جالعان مەديتسينالىق انىقتاما

80-نەن استام ۇشقىشقا بەرىلگەن ۇشاق قىزمەتكەرلەرىنە قاتىستى تاعى ءبىر داۋ شىقتى. مالىمەتتەرگە سايكەس, بۇگىندە 80-نەن استام ادامعا جالعان مەديتسينالىق انىقتاما بەرىل­گەن. الداعى ۋاقىتتا مۇنداي زاڭسىز ارەكەتتەرگە قاتىسى بار دارىگەرلەرگە 212 مىڭ تەڭگە كولەمىندە ايىپپۇل سالىنۋى مۇمكىن. ەلىمىزدەگى اۆياتسياداعى قاۋىپسىزدىكتى قاداعالاۋ ءۇشىن وسىنداي وزگەرىستەر ەنگىزىلمەك. بۇل جونىندە جاڭا زاڭ جوباسى ماجىلىستە تانىستىرىلدى. قۇزىرلى ورىندار قىز­مەتكەرلەر قۇرامىمەن قاتار ولاردى تەكسەرەتىن مامانداردى دا باقىلاۋعا الادى. جال­پى, رەسپۋبليكامىزداعى ەكي­پاج مۇشەلەرىنىڭ جۇمىسقا جارام­دىلىعىن ماسكەۋدەگى حالىق­ارالىق ۇيىم كۋالان­دىرادى. ەكيپاج كومانديرىن ەشكىم ءجىتى تەكسەرمەيدى. ۇشقىش تەك جىلىنا ءبىر رەت قان تاپسىرىپ, تىيىم سالىنعان پرەپاراتتارعا قارسى ساراپتاما جاساتسا بول­عانى. – مەديتسينا قىزمەتكەرلەرى ءوز ىسىنە جاۋاپكەرشىلىكپەن قا­راماسا, ەرتەڭگى كۇنى ءىستىڭ انىق-قانىعى بەلگىلى بولعاننان كەيىن 100 ايلىق ەسەپ كورسەتكىش ايىپ­­پۇل سالىنادى. ال ەكى رەت قايتالانعان جاعدايدا, ونىڭ كولەمى ەكى ەسە ارتادى, – دەدى ين­ۆەستيتسيالار جانە دامۋ مي­نيسترلىگى اۆياتسيا كومي­تەتىنىڭ توراعاسى بەكەن سەيداحمەتوۆ. ايتا كەتەيىك, وسىعان دەيىن Air Astana كومپانياسىنىڭ ماسكەۋدەن الماتىعا قاتىناعان ۇشاعىنىڭ قىزمەتكەرىنەن ماريحۋانا ەسىرتكىسى تابىلعان ەدى. ءمالىم بولعانداي, ونى بىرنەشە جىلدان بەرى تۇراقتى پايدالانىپ كەلگەن. وسىدان كەيىن ول ەكى جارىم جىلعا باس بوس­تان­دىعىنان ايىرىلعان بولاتىن. ايان ءابدۋالي, «ەگەمەن قازاقستان»