جەتىستىكتەرىمىز سارالانعان كەزدەسۋ

كاير قالاسىندا قازاقستاننىڭ مىسىرداعى ەلشىلىگىنىڭ «قازاق­ستان-مىسىر دوستىعى قاۋىم­داستىعى» مۇشە­لەرىمەن كەزدەسۋى وتكىزىلدى. وعان قاۋىم­داستىقتىڭ باس حاتشىسى ف.تۋعان, مار پارلامەنتىنىڭ دەپۋ­تاتى ۋ.ءال-ابد, ۋاقىفتار ءمينيسترى­نىڭ ورىنباسارى ح.حاميد, مىسىردىڭ قازاقستانداعى بۇرىنعى ەلشىسى ن.سالياما, قازاقستان-مىسىر ىسكەرلىك كەڭەسىنىڭ تەڭ توراعاسى ا.كيلاني, اراب مەملەكەتتەرى ليگاسى وركەنيەتتەر ۇنقاتىسۋى جونىندەگى دەپارتامەنتىنىڭ ديرەكتورى س.بيبارس, سونداي-اق, بىرقاتار مينيسترلىكتەر مەن ۆەدومستۆولاردىڭ, ساراپشىلار مەن عىلىمي ورتالاردىڭ, جەتەكشى باق وكىلدەرى قاتىستى. بۇل قازاقستان دوستارىنىڭ كەزەك­تى وتىرىسى ەلىمىزدىڭ جانە ونىڭ كوش­باسشىسى ن.ءا.نازار­باەۆ­تىڭ تۇراق­تى جانە دامىعان مەملەكەتتى قۇرۋعا, وڭىردەگى جانە جالپى الەمدەگى بەي­بىت­شىلىك پەن قاۋىپسىزدىكتى نىعايتۋعا باعىت­تالعان سوڭعى باستامالارى مەن جەتىستىكتەرىنە ارنالدى. اتاپ ايتقاندا, قازاقستاننىڭ مىسىرداعى ەلشىسى ب.ارىن مەملەكەت باسشىسى ۇسىنعان «الەم. ءححى عاسىر» مانيفەسىنىڭ نەگىزگى مازمۇنىمەن تانىستىرا وتىرىپ, قازاقستاننىڭ 2017-2018 جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە سايلانۋى جانە قازاقستان تاۋەلسىزدىگىنىڭ 25 جىلدىعىن اتاپ ءوتۋ شەڭبەرىندە ەلىمىزدە جوسپارلانعان ءىس-شارالارى تۋرالى حاباردار ەتتى. قاۋىمداستىق مۇشەلەرى ەلبا­سىنىڭ سىرتقى ساياسي باس­تامالارىن جوعارى باعالاپ, قازاقستان حالقى مەن باسشى­لىعىن بۇۇ قاۋىپ­سىزدىك كەڭە­سىنىڭ تۇراقتى ەمەس مۇشەلىگىنە سايلاۋ­داعى اي­قىن جەڭىسىمەن قۇتتىق­تادى جانە استا­نانىڭ يادرولىق قارۋدان جانە سوعىستاردان ازات الەم قۇرۋ ىسىنە بۇدان دا زور ۇلەس قوساتى­نى­نا سەنىم ءبىلدىردى. «ەگەمەن-اقپارات»