20 ميلليارد تەڭگە

ەلەكتروندىق ۇكىمەتتىڭ تولەم ءشليۋزى ارقىلى  وتكەن قارجى تولەمدەرى وسى كورسەتكىشتەن استى وسى ايدا قازاقستاننىڭ ەلەكتروندىق ۇكىمەتىنىڭ تولەم ءشليۋزى ارقىلى وتكەن تولەم­دەر سوماسى, جۇيەنىڭ ىسكە قوسىل­عانىنان بەرى, ءبىرىنشى رەت 20 ملرد. تەڭگە بەلەسىنەن استى. ونىڭ ىشىندە 5,5 ميللياردى قازاقستاندىقتاردىڭ وسى جىل­دىڭ ىشىندە, جارتى جىلعا جەتپەيتىن ۋاقىت مەرزىمىندە, eGov ارقىلى تولەنگەنىن اتاپ وتكەن ءجون. ال 2015 جىل­دىڭ تولەمدەر ستاتيستيكاسىن قاراس­­­تىرساق, ولاردىڭ كولەمى 10 ملرد تەڭگەدەن اسقان. كوبىنەسە ەلەكتروندىق ۇكى­مەتتىڭ تولەم ءشليۋزى ارقى­لى وتكەن قارجىنى جول قوزعالى­سىنىڭ ەرەجەلەرىن بۇزعانى ءۇشىن سالىنعان ايىپپۇل تولەمدەرى قۇرايدى. بارلىق تولەمدەردىڭ 74 پايىزى نەمەسە 15 ملرد. تەڭ­گە­دەن استامى وسى كورسەتكىش ەسە­بىندە. ءجيى كەزدەسەتىن كەلەسى تولەم ءتۇرى – سالىقتار مەن الىم­دار – بارلىق تولەمدەردىڭ 12 پا­يىزىن قۇرادى (2,3 ملرد. تەڭگە). ءۇشىنشى ورىندا – سالىق­تار (7 پايىز نەمەسە 1,4 ملرد. تەڭگە). وسىعان قوسا, ازاماتتار ەلەكتروندىق ۇكىمەت پورتا­لىن وزدەرىنىڭ تۇرعىنۇيقۇ­رىلىسجيناقبانكى شوتتارىن تولتىرۋ ماقساتىندا بەلسەندى پايدالانۋدا. بارلىق تولەم­دەردىڭ 6 پايىزى نەمەسە 1 ملرد. تەڭگەدەن استامى وسى كورسەتكىش ەسەبىندە. بيۋدجەتكە تولەنگەنىن راس­تايتىن قۇجاتتاردى تالاپ ەتپەۋ ماقساتىندا ەلەكت­رون­دىق ۇكىمەتتىڭ تولەم ءشليۋزى­نىڭ ەكىنشى دەڭگەيدەگى 21 بانكپەن ينتەگراتسياسى ىسكە اسى­رىلعانىن اتاپ ايتقان ءجون. «ەلەكتروندىق ۇكىمەتتىڭ تولەم ءشليۋزى» اقپاراتتىق ءجۇ­يەسى قازاقستاندا 2010 جىل­دان بەرى جۇمىس ىستەۋ­دە. ونىڭ ماقساتى – بانك­تەر مەن مەملەكەتتىك ورگان­دار­دىڭ اقپاراتتىق جۇيەلەرى­نىڭ ينتەگراتسياسىن ىسكە اسىرۋ ارقىلى قوعامدى, ەلەك­ت­رون­دىق ۇكىمەت شەڭبەرىندە كور­سەتىلەتىن مەملەكەتتىك قىزمەتتەر ءۇشىن, ەلەكتروندىق تولەۋ قۇرال­دارى­مەن قام­تاماسىز ەتۋ بولىپ تابى­لادى. «ەگەمەن-اقپارات»