تەگەۋرىندىلىك – تابىس تەتىگى

* اق تىلەكتەر اعىنى مەملەكەت باسشىسىنىڭ ءباسپاسوز قىزمەتى قازاقستان رەسپۋبليكاسى پرەزيدەنتىنىڭ تۋعان كۇنىنە وراي شەتەل مەملەكەتتەرى مەن ۇكىمەتتەرى باسشىلارىنان قۇتتىقتاۋلار كەلگەنى تۋرالى حابارلادى. رەسەي فەدەراتسياسىنىڭ پرە­زي­دەنتى ۆلاديمير پۋتين ءوز قۇتتىق­تاۋىندا ەكى ەل اراسىنداعى وداقتاس­تىق پەن ستراتەگيالىق سەرىكتەس­تىكتى دامىتۋداعى نۇرسۇلتان نازارباەۆتىڭ ەڭبەگىنە باعا جەتپەيتىنىن ايتتى. سونداي-اق, ول ەلباسىنىڭ ەۋرازيا كەڭىستىگىندەگى تاتۋ كورشىلىكتى, تۇراقتىلىق پەن قاۋىپسىزدىكتى قامتاماسىز ەتۋگە قوسقان ۇلەسىن اتاپ ءوتتى. «ەاەو كوبىنە-كوپ ءسىزدىڭ جە­كە كۇش-جىگەرىڭىز ارقىلى كوپ­جاق­تى ىنتىماقتاستىقتىڭ الەمدىك ارەناداعى ەلەۋلى بەدەلگە يە ءتيىمدى قۇرىلىمى رەتىندە بەكىدى. سىزبەن دوستىق قارىم-قاتىنا­سىمىز­دىڭ جانە رەسەي-قازاقستان بايلانىس­تارىنىڭ بۇكىل اۋقىمىن ودان ءارى نىعايتۋ باعىتىنداعى بىرلەس­كەن سىندارلى جۇمىستاردىڭ جالعا­سا­تىنىنا سەنەمىن»,  – دەلىنگەن حاتتا. ۆ.پۋتين قازاقستان پرەزي­دەن­تىنە زور دەنساۋلىق, باقىت جانە مەم­لەكەتتىك قىزمەتتە جاڭا تابىس­تار تىلەدى. * * * بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو نۇرسۇلتان نازارباەۆتىڭ قا­زاقستان حالقىنا قاجىرلى قىزمەتى ەلدەگى جۇرگىزىلىپ جاتقان اۋقىمدى وزگەرىستەردىڭ تابىستى بولۋىنىڭ كەپىلى ەكەنىن اتاپ ءوتتى. «ءسىزدىڭ باستامالارىڭىزدىڭ ارقاسىندا قازاقستان ينتەگرا­تسيا­لىق ءوزارا ءىس-قيمىل ماسەلەلەرىندە دە, الەمدىك ارەنادا دا قۋاتتى, سەر­پىندى دامىپ كەلە جاتقان مەملەكەت رەتىندە بەدەلگە يە بولىپ وتىر. بەلارۋس پەن قازاقستان اراسىن­داعى جوعارى دەڭگەيدەگى ءداستۇر­لى ۇنقاتىسۋدىڭ جالعاسۋى ەلدەرى­مىزدىڭ باق-بەرەكەسىن ارتتىرۋ جولىنداعى جەمىستى ىنتىماق­تاس­تىقتى جان-جاقتى نىعايتۋعا ىق­پال ەتەتىنىنە سەنىمدىمىن», – دەلىنگەن جەدەلحاتتا. ا.لۋكاشەنكو ەلباسىنا مىقتى دەنساۋلىق جانە باقىت تىلەدى, سونداي-اق, بارلىق ويلارى مەن باس­تامالارىنىڭ جۇزەگە اسۋىنا تىلەكتەستىگىن ءبىلدىردى. * * * قىرعىز رەسپۋبليكاسىنىڭ پرەزيدەنتى المازبەك اتامباەۆ نۇرسۇلتان نازارباەۆتى تۋعان كۇنىمەن قۇتتىقتاپ, ەلدەرىمىزدىڭ وداقتاستىق قارىم-قاتىناسى مەن ستراتەگيالىق سەرىكتەستىگىن نىعايتۋ ىسىندەگى قازاقستان پرەزيدەنتىنىڭ ەڭبەگى قىرعىزستاندا جوعارى باعالاناتىنىن اتاپ ءوتتى. «قىرعىز-قازاق ءوزارا ءتيىمدى ىن­تىماقتاستىعىن بارلىق ماسەلەلەر بويىنشا ودان ءارى دامىتۋ باۋىرلاس ەلدەردىڭ ومىرلىك مۇددەلەرىنە ساي دەپ ەسەپتەيمىن», – دەلىنگەن جەدەلحاتتا. ا.اتامباەۆ مەملەكەت باسشىسىنا زور دەنساۋلىق پەن يگىلىك ءتى­لەپ, مەملەكەتتىك قىزمەتتە زور تا­بىس­تارعا جەتۋىنە تىلەكتەستىك ءبىل­دىردى. * * * تاجىكستان رەسپۋبليكاسىنىڭ پرەزيدەنتى ەمومالي راحمون ەلبا­سى­نىڭ تۋعان كۇنىنە وراي يگى تىلەك­تەرىن جولداي وتىرىپ, قا­زاق­ستان نۇرسۇلتان نازارباەۆ­تىڭ باسشىلىعىمەن الەۋمەتتىك-ەكونوميكالىق دامۋدا جانە  الەم­دىك ارەناداعى بەدەلىن نىعايتۋ ىسىندە ەلەۋلى جەتىستىكتەرگە جەتكە­نىن اتاپ ءوتتى. «ءبىز بىرلەسكەن كۇش-جىگەرى­مىز ارقىلى تاجىك-قازاق ىنتىماق­تاس­تىعىنىڭ بارلىق باعىتىن حال­قىمىزدىڭ تۇپكى مۇددەلەرىنە تولىق ساي كەلەتىن ەكىجاقتى نەگىزدە دە, كوپجاقتى بايلانىستار پلاتفورماسىندا دا ودان ءارى ءتيىمدى جالعاستىرا بەرەتىنىمىزگە سەنىم بىلدىرەمىن», – دەلىنگەن جەدەلحاتتا. ە.راحمون مەملەكەت باسشىسىنا زور دەنساۋلىق, باقىت جانە جاۋاپتى قىزمەتتە جاڭا بەلەستەر باعىندىرۋدى تىلەدى. * * * رەسەي فەدەراتسياسى ۇكىمەتىنىڭ توراعاسى دميتري مەدۆەدەۆ نۇرسۇلتان نازارباەۆتى تۋعان كۇنىمەن قۇتتىقتاپ, ەلدەرىمىزدى بايلانىستىراتىن وداقتاستىق پەن ستراتەگيالىق سەرىكتەستىك قاتىناستاردى دامىتۋداعى ەڭبەگى زور ەكەنىن اتاپ ءوتتى. «ءسىز ونەركاسىپتەگى, ينفرا­قۇ­رىلىمداعى جانە ەنەرگەتيكاداعى ءوزارا ءتيىمدى, پەرسپەكتيۆالى جوبالاردى ىسكە اسىرۋعا, وڭىرارالىق جانە ىسكەرلىك بايلانىستاردى كەڭەيتۋگە ۇدايى نازار اۋداراسىز. رەسەي مەن قازاقستان ۇكىمەتتەرىنىڭ ەۋرازيالىق ەكونوميكالىق وداق اياسىنداعى ينتەگراتسيالىق ءوزارا ءىس-قيمىلدى نىعايتۋعا باعىتتالعان بىرلەسكەن بەلسەندى جۇمىسى كاسىپورىندار مەن ۇلتتىق ەكونوميكا سالالارى ءۇشىن ەلەۋلى سەرپىن بەرىپ, وداققا مۇشە مەملەكەتتەر ازاماتتارىنىڭ ءال-اۋقاتىنىڭ ارتۋىنا ىقپال ەتەتىنىنە سەنىمدىمىن», – دەلىنگەن حاتتا. د.مەدۆەدەۆ مەملەكەت باسشىسىنا دەنساۋلىق پەن باق-بەرەكە تىلەدى. * * * باشقۇرتستان رەسپۋب­ليكا­سىنىڭ باسشىسى رۇستەم حامي­توۆ قۇتتىقتاۋىندا ەكى ەل حال­قى­نىڭ اراسىنداعى كوپ عاسىرلىق دوستىق رەسەي-قازاقستان ىنتى­ماق­تاستىعىن ودان ءارى نىعايتۋعا, مەملەكەتتەردىڭ الەۋمەتتىك-ەكونوميكالىق الەۋەتىن ارتتىرۋعا ىقپال ەتەتىنىنە سەنىم ءبىلدىردى. ر.حاميتوۆ قازاقستان پرەزي­دەنتىنىڭ بارشا اۋقىمدى باستا­مالارىنىڭ جەمىستى ىسكە اسۋىنا جانە قازاقستان حالقىنىڭ يگى­لىگى ءۇشىن جاڭا بەلەستەردى باعىن­دىرۋىنا تىلەكتەستىگىن ءبىلدىردى. * * * ينگۋشەتيا رەسپۋبليكاسىنىڭ باسشىسى يۋنۋس-بەك ەۆكۋروۆتىڭ قۇتتىقتاۋىندا نۇرسۇلتان نازار­باەۆتىڭ ەرەكشە قاسيەتى مەن جاسامپاز ەنەرگياسى قازاقستاندى دامىتۋ مەن گۇلدەندىرۋگە باعىتتالعان ناقتى ىستەردە ايقىن كورىنىس تاپقانى اتاپ وتىلگەن. «حالىقتارىمىزدىڭ ارا­سىن­داعى ءداستۇرلى باۋىرلاستىق ءارى دوستىق قارىم-قاتىناستاردى دا­مىتۋ جانە نىعايتۋ ىسىنە قوس­قان ءسىزدىڭ ۇلەسىڭىزدى جوعارى باعا­لايمىن. سىزگە ۇزاق عۇمىر, دەنساۋلىق, باق-بەرەكە تىلەيمىن», – دەلىنگەن حاتتا. * * * داعىستان رەسپۋبليكاسىنىڭ باسشىسى رامازان ابدۋلاتيپوۆ نۇرسۇلتان نازارباەۆتى تۋعان كۇنىمەن قۇتتىقتاپ, ونىڭ قازاقستان پرەزيدەنتى لاۋازىمىنداعى جە­مىستى قىزمەتى, قازاق حالقىنىڭ يگى­لىگى جولىنداعى قاجىرلى ەڭبەگى لايىقتى بەدەل مەن قۇرمەتكە جەتكىزگەنىن اتاپ وتەدى. «ءسىزدىڭ باسشىلىعىڭىزبەن ەكونوميكا مەن الەۋمەتتىك سالا­داعى وزگەرىستەر تابىستى جۇزەگە اسىرىلۋدا. رەسەي مەن قازاق­ستاننىڭ حالىقتارىن ءوزارا ىقپالداستىقتىڭ باي تاجىريبەسىنە نەگىزدەلگەن بەرىك باۋىرلاستىق,  دوستىق جانە تاتۋ كورشىلىك تاريحي قارىم-قاتىناستار بايلانىستىرادى. ۋاقىت سىنىنان وتكەن وسى دوستىق پەن ىنتىماقتاستىق الداعى كەزدە دە نىعايىپ, دامي بەرەتىنىنە سەنىمدىمىن», – دەلىنگەن جەدەلحاتتا. ر.ابدۋلاتيپوۆ مەملەكەت باسشىسىنا دەنساۋلىق, باق-بەرەكە جانە ەلدىڭ يگىلىگى جولىنداعى كوپقىرلى قىزمەتىنە تابىس تىلەدى.