جاپونيادا جويقىن داۋىل سوعۋى مۇمكىن

[caption id="attachment_50305" align="aligncenter" width="700"] فوتو: gismeteo.ru[/caption] جاپونيادا «نەپارتاك» جويقىن داۋىلى سوعۋى مۇمكىن. جاپونيانىڭ ورتالىق مەتەورولوگيالىق باسقارماسى تابيعات اپاتىنىڭ مەملەكەتتىڭ وڭتۇستىگىندەگى ساكيسيما ارحيپەلاگىنا جاقىنداپ قالعانىن حابارلادى. inform.kz-ءتىڭ مالىمەتتەرىنە قاراعاندا, قازىرگى تاڭدا داۋىل وكيناۆا پرەفەكتۋراسىنان تەڭىز بەتىندە ساعاتىنا 25 شاقىرىممەن سولتۇستىك-باتىسقا جىلجۋدا. تايفۋن ورتالىعىنداعى قىسىم 900 گەكتوپاسكالدى قۇرايدى. جەلدىڭ جىلدامدىعى سەكۋندىنا 60 مەتردى قۇرايدى, قاتتى سوققاندا 85 مەترگە دەيىن جەتەدى. بەيسەنبىدەن جۇماعا قاراعان ءتۇنى تايفۋن ساكيسيما ارحيپەلاگىنا جاقىندايدى دەگەن بولجام بار. جەلدىڭ كۇشى سەكۋندىنا – 25 مەتر, قاتتى سوققاندا 35 مەترگە دەيىن بارۋى مۇمكىن. داۋىل سوققان كەزدە نوسەر جاڭبىر جاۋادى دەپ كۇتىلۋدە. تولقىنداردىڭ بيىكتىگى 9 مەترگە دەيىن كوتەرىلەدى. ايان ءابدۋالي