جۋرناليستەر اراسىنداعى جارىس

استانادا شاعىن فۋتبولدان بۇقارالىق اقپارات قۇرالدارى اراسىندا جازۋشى, پۋبليتسيست سەيداحمەت بەردىقۇلوۆتى ەسكە الۋعا ارنالعان رەسپۋبليكالىق تۋرنير ءوتتى. ءتۋرنيردىڭ اشىلۋ سالتاناتىندا مادەنيەت جانە سپورت مينيسترلىگى سپورت جانە دەنە­شىنىقتىرۋ ىستەرى كوميتەتىنىڭ توراعاسى ەلسيار قاناعاتوۆ پەن پارلامەنت ءماجىلىسىنىڭ دەپۋتاتى ساۋىتبەك ابدراحمانوۆ ءسوز سويلەپ, كوماندالارعا ساتتىلىك تىلەدى. جارىس باستالماس بۇرىن, سەي­داحمەت بەردىقۇلوۆتىڭ اتىن­داعى سىيلىقتىڭ لاۋرەاتتارى انىقتالدى. «ۇزدىك جاريالانىم» نوميناتسياسى بويىنشا «قازاقپارات» اقپارات اگەنتتىگىنىڭ باتىس قازاقستان وبلىسىنداعى مەن­شىكتى ءتىلشىسى عايساعالي سەيتاق, ۇزدىك تەلەۆيزيالىق رەپورتاج جاساعان «حابار» تەلەارناسىنىڭ ءجۋرناليسى قانات بازىلحان جانە ۇزدىك فوتوجۇمىسى ءۇشىن الەكسەي فيليپپوۆ يە بولدى. جەڭىمپازدار ارنايى «سەيداحمەت بەردىقۇلوۆ اتىنداعى سىيلىقتىڭ لاۋرەاتى» توسبەلگىسىمەن جانە ديپلوممەن ماراپاتتالدى. وسىمەن 19-رەت وتكىزىلگەن تۋرنيرگە باس-اياعى 19 كوماندا قاتىستى. تىلشىلەر اراسىندا دوپ دوداسى تاڭ اتقاننان, قاس قارايىپ, كۇن باتقانعا دەيىن ءوتتى. بۇل سىنعا «ەگەمەن قازاقستان» گازەتىنىڭ كومانداسى دا قاتىستى. العاشقى ەكى ورىنعا جايعاسقان ۇزدىكتەر شيرەك فينالدا كەزدەستى. سونىڭ ىشىندە «ەگەمەندىكتەر» D توبىندا ەكى ويىندا تەڭ ءتۇسىپ, بىرەۋىن جەڭىپ, شيرەك فينالعا دەيىن جەتتى. ايان ءابدۋالي, «ەگەمەن قازاقستان» ال فينالدا «حابار-الماتى» «الماتى قۇراماسىنان» باسىم ءتۇسىپ, جەڭىمپاز اتاندى. «الماتى قۇرا­ماسى» وسىلايشا, ەكىنشى ورىنعا يەلىك ەتسە, وڭتۇستىك قازاقستان جۋرناليستەرىنەن قۇ­رالعان كوماندا ءۇشىنشى ورىندى مىسە تۇتتى. ايتا كەتەرلىگى, «حابار-الماتى» العاش رەت ءتۋرنيردىڭ جەڭىمپازى اتاندى. ال وڭتۇستىك قازاقستاننان كەلگەن كوماندا ءۇشىنشى جىل قاتا­رىنان قولا جۇلدەگە يە بولدى.