ەكىنشى قاتارلى جول

تەلىمىنىڭ العاشقى كەزەگى ەل تاۋەلسىزدىگىنىڭ 25 جىلدىق مەرەيتويى قارساڭىندا اشىلادى «قازاقستان تەمىر جولى» ۇك» اق باسشىسى اسقار مامين الماتى وبلىسىنا جۇمىس ساپارى بارىسىندا الماتى-1 – شۋ ەكىنشى قاتارلى تەمىرجول سالۋ جۇمىستارى قالاي ءجۇرىپ جاتقانىمەن تانىستى. اتالعان جوبانى كومپانيا «نۇرلى جول» باعدارلاماسى شەڭبەرىندە جۇزەگە اسىرىپ جاتىر. الماتى-1 – شۋ تەلىمىنىڭ ەكىنشى قاتارىن ىسكە قوسۋ پارسى شى­عاناعى ەلدەرى, ەۋروپا جانە ءتۇر­كيا باعىتتارىندا ترانزيتتىك ۆاگون اعىنىن ارتتىرۋدا ۇلكەن ماڭىزعا يە. الماتى-1 – شۋ تەلى­مىندە ەكىنشى قاتارلى جول قۇرى­لىسى پويىزدار قوزعالىسىن ۇيىم­داستىرۋ, تاسىمال ۇدەرىسىنىڭ ءتيىم­دىلىگىن ارتتىرۋ جۇمىستارىن­دا «تار» جەرلەردى جويۋ ءۇشىن اسا قاجەت بولىپ تابىلادى. ءويت­كەنى, اتالعان تەلىممەن جۇرە­تىن پوي­ىز­دار قوزعالىسى ءجيىلى­گى­­مەن ەرەك­شەلەنەدى. ال بۇل نىسان­نىڭ ەلىمىزدەگى اسا ماڭىزدى ماگيسترالدىڭ وتكىزۋ قابىلەتىن ارتتىرۋدا ءرولى اسا جوعارى. قۇرىلىستى جۇرگىزىپ جاتقان­دارمەن وتكىزىلگەن كەڭەس كەزىن­دە كومپانيا باسشىسى نىساننىڭ ستراتەگيالىق ماڭىزى جوعارى ەكەنىن اتاپ ءوتتى. وسى ورايدا قۇ­رى­لىس جۇمىستارىنىڭ شەشۋشى كەزەڭگە اياق باسقانىن ايتا كەتكەن ءجون. «بۇل جەلىگە جۇكتەمە ايتار­لىقتاي ارتادى, ياعني جاڭا مار­شرۋتتار قوسىلادى, جولاۋ­شى­لار پويىزى قوزعا­لىسىنىڭ ءجيى­لىگى كوبەيەدى. اسىرەسە, جۇردەك «تۇلپار-تالگو» پويىزدارىنىڭ قوز­عالىسى جيىلەيدى», – دەدى كومپانيا باسشىسى. ول, سونداي-اق, كۇن سايىن وسى ماگيسترالمەن 6-7 كونتەينەرلىك قۇرامالار وتەتىنىن دە كولدەنەڭ تارتتى. قازىرگى كەزدە ەكىنشى قاتارلى جولعا قاجەتتى كوپىرلەر, سۋ وتكى­زەتىن قۇبىرلار, بايلانىس جانە ەنەرگەتيكا نىساندارىن سالۋ بو­يىنشا جۇمىستار جۇرگىزىلۋدە. ءسوز ورايىندا ەكىنشى قاتارلى جول توسەلىمىنە اقتوبەدەگى زاۋىت­تا شىعارىلاتىن رەلستەر پايدا­لا­نىلىپ جاتقانىن دا ايتا كەتكەن ابزال. جوباعا سايكەس, 110 شاقىرىمعا سوزىلاتىن ەكىنشى قاتارلى جول قۇرىلىسىنىڭ العاشقى 58,2 شاقىرىمدىق بولىگىن ۇستىمىزدەگى جىلدىڭ قاراشا ايىندا پايدا­لانۋعا بەرۋ جوسپارلانعان. بۇل – «قازاقستان تەمىر جولى» ۇك» اق-تىڭ ەل تاۋەلسىزدىگىنىڭ 25 جىلدىق مەرەيتويىنا ارنايى سىيى بولماق. «ەگەمەن-اقپارات»