اقپارات قۇرالدارى مەن بايلانىس سالاسىنىڭ ۇزدىكتەرى ماراپاتتالدى

كەشە بايلانىس جانە اق­پارات قىزمەتكەرلەرىنىڭ كۇنى مە­رەكەسىنە وراي «قاز­مەديا ورتا­لىعىندا» سالتا­ناتتى ءىس-شارا ءوتتى. وندا اق­پارات جانە كوم­مۋني­­كا­تسيا­لار ءمينيسترى داۋرەن اباەۆ جۋرناليستەر مەن باي­لا­نىس سالاسىنىڭ قىز­مەتكەر­­لەرىن كاسىبي مەرەكە­سىمەن قۇت­تىقتاپ, ولاردىڭ ءبىر تو­بىن «ۇزدىك بايلانىسشى» جانە «اقپارات سالاسىنىڭ ءۇزدى­گى» توسبەلگىلەرىمەن مارا­پات­تادى. مەرەكەدە ەڭ الدىمەن پرەمەر-ءمينيستردىڭ ورىنباسارى داريعا نازارباەۆانىڭ باق وكىلدەرىنە جولداعان قۇتتىقتاۋ حاتى وقىلدى. وندا: «قۇرمەتتى باق وكىلدەرى مەن باي­لانىس سالاسى­نىڭ قىزمەتكەرلەرى, سىزدەردى بۇگىنگى كاسىبي ءتول مەرە­كەلەرىڭىزبەن شىن جۇرەكتەن قۇت­تىق­تايمىن. تاۋەل­سىزدىكتىڭ 25 جى­لىندا ەلىمىزدەگى اقپارات سالاسى جاڭا بەلەستەردى باعىندىرىپ, جەدەل حابار تاراتۋدا ۇزدىك كەلەدى. قازىرگى تەحنولوگياسى دامىعان زاماندا قوعامعا بىلىكتى ماماندار قاجەت. كەز كەلگەن جاڭا­لىقتى دەر ۋاقىتىندا حا­لىق­قا جەتكىزىپ, ءوز اۋديتورياسىنا شى­نايى اقپارات بەرۋ ءاربىر باق ۇجىمىنىڭ مىندەتى. وسى ورايدا, مەن سىزدەرگە شىعارماشىلىق تا­بىس, وتبا­سى­لارىڭىزعا تەك جاق­سى­لىق تىلەي­مىن» – دەگەن ىزگى لەبىزدەر بار. مۇنان سوڭ مينيستر داۋرەن اباەۆ قوس سالانىڭ قىزمەتكەرلەرىنە شى­نايى قۇتتىقتاۋىن جەتكىزدى. – قۇرمەتتى ارىپتەستەر, قىم­باتتى دوستار, بارشاڭىزدى باي­لانىس جانە اقپارات قىزمەتكەرلەرى كۇنىمەن شىن جۇرەكتەن قۇتتىق­تايمىن. مەملەكەت باسشىسى ايت­قانداي, ءححى عاسىردا اقپارات سالا­سى وقيعالاردى تاراتۋشى عانا ەمەس, تۇتاس الەمدە ونىڭ قالاي ءورىس­تەپ وتىرعانىن ايشىقتايتىن جە­تەكشى كۇشكە اينالدى. الەمدە بۇرىن-سوڭدى بولماعان ۇردىستەر جۇزەگە اسىپ, بايلانىس پەن اقپا­رات قوعامنىڭ بار سالاسىنا قالاي ىقپال ەتىپ جاتقانىن كورىپ جۇرسىزدەر. وسىناۋ جاھاندىق ترەند اياسىندا قازاقستاننىڭ وسى سالالارى قار­قىن­دى دامىپ كەلەدى. اقپارات جانە كوم­مۋنيكاتسيالار مينيسترلىگى ءۇشىن بۇگىنگىدەي قىم-قۋىت زاماندا ءوز­دەرىڭىز سياق­تى مايتالمان ماماندارمەن تىعىز قارىم-قاتى­ناستا بىرگە بولۋ وتە ماڭىزدى, – دەدى مينيستر. سونىمەن قاتار, ول جۋرناليستيكانىڭ قازانىن­دا قايناپ, بايلانىس سالاسىنىڭ باسى-قاسىندا ءجۇرىپ ۇزدىك اتانعان ءبىر توپ قىزمەتكەردى ماراپاتتا­دى. ولارعا مينيسترلىكتىڭ توسبەلگىلەرى مەن قۇرمەت گراموتاسى تابىستالدى. مۇنان كەيىن سالتاناتتى شارا­عا ارنايى كەلگەن پارلامەنت دەپۋ­تاتتارى دا باق وكىلدەرىن قۇتتىقتاپ, اق تىلەكتەرىن جەتكىزدى. ال مەرەكەلىك شارا سوڭى كونتسەرتتىك باعدارلاماعا ۇلاستى. تالعات رايىمبەك, «ەگەمەن قازاقستان»