شىمكەنت ليتسەيىنىڭ ستۋدەنتى

كورەيادا «جىل ستۋدەنتى» اتاندى شىمكەنتتەگى قازاق-تۇرىك لي­تسەيى­­نىڭ داۋلەت باتىرحان ەسىمدى تۇلەگى وڭتۇستىك كورەيانىڭ ۋلسان ۇلت­تىق عىلىم جانە تەحنيكا ۋني­­ۆەرسيتەتىنىڭ (UNIST) «جىل ستۋدەنتى-2016» اتاعىن جەڭىپ الدى. بۇل تۋرالى العاش بولىپ facebook الەۋمەتتىك جەلىسىندە ونىڭ جا­قىن­دارىنىڭ ءبىرى حابارلادى. داۋلەت باتىرحاننىڭ ايتۋىن­شا, جەڭىمپازداردى ۇلگە­رىمىنە, الەۋمەتتىك ىستەرگە بەل­سەندى ارالا­سۋىنا جانە كورەي ءتىلىن مەڭگە­رۋىنە قاراپ انىقتاعان. – مەكتەپ كەزىندە ۇلگەرىمىم جاقسى بولاتىن. وسىعان باي­لانىستى ءتۇرلى وليم­پيا­دالار­عا قا­تىسىپ, باعىمدى سىناپ ءجۇر­­دىم. فيزيكا پانىنەن كوپتەگەن حالىقارالىق, رەسپۋبليكالىق وليمپيادالاردا ورىن الدىم. وسىنىڭ ارقاسىندا ۇلتتىق ءبىرىڭ­عاي تەستىلەۋدەن بوساتىلدىم, – دەدى ستۋدەنت. ال 10 سىنىپ وقىپ جۇرگە­نىندە UNIST ءىرى جارىستاردا ورىن العان قازاقستاندىق وقۋشىلاردى ءوزىنىڭ وقۋ بازاسىنا شاقىرعان ەكەن. داۋلەتتىڭ الداعى ۋاقىتتا جوعارى وقۋ ورنىن تاڭداۋىنا وسى ءىس سەبەپ بولىپتى. – مەنىڭ ءبىرىنشى ماماندىعىم – عىلىمي فيزيكا, ال ەكىنشىسى – عىلىمي حيميا. ساباعىمنان تىس ۋاقىتتا High pressure X-ray science بيوفيزيكا لابوراتوريا­سىندا زەرتتەۋ جۇمىستارىن جۇرگىزەمىن. مۇندا جاعدايدىڭ ءبارى جاسالعان, – دەدى داۋلەت باتىرحان. باقتيار تايجان, «ەگەمەن قازاقستان»