اۋىل ماسەلەسىنە ارنالعان جۇزدەسۋلەر

پارلامەنت ءماجىلىسىنىڭ دەپۋتاتى مۇرات تەمىرجانوۆ جۇمىس بابىنداعى ساپارمەن ارشالى اۋدانىنا كەلدى. ول اۋدان اكىمى ازامات تايجانوۆپەن بىرگە «پيتكوۆسكي» شارۋا قوجالىعىنىڭ وندىرىستىك الاڭى مەن ارشالى اۋداندىق «نۇر وتان» پارتياسىنىڭ فيليالى كەڭسەسىندە جشس باسشىلارى مەن اۋىل شارۋاشىلىعى قۇرى­لىم­دارىنىڭ جانە نۇروتان­­دىق بەلسەندى توپپەن كەزدەستى. «پيتكوۆسكي» شارۋا قوجالى­عىن­داعى كەزدەسۋدە شارۋاشىلىق باس­شى­لارى پ.پيتكوۆسكي, ۆ.بالاشوۆ, ن.سالاماتوۆ, ە.اليەۆ اۋدان شارۋا­لارىن تولعاندىرىپ جۇرگەن ءبىراز ماسەلەنى العا تارتتى. مۇرات باريت­ ۇلى قويىلعان بارلىق سۇراقتارعا تولىق­قاندى جاۋاپ بەردى. ال كەزدەسۋگە كەلگەن بەلسەندىلەردىڭ كوبى اگرو­ونەركاسىپتىك سەكتورعا قىزمەت ەتەتىن اگروونەركاسىپتىك بانك قۇرۋدىڭ ماڭىزدىلىعىن اتاپ كورسەتتى. «نۇر وتان» پارتياسى فيليالىنىڭ كەڭسەسىندەگى كەزدەسۋدە ەلباسىنىڭ «نۇرلى جول» باعدارلاماسىنا ارنال­عان لەكتسيا تىڭدالىپ, «100 ناقتى قادام» ۇلت جوسپارىنىڭ جۇزەگە اسىرىلۋ بارىسى تالقىلاندى جانە سۇراقتار بويىنشا اشىق اڭگىمە جۇرگىزىلدى. سونىمەن قاتار, «جۇمىسپەن قامتۋدىڭ جول كارتاسى-2020» باعدارلاماسىنا قاتىستى سۇراقتار دا قارالدى. اۋدان شارۋالارىن نەسيە الۋداعى قاعازباس­تىلىق, تالاپ ەتىلەتىن انىقتا­ما­لىق قۇجاتتاردىڭ كوپتىگى تولعان­دى­رادى. الەۋمەتتىك جۇمىس ورىندارىنا بايلانىستى ەرەجەلەردىڭ اشىپ كور­سە­تىلەتىن تۇستارى بار. وسىنىڭ ءبارى جۇ­مىستى دۇرىس ۇيىمداستىرۋعا كەرى اسەرىن تيگىزەدى. نەسيەنى رەسىمدەۋ كەزىندە تۋىندايتىن ماسەلەلەر دە بار­شى­لىق. كەپىلدىككە قويىلاتىن م ۇلىكتى باعالاۋ كوەففيتسيەنتى وتە تومەن. بۇل اۋىل ءوندىرىسى ءۇشىن ءتيىمسىز ەكەنى بەلگىلى. اڭگىمەلەسۋ كەزىندە بىرقاتار ۇسى­نىس­تار دا ءتۇستى. ماسەلەن, مال باسىن اسىلداندىرۋ, ونى تەكتىك سايكەستەندىرۋ جۇ­مىسىن جاقسارتۋ ءۇشىن قارجى كولەمىن ۇلعايتۋ كەرەك. ءماجىلىس دەپۋتا­تى حالىققا قىز­مەت كورسەتۋ ورتا­لىق­تارىندا (حقو) «ۇكىمەت ازاماتتار ءۇشىن» اتتى باع­دارلاما ىسكە اسىرىلىپ, نەسيە الۋدى رەسىمدەگەن كەزدەگى بىرقاتار قۇجاتتار سانى قىسقارتىلاتىنىنا نازار اۋداردى. كەپىلدىك ساياساتى وڭتاي­لاندى­رىلىپ, ونىڭ اشىقتىعى مەن قولجەتىم­دىلىگى قامتاماسىز ەتىلەدى. جالپى, قازاقستاندا ادامداردىڭ ءومىر ءسۇرۋىن جاقسارتۋ ءۇشىن كوپتەگەن مەم­لە­كەتتىك باعدارلامالار قۇرىل­عانىن ايتتى. سوعان سايكەس, تۇسىنىك پەن ناسيحات جۇمىسىن كۇشەيتۋ قاجەتتىگى اتاپ كورسەتىلدى. باقبەرگەن امالبەك, «ەگەمەن قازاقستان» اقمولا وبلىسى