ىزگى نيەتتى لەبىزدەر لەگى

ەلباسىنىڭ تۋعان كۇنىنە بايلانىستى ازەربايجان رەس­پۋب­ليكاسىنىڭ پرەزيدەنتى يلحام اليەۆ قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى. ي.اليەۆتىڭ قۇتتىقتاۋىندا نۇرسۇلتان نازارباەۆتىڭ دانا باسشىلىعىمەن قازاقستاننىڭ ساياسي, الەۋمەتتىك-ەكونوميكالىق جانە مادەني جاسامپازدىق جولىندا نىق سەنىممەن قادام باسىپ كەلە جاتقانى ايتىلعان. «ەلىڭىزدىڭ حالىقارالىق بەدەلى كۇن سايىن ارتىپ كەلەدى. قا­زاق­ستان مەن ازەربايجان اراسىن­دا­­عى ەكىجاقتى قارىم-قاتى­ناس­­تى دامىتۋداعى جانە ونىڭ ءبۇ­گىن­گى دەڭگەيىنە جەتۋىندەگى ءسىز­دىڭ ۇلەسىڭىز زور. ءبىزدىڭ ءوزارا سەنىم مەن قولداۋعا نەگىزدەلگەن سەرىك­­تەس­­تىگى­مىز تاريحي تەرەڭ تامىرلاس­تىق باي­­لا­نىستىرىپ جاتقان حالىق­تارى­مىزدىڭ يگىلىگىنە الداعى ۋا­قىتتا دا قىزمەت ەتە بەرەتىنىنە سە­نىمدىمىن», – دەلىنگەن جەدەلحاتتا. مەملەكەت باسشىسىنا ازەر­بايجان پرەزيدەنتى مىقتى دەن­ساۋلىق, باقىت جانە مەملەكەتتىك قىزمەتىنە تابىس تىلەدى. قازاقستان پرەزيدەنتىنىڭ تۋعان كۇنىنە بايلانىستى گرۋزيا پرەزيدەنتى گيورگي مارگۆەلاشۆيلي قۇتتىقتاۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى. گرۋزيا پرەزيدەنتى جىلى لە­بىزدى قۇتتىقتاۋى مەن يگى تىلەگىن جول­دا­عان. «ءسىز قازاقستان رەسپۋبليكاسىن وركەندەتۋگە باعىتتالعان قا­جىر­لى قىز­مەتىڭىز ارقىلى بارشانىڭ قۇر­مەتىنە بولەنگەن كەمەل مەملە­كەتتىك قايراتكەردىڭ جارقىن مىسالى بولىپ وتىرسىز. گرۋزيا مەن قازاقستان رەسپۋبليكاسى ارا­سىن­داعى ءداستۇرلى دوستىق ءجا­نە ءوزارا ءتيىمدى ىنتىماقتاستىق الداعى ۋا­قىتتا دا نىعايا بەرە­تى­نى­نە سەنە­مىن», – دەلىنگەن جەدەلحاتتا. گ.مارگۆەلاشۆيلي جەكە ءوزىنىڭ جانە گرۋزيا حالقىنىڭ اتىنان نۇرسۇلتان نازارباەۆقا قازاقستان حالقىنىڭ يگىلىگى جولىندا جاڭا تابىستار تىلەدى. بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەلىگى سايلاۋىنداعى قازاقستاننىڭ جەڭىسىنە بايلانىستى وزبەكستان رەسپۋبليكاسىنىڭ پرەزيدەنتى يسلام كارىموۆ قۇتتىقتاۋ جولدادى, دەپ حابارلادى پرەزيدەنتتىڭ ءباسپاسوز قىزمەتى. ي.كارىموۆ جاھاندىق بەي­بىتشىلىك پەن قاۋىپسىزدىكتى ساقتاۋ ءجو­نىندەگى وكىلەتتىك جۇكتەلگەن وسىن­داي وكىلدى ورگاندا مۇشەلىك ەتۋ قازاقستاننىڭ حالىقارالىق ارە­نا­داعى بيىك بەدەلىنىڭ الەمدىك قو­عام­داستىق تاراپىنان مويىندالۋى بولىپ سانالاتىنىن اتاپ وتكەن. «قاۋىپسىزدىك كەڭەسىندەگى قىز­مەتى كەزىندە قازاقستان بۇۇ ينس­­تيتۋتتارى مەن ورگاندارىن جە­­تىلدىرۋ ءۇشىن, ونىڭ جالپىعا ور­تاق تۇراقتىلىق پەن ورنىقتى دامۋ­دى قامتاماسىز ەتۋدەگى ءرولىن نىعاي­تۋ ءۇشىن بارلىق جاعدايدى جاساي­تىنىنا نىق سەنىمدىمىن», – دەلىن­گەن جەدەلحاتتا. ي.كارىموۆ نۇرسۇلتان نازار­باەۆ­قا مىقتى دەنساۋلىق, جۇ­مى­سى­نا تابىس, ال باۋىرلاس قازاقستان حال­­قىنا يگىلىك پەن باق-بەرەكە تىلەدى.