ىنتىماقتاستىق اۋقىمى كەڭ

بۇكىلالەمدىك تۋريستىك ۇيىم ەكسپو-2017 كورمەسى اياسىندا 2017 جىلدىڭ ماۋسىم ايىنىڭ سوڭىنا تامان «تۋريزم جانە بولاشاق ەنەرگياسى» اتتى بىرلەسكەن كون­فەر­ەن­تسيا وتكىزۋدى جوسپارلاپ وتىر. فورۋم بۇكىلالەمدىك تۋريستىك ۇيىمعا مۇشە 150-دەن استام مەملەكەتتىڭ تۋريزم مينيسترلەرىنىڭ قاتىسۋىمەن ۇيىمداستىرىلماق. بۇل جونىندە مادريدتە وتكەن «استانا ەكسپو-2017» ۇلتتىق كومپانياسى مەن بۇكىلالەمدىك تۋريستىك ۇيىم (بتۇ) اراسىن­داعى ىنتىماقتاستىق تۋرالى مەمو­راندۋمعا قول قويۋ ءراسىمى كەزىندە بەلگىلى بولدى. قۇجاتقا «استانا ەكسپو-2017» ۇك» اكتسيو­نەرلىك قوعامىنىڭ باسقارما توراعاسى احمەتجان ەسىموۆ پەن بتۇ باس حاتشىسى تالەب ريفاي قول قوي­دى. «كورمە اياسىندا ءوت­كىز­گەلى وتىر­عان بۇل فورۋم قازاق­ستان­داعى ءتۋريزمنىڭ تۇراقتى دامۋى ءۇشىن ءتيىمدى الاڭ بولادى دەپ سا­ناي­مىز. ويتكەنى, «استانا ەكسپو-2017» كەلەسى جىلى وتەتىن الەمدەگى ەڭ اۋقىمدى حالىق­ارا­لىق ءىس-شارا­لاردىڭ ءبىرى, ال بتۇ – تۋريزم سا­لا­سىنداعى الدىڭ­عى قاتارداعى ۇيىم», – دەدى احمەتجان ەسىموۆ. مەموراندۋم شارتتارى بو­يىن­شا ۇلتتىق كومپانيانىڭ بۇكىل­الەمدىك تۋريستىك ۇيىم­نىڭ «جىبەك جولى» باعدار­لاما­سى بويىنشا جۇمىس توبىنىڭ وتى­­­­رىس­­تارىنا قاتىسۋى, سون­داي-اق, كورمەگە جولنۇس­قاۋ­شى­لار (گيد) دايارلاۋ جانە تۋرو­پەرا­تورلارعا ارنالعان ترە­نينگ­­تەر وتكىزۋ ماسە­لەلەرى قاراس­­تى­رىل­عان. «قول قويىلعان مەمو­راندۋم ءبىزدىڭ ۇيىم­­دار ارا­سىن­داعى ەكى­جاقتى ىن­تى­ماق­تاس­تىق­تى جاڭا ءبىر دەڭ­گەيگە شىعا­رىپ, قازاق­ستان­نىڭ تۋريس­تىك برەند رەتىندە ىلگەرىلەۋىنە مەي­لىن­شە ىقپال ەتە­دى دەپ ءۇمىت­تەنە­مىن», – دەپ اتاپ ءوتتى تالەب ريفاي وتى­رىستا ءسوي­لەگەن سوزىندە. وتكەن اپتادا مادريد ساپا­رى با­رى­سىندا احمەتجان ەسىموۆ باس­­قارعان دەلەگاتسيا «تۋريسپانيا» ۇيىمىمەن ءسات­­تى كەلىسىم جۇرگىزگەن بولاتىن. ەكى جاق ءىرى حالىقارالىق ءىس-شا­را­­لار كەزىن­دە شەتەلدىك تۋريس­­تەر­دى تارتۋ مەن قابىلداۋ ماسە­لە­­­سىن تالقىلاپ, سون­داي-اق, قازاق­­ستان­­داعى تۋريستىك با­عىت­­تار­دى ءىل­­گەرى­لەتۋ بويىنشا كەلى­سىمدى جال­­ع­اس­­تىراتىندىعىن ايت­­تى. سونىمەن بىرگە, پاريج­دە ءوت­كەن حالىقارالىق كورمە­لەر بيۋرو­سىنىڭ (حكب) باس اس­سامب­لەيا­سىنىڭ 159-سەسسيا­سىن­دا «استانا ەكسپو-2017» دەلەگا­تسيا­­سى­نىڭ ەسەپتى بايانداماسى تىڭ­دال­دى. وسى باياندامادا كەلەسى جىل­دان باستاپ قازاقستان ءبىر جاق­تى ءتارتىپ نەگىزىندە باسىم كوپ­شى­لىگى ەۋرو­وداققا كىرەتىن, ەكونو­مي­كا­لىق ىنتىماقتاستىق پەن دامۋ ۇيى­مىنا مۇشە موناكو, ما­لاي­زيا, سينگاپۋر جانە باسقا دا 35 مەم­­لەكەتتەردى ۆيزالىق رە­جىم­­­نەن بو­سا­تاتىندىعى اتاپ كور­­سە­­تىل­دى. بۇل شەشىم قازاق­ستان­دا­عى حا­­لىق­­­ارالىق ءىس-شارا­لارعا, ءاسى­رەسە, اس­­تاناداعى ەكسپو-2017 حا­لىق­­ارا­لىق مامان­دان­دى­رىلعان كور­مە­­سىنە شەتەلدىك تۋريستەردىڭ كوپ­تەپ كەلۋىنە يگى ىقپال ەتەتىن بولادى.  ۇلان سانجار