تاقىردان سۋ شىعارادى

الداعى جىلدارى ەلى­مىزدە قابىلدانعان «ءوڭىر­لەردى دامىتۋ-2020» باع­دارلاماسى اياسىندا وبلىستا 226 اۋىل ورتالىق­تاندىرىلعان سۋ جۇيەسىنە قوسىلماقشى. ءبىزدىڭ ايماق­تا وسى جىلعى باعدار­لاماعا ەنگەن 20 اۋىلدىڭ اراسىندا تاقىر دا بار ەكەن. بايمولدين اۋىلدىق اۋماعىنا قاراستى تاقىر, تەرەڭكول, بايمولدا اۋىلدارىندا 747 ادام, بار-جوعى 232 وتباسى تۇرادى. – مال-جان امان, ەندى گەولوگتار جەر قازىپ, سۋ شىعارىپ بەرەمىز دەگەن ەدى, ونى, ءاري­نە, قۋانا, اسىعا كۇتە­مىز. اۋىل­دارعا ەڭ كەرەگى سۋ مەن جول عوي, سوندا حالىق ورنىعىپ وسى جەرلەردە ق­الا بەرەدى, – دەيدى اۋىل تۇرعىندارى. ال بۇعان تاقىردىڭ سۋ قورىن زەرتتەۋگە كەلگەن «پاۆلودار گيدروگەولوگيا» جشس گەولوگ ماماندارى تەرەڭدىگى 50 مەتر شاماسىندا نەوگەندى سۋ بەلدەۋ دەڭگەيى, ال تەرەڭدىگى 200 مەترگە دەيىنگى قاباتتا پالەوگەندى سۋ بەلدەۋ دەڭ­گەيىندە سۋ قورى بار دەپ جاقسى مالىمەت بەرۋدە. گيدروگەولوگتار تاقىردىڭ سۋ قورى 25 جىلعا جەتەدى دەپ بولجايدى. ۇڭعىما سەكۋندىنا 12 ليتر سۋ بەر­مەك­شى. اۋىلدىڭ وعان دەپ قاجەتتىلىگى سەكۋندىنا 4 ليتر­دى قۇرايدى دەپ ەسەپتەپ, جوبالاپ تا قويىپتى. وبلىستىق جەر قوي­ناۋىن پايدالانۋ, قور­شاعان ورتا جانە سۋ رەسۋرستارى باسقارماسىنىڭ ءمالى­مەتىنشە, جەراستى سۋ­لارى قورىن بارىنشا پاي­­دالانۋ ماقساتىندا تۇ­ششى سۋ كوزدەرىن زەرتتەۋ جۇ­مىس­تارى قولعا الىندى. بۇگىندە 396 اۋىلدىڭ 110-ىندا جەراستى سۋ قورى بارى انىق­تالىپتى. سونداي-اق, اقتوعاي اۋدانىنىڭ – 5, ەكى­باستۇزدىڭ – 7, اقسۋدىڭ 3 اۋىلىنا جاڭا باعدارلاما بويىنشا جەراستىنان سۋ شىعارىلىپ بەرىلەدى دەپ كۇتىلۋدە. ال باسقارما ماماندارى ۇڭعىمانى قازۋ جانە زەرتتەۋ ۇزاق ۋاقىت ءجۇر­گىزىلەتىندىكتەن, بارلاۋ جۇمىستارىن 2017 جىلدىڭ سوڭىندا بىتىرمەكشى. فاريدا بىقاي, «ەگەمەن قازاقستان» پاۆلودار وبلىسى, لەبياجى اۋدانى