الماتىدا مۇز سارايىنىڭ قۇرىلىسى اياقتالدى

[caption id="attachment_50112" align="aligncenter" width="700"] فوتو: almaty.gov.kz[/caption] استانا كۇنىن تويلاۋ قارساڭىندا الاتاۋ اۋدانىنداعى 2017 جىلعى ۋنيۆەرسيادانىڭ ورتالىق نىسانى سانالاتىن 12 مىڭ ورىندىق مۇز سارايىنىڭ قۇرىلىسى اياقتالدى. الماتى قالاسى اكىمدىگىنىڭ حابارلاۋىنشا, اتالعان سپورتتىق نىسان مەرزىمىنەن 3 اي ەرتە پايدالانۋعا بەرىلىپ وتىر. سپورت كەشەنىنىڭ اينالاسىن كوگالداندىرۋ مەن اباتتاندىرۋ جۇمىستارى دا اياقتالىپ كەلەدى. ىرگەلەس اۋماق, شاھاردىڭ بىرىڭعاي جوباسى بويىنشا ۇلتتىق ناقىشتا كومكەرىلگەن. وسى جىلدىڭ اقپان ايىنداعى ەلباسى نۇرسۇلتان نازارباەۆتىڭ ۋنيۆەرسيادا بويىنشا الماتى بەلسەندىلەرىمەن كەزدەسۋىندە ءىرى سپورتتىق شارانى وتكىزۋ مەن بولاشاقتا بۇل سپورتتىق نىسانداردىڭ بارلىعىنىڭ حالىققا قولجەتىمدى بولۋى كەرەكتىگىنە نازار اۋدارعان.   [caption id="attachment_50114" align="aligncenter" width="700"] فوتو: almaty.gov.kz[/caption] جاڭا سالىنعان مۇز سارايىندا شايبالى حوككەي مەن مانەرلەپ سىرعاناۋدان, شورت-ترەكتەن وقۋ-جاتتىعۋ جۇمىستارىن وتكىزۋگە بولادى. مادەني شارالار ءۇشىن حالىقتىڭ مۇز ايدىنىندا بۇقارالىق سىرعاناق جارىسىن دا ۇيىمداستىرۋعا بولادى. كەشەن – 12 مىڭ ورىندىق مۇز ايدىنى, ساۋىقتىرۋ كەشەنى بار جاتتىعۋ ايدىنى جانە ءجۇزۋ باسسەينى سياقتى ءۇش بولىكتەن تۇرادى. جوسپار بويىنشا, ۋنيۆەرسيادا نىساندارىنىڭ بارلىعى ۋاقىتىندا پايدالانۋعا بەرىلەدى. قازىرگى تاڭدا الاتاۋ اۋدانىندا ورنالاسقان 5 مىڭ ورىندىق اتلەتتەر قالاشىعى مەن مەدەۋ اۋدانىنداعى 3 مىڭ ورىندىق مۇز ارەناسىنىڭ قۇرىلىسى قارقىندى جۇرگىزىلۋدە. الماتى قالاسىنداعى حالىقارالىق قىسقى ستۋدەنتتەر ويىنى 2017 جىلدىڭ 29 قاڭتارى مەن 8 اقپان ارالىعىندا وتەدى. وعان 60-تان استام ەلدەن 2000 سپورتشى كەلەدى. جارىسقا 3 مىڭ ەرىكتى جۇمىلدىرىلماق. سايىستار 8 سپورتتىق نىساندا, 12 سپورت تۇرىنەن وتەدى. تالعات ءسۇيىنباي