06 شىلدە, 2016

قاتىسۋشى مەملەكەتتەر مۇسىندەرى

330 رەت
كورسەتىلدى
1 مين
وقۋ ءۇشىن
imageاستانادا ەكسپو-2017 كورمەسىنە قاتىسۋشى مەملەكەتتەردىڭ مۇسىندەرى قويىلدى. سالماعى 130 كيلوگرامدىق شىنى پلاستيكتەن جاسالعان ەكى مەترلىك 84 كونسترۋكتسيا «نۇرجول» جەلەگىنىڭ باسىنداعى الاڭدا شاحماتتىق تارتىپتە ورنالاسقان. مۇسىندەر ەكسپوزيتسياسىAstanaArtFest قازىرگى زامانعى ونەر فەستيۆالى اياسىندا ءوتىپ جاتىر. مۇسىندەر ءار ەلدىڭ ستيلىندە جانە تاقىرىبىنا ساي ازىرلەنگەن. تانىس پەيزاجدار, مەملەكەتتىك رامىزدەردىڭ فراگمەنتتەرى, ەكزوتيكالىق جانۋارلار, ساۋلەتتىك ەسكەرتكىشتەر, ۇلتتىق ويۋ-ورنەكتەر, مەملەكەتتىڭ گەو­گرا­فيالىق كارتالارىنىڭ كەسكىنى – وسىنىڭ بارلىعىن پىشىندەردىڭ بەتىنەن كورۋگە بولادى. بۇلار – «قۇلانشى» قازىرگى زامانعى ونەر ورتالىعىنىڭ جەتەكشىلىگىمەن ەلىمىزدىڭ جاس سۋرەتشىلەرىنىڭ ءوز قو­لىمەن جاساعان تۋىندىلارى. ەسكيزدەردى جاساۋعا جانە يدەيانى جۇزەگە اسىرۋعا اۆتورلار ءبىر ايدان استام ۋاقىت جۇمسادى. سۋرەتشىلەر ەكسپو-ادامدار دەپ اتاپ كەتكەن مۇسىندەردىڭ قولىندا ۇلكەن شار بار – شىعارماشىلىق تۇرعىدان بۇل ءبىزدىڭ الەمنىڭ اللەگورياسى ىسپەتتى, ول الەم ءار ادامنىڭ الاقانىندا دەگەندى بىلدىرەدى. «ەگەمەن-اقپارات»
سوڭعى جاڭالىقتار