قۇسىن قالىقتاتتى. ءار اقىن ءوز تۋىندىلارىن انا تىلدەرىندە جاتقا وقىدى. بۇل جىر مەرەكەسى تۇركى حالىقتارىنىڭ تۋىستىعىن ۇعىندىرا تۇسەتىن, جانى, ءتىلى, رۋحى جاقىن اقىنداردىڭ باۋىرمالدىعىن ارتتىراتىن كەرەمەت شارا بولدى.
رەسمي اشىلۋدا ەلازىق قالاسىنىڭ باستى كوشەلەرىمەن پوەزيا فەستيۆالىنە قاتىسۋشى اقىندار مەن ۇيىمداستىرۋشىلار سىرنايلاتىپ, دابىلداتىپ, ەرەكشە سالتاناتتى جاعدايدا, قولدارىنا تۋ كوتەرىپ ءجۇرىپ ءوتتى. بۇل سالتاناتتى شەرۋدى تاماشالاۋعا ەلازىق قالاسىنىڭ حالقىنان بولەك, تۇركيانىڭ باسقا قالالارىنان, شەتەلدەردەن ونەرسۇيەر قاۋىم ارنايى كەلگەن ەكەن.
ءار كۇندە ءتۇرلى كەزدەسۋلەر, باسقوسۋلار, كونفەرەنتسيالار, دوڭگەلەك ۇستەلدەر, جىر كەشتەرى ءوتىپ, مادەنيەتتەر اراسىندا التىن كوپىر ورنادى. كادىربەك قۇنىپيا ۇلى مەن سايات قامشىگەر وسى شارالاردىڭ بارلىعىندا قازاقستاندى, ەلدىڭ ادەبيەتى مەن رۋحانياتىن پاش ەتىپ, جۇرەكتەرىنەن اقتارىلعان جىرلارىن تەبىرەنە وقىدى. حازار كولىنىڭ جاعاسىندا, وتىز عاسىرلىق تاريحى بار حارپۋت قامالىندا, پالۋ اۋدانىندا وتكەن باسقوسۋلار دا قازاق جىرىنىڭ قۇدىرەتىن تانىتا تۇسكەنى راس.
قازاق پوەزياسىن ءتۇبى ءبىر تۇركى ەلدەرىنە تانىتۋدا ايرىقشا ەڭبەك ەتىپ كەلە جاتقان قازاقستاننىڭ تۇركياداعى ەلشىلىگى ايتۋلى جىر مەرەكەسىنە قازاق اقىندارىن قاتىستىرۋ ارقىلى ەلدەر مەن ەلدەردى, حالىقتار مەن حالىقتاردى جاقىنداستىراتىن تاعى دا ءبىر يگى ءىس جاسادى. ەلىمىزدىڭ اتىنان جىر دوداسىنا بارىپ قايتقان كادىربەك قۇنىپيا ۇلى مەن سايات قامشىگەر ديپلومانت اتانىپ, ءتۇرلى سىيلىقتارعا يە بولىپ, مەرەيلەرى تاسىپ ورالدى.
«ەگەمەن-اقپارات»
سوڭعى جاڭالىقتار
استانادا ءبىر كوشەدە كولىك قوزعالىسى ءىشىنارا شەكتەلەدى
ەلوردا • كەشە
الماتى وبلىسىندا 73 مايدانگەردىڭ ەسىمى كوشەلەرگە بەرىلگەن
وشپەس داڭق • كەشە
ورلوۆ شاحتاسىندا جۇمىسشى قازا تاپتى
وقيعا • كەشە
پرەزيدەنت بىرقاتار زاڭعا قول قويدى
پرەزيدەنت • كەشە
تۋعان جەر قۇرمەتىنەن قاناتتانىپ…
ادەبيەت • كەشە
1 شىلدەدەن باستاپ يپوتەكا كىمدەرگە بەرىلمەيدى؟
يپوتەكا • كەشە
