قاراعاندى قالاسىندا كومىردى بايىتۋمەن اينالىساتىن جاڭا فابريكا اشىلدى. كاسىپورىننىڭ قۇرىلتايشىلارىنىڭ ءبىرى ايگىلى بوكسشى گەننادي گولوۆكين. بىلعارى قولعاپ شەبەرى وبلىس اكىمى نۇرمۇحامبەت ءابدىبەكوۆپەن بىرگە ءوندىرىس وشاعىنىڭ اشىلۋ سالتاناتىنا قاتىستى.
جاڭا كاسىپورىننىڭ قالىپتى جۇمىس ىستەۋىن «KAZ فەرريت» جشس قاداعالايتىن بولادى. فابريكا ەسكى قالانىڭ ماڭىندا, بۇرىنعى ترامۆاي دەپوسى ورنالاسقان جەردە ورىن تەپكەن.
فابريكانىڭ تۇساۋى كەسىلگەن سوڭ گەننادي گولوۆكين جۋرناليستەرگە قىسقاشا سۇحبات بەردى. اتاقتى سپورتشى اڭگىمە بارىسىندا كاسىپورىنعا قانشا ينۆەستيتسيا سالعانىن اشىپ ايتپادى. «تۇزدە تاپقان تابىستىڭ ءبارىن ۇيگە اكەلدىك. جارعىلىق كاپيتالعا سالعان اقشانىڭ مولشەرىن ايتا المايمىن. ال كاسىپورىننىڭ باقىلاۋ پاكەتى مەنىڭ قولىمدا», – دەدى كەنشىنىڭ بالاسى گ.گولوۆكين.
جاڭادان اشىلعان كاسىپورىندا قاراعاندى مەن ەكىباستۇزدىڭ كومىرى بايىتىلاتىن بولادى. فابريكانىڭ قۋاتى جىلىنا 500 مىڭ توننا كومىرگە دەپ جوسپارلانعان. بۇل جەردە بولاشاقتا 150 ادام تۇراقتى تۇردە جۇمىس ىستەيتىن بولادى.
فابريكا قۇرىلتايشىلارىنىڭ قاتارىندا گ.گولوۆكيننەن باسقا «KAZ فەرريت» جشس مەن «سامۇرىق-قازىنا» ۇلتتىق ءال-اۋقات قورى بار.
كاسىپورىن قۇرىلتايشىلارىنىڭ ايتۋىنشا, جاڭا فابريكانىڭ باسىم باعىتتاعى مىندەتىنىڭ ءبىرى قورشاعان ورتانى قورعاۋ مەن ەكولوگيانى ساقتاۋعا ەرەكشە كوڭىل ءبولۋ بولماق.
قايرات ءابىلدينوۆ,
«ەگەمەن قازاقستان»قاراعاندى
