كوڭىل-كۇي سىيلاعان كۇن

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ عالىمدارى مەن ونەرپازدارى استانا كۇنى مەرەكەسى كەزىندە قالا تۇرعىندارىنا ەرەكشە كوڭىل-كۇي سىيلادى. قالاداعى ش.يمانباەۆا كو­شەسىندەگى اۋلاعا حالىق كوپ جينالدى. مەرەكەلىك دۋمان-تويدى باستاپ جىبەرگەن تۇرعىندار الدىندا ەۇۋ-ءدىڭ الەۋمەتتىك-مادەني دامۋ جونىندەگى پرورەكتورى د.قامزابەك ۇلى ءسوز سويلەدى. الاشتانۋشى عالىم استاناداعى №14 سايلاۋ وكرۋگىنەن ەۇۋ رەكتورى ەرلان سىدىقوۆ قا­لالىق ماسليحاتقا دەپۋتات بولىپ سايلانعانىن ايتا كەلىپ, شيرەك عاسىردا قازاق ەلىنىڭ حا­لىقارالىق قوعامداستىقتا لايىق­تى ورىن الىپ, بيىك بەلەس­كە كو­تەرىلگەنىن, كوك بايراعىمىز كوك­تە سامعاپ, الەمگە تانىلعانىن جەتكىزدى. ال تاريحشى-عالىم, «قازاقستان تاريحشىلارى ۇلت­تىق كونگرەسىنىڭ» جاۋاپتى حاتشىسى زيابەك قابىلدينوۆ پەن مەملەكەتىمىزدىڭ ەلتاڭبا اۆتورى, پروفەسسور جانداربەك مالىبەكوۆ جالپىحالىقتىق مەرەكەگە اينالعان استانا كۇنىنىڭ ءمان-ماڭىزىنا توقتالدى. سونداي-اق, ەۇۋ-ءدىڭ «سامۇرىق» شوۋ-بالەت تەاترى, «تاڭشولپان», «قا­زاق قىزدارى» ءان-بي توپتارى جەرگىلىكتى تۇرعىندار الدىندا ونەر كورسەتتى. «ارمان قالا – استانا» اتتى دۋماندى كەشتەن ۇلكەندەر جاعى رۋحاني ءلاززات السا, بالعىندار بەلگىلى عالىمدار مەن ەلتاڭبا اۆتورىنىڭ قولىنان تەگىن بال­مۇزداق جەدى. سوڭىنان ەستەلىك سۋرەتكە ءتۇستى. «ەگەمەن-اقپارات»