قارقارالى قۇشاق جايدى

ەلىمىزدىڭ باق وكىلدەرى تابيعات اياسىندا دەمالىپ قايتتى بايلانىس جانە اقپارات قىزمەتكەرلەرى كۇنى مەرەكەسىنىڭ قارساڭىندا ەلىمىزدىڭ بىرقاتار باق وكىلدەرى قاراعاندى وبلىسىنداعى تامساندىرعان تابيعاتى بار قارقارالىدا       دەم­الىپ قايتتى. بۇل يگى شارانى قازاقستان رەسپۋبليكاسى ءبىلىم جانە عىلىم مينيسترلىگى ۇيىمداستىرعان ەدى. قارقارالى توپىراعىندا ەلى­مىزدىڭ باق وكىلدەرىن ءبىر كەزدە ەلباسى  نۇرسۇلتان ءابىش ۇلى نازارباەۆ ءبىلىم العان قاراعاندى مەملەكەتتىك تەحنيكالىق ۋني­ۆەرسيتەتىنىڭ رەكتورى ا.عا­زا­ليەۆ باستاعان قىزمەتكەرلەر قارسى الىپ, ءبىلىم ورداسىنىڭ سول جەردەگى «پوليتەحنيك» وقۋ-ساۋىق­تىرۋ ورتالىعىنا ورنالاس­تىردى. قارمتۋ رەكتورى جۋرناليستەرگە ارنايى قوناقاسى بەرىپ, ەلىمىزدەگى ءبىلىم سالاسىندا جۇرگىزىلىپ جاتقان جاڭا رەفورمالار تۋرالى تۇشىمدى اڭگىمە ءوربىتتى. جۋرناليستەر قاۋىمى دەما­لىس­تىڭ العاشقى كۇنى قارقا­رالىداعى قۇنانباي قاجى سال­دىرعان مەشىتتە قۇران باعىشتاۋ راسىمىنە قاتىسىپ, ودان كەيىن ءاي­گىلى «شايتانكولگە» بارىپ, تا­بي­­عات تاماشاسىن ءوز كوزدەرىمەن كوردى. ەكى كۇنگە ۇلاسقان دەمالىس ساپارى بارىسىندا باق وكىل­دەرى ءمادي ءباپي ۇلى, قاسىم امان­جولوۆ, نۇركەن ءابدىروۆ, توقتار اۋباكىروۆ, مارتبەك مامىراەۆ سىندى اقىن­دار مەن باتىرلار شىققان كيەلى توپىراقتىڭ تاريحىمەن تانىسىپ, رۋحانياتىمەن تىنىستادى.قارقارالىداعى تاريحي ورىنداردا, اتاپ ايتقاندا, اباي قۇنانباي ۇلى ەكى ايدان استام ايالداعان كوپەس بەكمەتوۆتىڭ ۇيىندە, قۇنانباي قاجى سال­دىرعان مەشىتتە جانە باسقا دا تاريحي ورىنداردا بولىپ, قۇندى جادىگەرلەرمەن تانىستى. سونداي-اق, ولار قارقارالىداعى ۇلتتىق تابيعي پاركتە بولىپ, ول جەردەگى اسا سيرەك كەزدەسەتىن اڭ-قۇستاردى تاماشالادى. ەكى كۇندىك دەمالىس بارىسىندا جۋرناليستەر قاۋىمى ەستەن كەتپەس اسەر الىپ, شارانى ۇيىم­داستىرۋشىلارعا ءدان ريزا بولىپ, تابيعاتى ۋىلجىعان قارقارالىنى قيماي اتتاندى. «الداعى ۋاقىتتا دا باق وكىل­­دەرىن ەلىمىزدىڭ وزگە دە ءوڭىر­لە­رىنە دەمالىس ساپارىنا اپارىپ تۇرۋدى جوسپارلاۋدامىز», – دەدى مينيسترلىكتىڭ PR كەڭەسشىسى ماي­راش تايكەنوۆا. قايرات ءابىلدينوۆ, «ەگەمەن قازاقستان» قاراعاندى وبلىسى