ۇلى دالاعا نۇرىن شاشقان

قازاقستان رەسپۋبليكا­سى­نىڭ پرەزيدەنتى نۇرسۇلتان نازارباەۆ تاۋەل­سىزدىكتىڭ العاش­قى جىلدارىنان باستاپ-اق, ماڭگىلىك ەل ورناتۋدىڭ امالدارىن جۇزەگە اسىرىپ كەلەدى. سونىڭ ءبىرى – استانانى ارقاعا كوشىرۋ. قىزىعىنان قيىندىعى كوپ سول كەزدەرى باس قالانى كوشىرۋ ول كەزدە اقىلعا دا سىيا بەرمەيتىن, قيالعا دا كەلمەيتىن تەڭدەسى جوق ەرلىك ەدى. استانا بۇگىندە وتانى­مىزدىڭ ورتالىعىنا ورنا­لاسقان تەمىرقازىق جۇل­دىزىنا, جاڭارعان قازاق ەلىنىڭ ءىنجۋ-مارجانىنا, قاسيەتتى بويتۇمارىنا, ۇلان-بايتاق دالامىزعا قان جۇگىر­تەتىن, جان بىتىرەتىن كۇرە­تامىرىنا, ەل سۇيسىنەتىن يگى­لىك مەكەنىنە اينالدى. استاناسىنا قاراپ ەلىن تانيدى. ۇلى دالادا وتە قىس­قا مەرزىمدە بۇرىن-سوڭدى بول­ماعان بۇتىندەي جاڭا مەملەكەت ورنادى. مەملەكەتتىلىكتىڭ, ەل باسقارۋدىڭ وزىندىك جاڭا قازاق­ستاندىق مەك­تەبى قالىپ­تاستى. جاس تا, جاسا­مىس تا انىق بىلەتىن اقيقات وسى. ۇلى دالادا ماڭگىلىك ەل ور­ناتۋ يدەياسى بۇگىن عانا تۋا قال­عان جوق, ول – ىقىلىم زامان­دار­دان بەرى, ەل ورناپ, بيلىك پاي­دا بول­عالى بەرى جالعاسىن ۇزبەي كەلە جاتقان الەمدىك قۇبى­لىس. ول – ارمان, تاتۋلىعى, بەرەكە-ءبىر­لىگى جا­راس­قان ماڭگى ەل ورناتۋدىڭ يدەيا­­سى. قىتايلار ءوزىن اسپاناستى ەلى­مىز دەيدى, ياعني اسپان استى, جەر ءۇستى ەلىمىز دەپ وتىر, جاپوندار ءوز­دەرىن كۇنشىعىس ەلىمىز دەيدى, ءبىز – ۇلى دالا ەلىمىز. كەز كەلگەن مەملەكەتتى دا­مى­­تا­تىن, حالىقتى ارمانىنا جەتەلەيتىن كۇش – يدەيا, يدەولوگيا. يدەولوگيا دەگەنىمىز – سول ەلدىڭ باعدارشامى, اداستىرمايتىن كومپاسى. ماڭگىلىك ەل – ومىرشەڭ يدەيا. وسىنداي ەل ورناتۋ ءۇشىن الدىمەن جەردىڭ تۇتاستىعى, ەلدىڭ ىنتىماعى كەرەك, اتا تاريحىن ۇرپاق ساناسىنا ءسىڭىرۋ كەرەك, ۇلى دالانىڭ تاريحىن سول ۇلى دالانىڭ ۇلى تۇلعالارىنان الىپ جازۋ كەرەك. تاۋەلسىزدىكتىڭ 25 جىلدىق مەرەيلى جىلىندا, ياعني بيىلعى 26 ساۋىردە وتكەن قحا-نىڭ كەزەكتى ححIV سەسسياسىنىڭ قورى­­تى­ن­دىسى بويىنشا «ءماڭ­گىلىك ەل» پاتريوتتىق اكتىسى قابىل­داندى. ماڭگىلىك ەلدىڭ وزەگىندە قاراپايىم ارقاي­سىمىز ءۇشىن ەڭ قىمبات اقيقات­تار – وتباسىمىزدىڭ امان­دىعى, قوناقجايلىلىق جانە ەڭبەك­سۇيگىشتىك, تۇراقتىلىق, قاۋىپ­سىزدىك, بىرلىك, ەرتەڭگى كۇنگە دەگەن سەنىم ۇعىمدارى ورنىققان. ءبىز ماڭگىلىك ەلدىڭ مىزعى­ماس جەتى تۇعىرى: بۇل – تاۋەلسىزدىك جانە استانا; بۇل – جالپىۇلتتىق بىرلىك, بەيبىتشىلىك پەن كەلىسىم; بۇل – زايىرلى مەملەكەت جانە جوعارى رۋحانيات; بۇل – يننوۆاتسيا نەگىزىندەگى تۇراقتى ەكونوميكالىق ءوسىم; بۇل – جالپىعا ورتاق ەڭبەك قوعامى; بۇل – تاريحتىڭ, مادەنيەت پەن ءتىلدىڭ ورتاقتىعى; بۇل – ۇلتتىق قاۋىپسىزدىك جانە قازاق­ستاننىڭ جالپىالەمدىك جانە وڭىرلىك پروبلەمالاردى شەشۋ­گە جاھاندىق تۇرعىدان قاتىسۋى. مىنە, بۇل – ءبىزدىڭ عاسىرلار تەرەڭى­نەن تامىر تارتقان ءومىرى­مىز, ارمانىمىز, ەڭبەگىمىز, ماق­­سا­تىمىز. ماڭگىلىك ەل ءبىر كۇندە ورناي قالمايدى. ول ناۋ­قان­شى­لىقپەن, جارلىقپەن, بۇيرىقپەن ورنامايدى, عاسىر­لار بويى قالىپ­تاسادى. سول سەبەپتى, ماڭگى­لىك ەل يدەياسىن وتكىنشى ناۋقانعا اينالدىرماۋ كەرەك. بۇل يدەيانى ۇلتتىڭ دۇنيەتانىمىنا, ساناسىنا ءسىڭىرۋ كەرەك. ويتكەنى, ول – تەرەڭ تولعاناتىن, ۇعىنا بىلەتىن, وقۋ­مەن كەلەتىن ۇلى قۇبىلىس. وسىلايشا ەلىمىزدىڭ جاڭا تا­ري­حىن جازۋدىڭ زور جاۋاپ­كەر­شى­لىگى ءبىزدىڭ ۇلەسىمىزگە تيگەنىن, شىن مانىندە, رياسىز كوڭىلدەن ماق­تانىش ەتۋگە ءتيىسپىز. الۋان ۇلت وكىلدەرى ءبىر ەل, ءبىر تاعدىر جو­لىندا ءاماندا بىرگە بولۋى كەرەك. تاريحتىڭ بۇيرىعى, اتا-بابالارىمىزدىڭ اماناتى بۇل. مەملەكەتىمىزگە قورعان بولىپ, ەڭبەكسۇيگىشتىككە تولايىم بەت بۇ­رىپ, العا باسۋعا ءتيىسپىز. وت­تان دا ىستىق وتانىمىزدى, تاۋەل­­سىز­دىگىمىزدى كوزدىڭ قارا­شى­­­عىن­­­داي ساقتاپ, قورعاۋعا ءمىن­دەت­تى­مىز. باقىتتىڭ بۇيىرۋى دەگەن سول. بوريس حوروشكين, ەڭبەك ارداگەرى, «رادۋگا» سلاۆيان مادەني بىرلەستىگىنىڭ مۇشەسى باتىس قازاقستان وبلىسى, اقجايىق اۋدانى