بۇقارامەن بايلانىس قىزمەتىنىڭ جەڭىمپازدارى

بايلانىس جانە اقپارات قىزمەتكەرلەرi كۇنi قارساڭىندا استانادا «جىلدىڭ ۇزدىك ءباسپاسوز قىزمەتi» بايقاۋىنىڭ جەڭىمپازدارى انىقتالدى. قازاقستان رەسپۋبليكاسى تۇڭعىش پرەزيدەنتى – ەلباسىنىڭ كىتاپحاناسىندا (نازارباەۆ ورتالىعى) وتكەن شارانى اقپارات كوميتەتى مەن باس رەداكتورلار كلۋبى جانە «قازكونتەنت» اق ۇيىمداستىردى. رەسپۋبليكالىق دەڭگەيدە العاش رەت وتكەن بۇل بايقاۋعا مەملەكەتتiك ورگاندار, اكiمدiكتەر مەن ۇلتتىق كوم­پانيالاردىڭ ءباسپاسوز قىزمەتتەرi مەن ءباسپاسوز حاتشىلارى قاتىستى. BNews.kz سايتىندا داۋىس بەرۋ ارقىلى «ورتالىق اتقارۋ ورگانىنىڭ ۇزدىك ءباسپاسوز قىزمەتى», «جەرگىلىكتى اتقارۋشى ورگاننىڭ ۇزدىك ءباسپاسوز قىزمەتى», «كۆازيمەملەكەتتىك سالا كوم­پانياسى­نىڭ ءباسپاسوز ۇزدىك قىزمەتى» جانە «كاسىبي قۇرمەت» سىندى اتالىم بويىنشا ءوز ءىسىنىڭ ۇزدىكتەرى ارنايى سىيلىقتارمەن ماراپاتتالدى. باق وكىلدەرىنىڭ ونلاين-رەجىمدە تاڭداۋ جۇرگىزۋى ناتيجەسىندە «ورتالىق اتقارۋ ورگانىنىڭ ۇزدىك ءباسپاسوز قىزمەتى» اتالىمى بويىنشا قورعانىس مينيسترلىگىنىڭ ءباسپاسوز قىزمەتى جەڭىمپاز اتاندى. سونداي-اق, وسى اتالىمدا ەڭ كوپ بالل جيناعاندار قاتارىندا باس پروكۋراتۋرا مەن ىشكى ىستەر مينيسترلىگىنىڭ ءباسپاسوز قىزمەتى دە بار. ال «جەرگىلىكتى اتقارۋشى ورگاننىڭ ۇزدىك ءباسپاسوز قىزمەتى» اتالىمىنا الماتى قالاسىنىڭ اكىمدىگى مەن استانا اكىمدىگى جانە الماتى قالالىق ءىىد ءباسپاسوز قىزمەتتەرى لايىق دەپ تانىلدى. «كۆازيمەملەكەتتىك سالا كومپانياسىنىڭ ءباسپاسوز ۇزدىك قىزمەتى» اتالىمى بويىنشا «ەكسپو» ۇلتتىق كومپانياسى» اق, «قازاقستان تەمىر جولى» ۇك» اق جانە «بايتەرەك» حولدينگىنىڭ بۇقارامەن بايلانىس قىزمەتتەرى باق وكىلدەرىنىڭ كوڭىلىنەن شىققان. سونداي-اق, ۇيىمداستىرۋشىلار تاراپىنان تاعايىندالعان ارنايى «كاسىبي قۇرمەت» اتالىمى باس پرو­كۋراتۋرانىڭ ءباسپاسوز حاتشىسى ەرنۇر ۋاليگە بەرىلدى. مۇنداي ماراپاتقا سىرتقى ىستەر مينيسترلىگى ءباسپاسوز قىزمەتىنىڭ باسشىسى ءانۋار جايناقوۆ پەن ىشكى ىستەر مينيسترلىگىنىڭ ءباسپاسوز حاتشىسى الماس سادۋباەۆ تا يە بولدى. سالتاناتتى ءراسىم اياسىندا «ەڭ وپەراتيۆتى ءباسپاسوز حاتشىسى» اتالىمى بويىنشا ءىىم توتەنشە جاعدايلار كوميتەتىنىڭ رەسمي وكىلى رۋسلان يمان­قۇلوۆتىڭ دا ەڭبەگى ەسكەرۋسىز قالمادى. ايتا كەتەيىك, ۇيىمداس­تىرۋ­شى­لاردىڭ مالىمەتىنشە, بۇقارامەن بايلانىستى جانداندىرا تۇسەتىن ءارى ءباسپاسوز قىزمەتىنىڭ بەدەلىن ارتتىراتىن مۇنداي بايقاۋ بۇدان بىلاي جىل سايىن وتكىزىلىپ تۇراتىن بولدى. نۇرلىبەك دوسىباي, «ەگەمەن قازاقستان» استانا