قاراعاندى وبلىسىنداعى اۋىلدان «ءسىبىر جاراسى» شىقتى دەگەن كۇدىك ازىرگە راستالعان جوق
كەشە قاراعاندى قالاسىنداعى ءباسپاسوز ورتالىعىندا وبلىستىڭ شەت اۋدانىنداعى ەركىندىك اۋىلىندا ورىن العان توتەنشە وقيعاعا بايلانىستى ءباسپاسوز ءماسليحاتى ءوتتى.
ەسكە سالار بولساق, 18 ماۋسىم كۇنى اتالعان اۋىلدىڭ تۇرعىنى اۋىرىپ تۇرعان سيىرىن سويىپ, ونىڭ ءبىراز ەتىن تۋىستارىنا ۇلەستىرىپ بەرگەن دە, قالعانىن كورشىلەرىنە ساتقان. سودان ول مالدىڭ ەتىن جەگەن ءبىرنەشە ادام «ءسىبىر جاراسىمەن» (كۇيدىرگى) اۋىردى دەگەن كۇدىكپەن وبلىستىق ينفەكتسيالىق اۋرۋحاناعا جاتقىزىلعان بولاتىن. ءدارىگەرلەردىڭ بۇلايشا بولجام جاساۋىنا ناۋقاستاردىڭ دەنەسىن تۇتاستاي بورتپە باسىپ كەتكەنى نەگىز بولعان ەدى. ۇزاماي, 20-21 ماۋسىم كۇندەرى اۋرۋحاناداعى الگى ناۋقاستاردىڭ ەكەۋى قايتىس بولىپ كەتتى.
ءباسپاسوز ءماسليحاتىنا قاراعاندى وبلىسى اكىمىنىڭ اۋىل شارۋاشىلىعى جونىندەگى ورىنباسارى ش.مامالينوۆ, قر اشم ۆەتەرينارلىق باقىلاۋ جانە قاداعالاۋ كوميتەتى وبلىستىق اۋماقتىق ينسپەكتسياسىنىڭ باسشىسى م.مۇحتاروۆ, وبلىستىق دەنساۋلىق ساقتاۋ باسقارماسىنىڭ باسشىسى ە.نۇرلىباەۆ, وبلىستىق تۇتىنۋشىلار قۇقىعىن قورعاۋ دەپارتامەنتى باسشىسىنىڭ مىندەتىن اتقارۋشى ب.قالماعانبەتوۆ جانە وبلىستىق ۆەتەريناريا باسقارماسىنىڭ باسشىسى س.مۋسين قاتىسىپ, قالىپتاسقان جاعدايعا تولىقتاي شولۋ جاساپ, جۋرناليستەر سۇراقتارىنا ەگجەي-تەگجەيلى جاۋاپ بەردى.
ۇستىمىزدەگى جىلدىڭ 18 ماۋسىمىندا قاراعاندى وبلىسىنىڭ شەت اۋدانىنداعى وسپەن سەلولىق وكرۋگىنە قاراستى ەركىندىك اۋىلىنداعى سويىلعان مالدىڭ ەتىن ساتىپ العان تۇرعىندار قولدارىنىڭ تەرىلەرى زاقىمدانعان بەلگىسىمەن اقادىر پوسەلكەلىك ەمحاناسىنا بارادى. مەديتسينالىق مەكەمەدە ولارعا الدىن الا «ءسىبىر جاراسى» دياگنوزى قويىلىپ, ەرتەڭىندە, ياعني 19 ماۋسىم كۇنى بۇل كىسىلەر وبلىستىق جۇقپالى اۋرۋلار اۋرۋحاناسىنا «ءسىبىر جاراسى, تەرىلىك فورما» الدىن الا دياگنوزىمەن جاتقىزىلعان.
سول كۇنى وبلىستىق ايماقتىق ۆەتەريناريا ينسپەكتسياسى ەكى ادامنىڭ «ءسىبىر جاراسىمەن» اۋىرعان دەگەن كۇدىكپەن اۋرۋحاناعا جاتقىزىلعانى تۋرالى حاباردى الىسىمەن, ەپيزووتيكالىق تەكسەرۋ جۇرگىزۋ جانە جەدەل شارالار قابىلداۋ ءۇشىن ەركىندىك ەلدى مەكەنىنە اۋداندىق ايماقتىق ينسپەكتسيا, شەت اۋدانىنىڭ ۆەتەريناريا ءبولىمى جانە ۆەتەريناريا ستانساسى ماماندارىن شۇعىل تۇردە اتتاندىرادى. ەپيزووتيكالىق تەكسەرىس بارىسىندا سويىلعان مالدىڭ ەتىنەن سىناق الىنىپ, 20 ماۋسىم كۇنى «رەسپۋبليكالىق ۆەتەريناريا زەرتحاناسىنىڭ» قاراعاندى وبلىستىق فيليالىنا جانە 21 ماۋسىم كۇنى «ۆەتەريناريا بويىنشا ۇلتتىق رەفەرەنتتىك ورتالىققا» جىبەرىلگەن.
«رەسپۋبليكالىق ۆەتەريناريا زەرتحاناسىنىڭ» قاراعاندى وبلىستىق فيليالىنىڭ 2016 جىلعى 21 ماۋسىمىنداعى سىناق حاتتاماسىنا سايكەس, سويىلعان مالعا «ءسىبىر جاراسى» دياگنوزى قويىلدى. دەگەنمەن مۇنى ۆەتەريناريا بويىنشا ۇلتتىق رەفەرەنتتىك ورتالىقتىڭ ماماندارى ازىرگە راستاعان جوق. قازىرگى ۋاقىتتا بۇل ىسكە بىلىكتى دەگەن ماماندار جۇمىلدىرىلىپ, جان-جاقتى زەرتتەۋ جۇمىستارى جۇرگىزىلىپ جاتىر.
بۇگىنگى كۇندە جەرگىلىكتى اتقارۋشى ورگانداردىڭ, ۆەتەرينارلىق باقىلاۋ جانە قاداعالاۋ كوميتەتىنىڭ وبلىستىق ايماقتىق ينسپەكتسياسىنىڭ, تۇتىنۋشىلاردىڭ قۇقىعىن قورعاۋ دەپارتامەنتىنىڭ وكىلدەرى قۇرامىنا ەنگەن ارنايى شتاب قۇرىلىپ, وقيعا بولعان جەردە ءتيىستى جۇمىستاردى اتقارۋ ۇستىندە.
«قازىرگى تاڭدا ەركىندىك ەلدى مەكەنىندە «رەسپۋبليكالىق ەپيزووتياعا قارسى وتريادتىڭ» كۇشىمەن دەزينفەكتسيا جۇمىستارى جۇرگىزىلىپ جاتىر. اتاپ وتەتىن جايت, اتالعان ەلدى مەكەندە جانۋارلاردىڭ اسا قاۋىپتى اۋرۋلارىنا, سونىڭ ىشىندە «ءسىبىر جاراسىنا» قارسى ۆەتەرينارلىق-الدىن الۋ شارالارى جوسپارىنا سايكەس, ۇستىمىزدەگى جىلدىڭ ناۋرىز ايىندا بارلىق مال (3860 باس) ەگىلگەن بولاتىن. قازىرگى ۋاقىتتا ەركىندىك ەلدى مەكەنىندە شەكتەۋ قويىلىپ, اۋدان اكىمىنىڭ وكىمىمەن توتەنشە جاعداي جاريالانعان», – دەدى ش.مامالينوۆ.
بۇگىنگى كۇندە ەركىندىك اۋىلىنا اپاراتىن جولدىڭ ءبارى جابىلىپ, پوليتسيا بەكەتتەرى قۇرىلعان. اۋىلداعى 1800 ءمۇيىزدى ءىرى قارا, ەكى مىڭ قوي, 900 جىلقىنى ماماندار قاتاڭ باقىلاۋعا الىپ, تەكسەرىپ جاتىر. ازىرگە اۋىرعان سيىردان باسقا دەرتتى مال تابىلعان جوق. سونداي-اق, ەركىندىك اۋىلىندا ىشكى ىستەر ورگاندارىنىڭ قىزمەتكەرلەرى دە وسى توتەنشە وقيعاعا بايلانىستى قوزعالعان قىلمىستىق ءىس بويىنشا تەرگەۋ-تەكسەرۋ جۇمىستارىن جۇرگىزىپ جاتىر.
ەندى و دۇنيەلىك بولىپ كەتكەن مارقۇمدار تۋرالى ءبىر-ەكى اۋىز ءسوز. قايتىس بولعان 49 جاستاعى ەر ادام اۋىرعان مالدى سويىپ جاتقانىندا ساۋساعىن پىشاقپەن كەسىپ العان ەكەن. بىراق تا ول دارىگەرلەرگە كورىنگەندە جاراقاتىن مال سويىپ جاتقانىندا العانىن ايتپاعان. «سول سەبەپتى, مارقۇمعا اۋەلدە دارىگەرلەر دۇرىس مەديتسينالىق كومەك كورسەتپەدى دەگەن ايىپتاۋلاردى نەگىزسىز دەپ سانايمىن», – دەدى وبلىستىق دەنساۋلىق ساقتاۋ باسقارماسىنىڭ باسشىسى ە.نۇرلىباەۆ.
ال قايتىس بولعان ايەل ادام بولسا, مارقۇم اۋىرعان مالدىڭ ەتىن ءپىسىرىپ جاتقانىندا ءدامىن كورۋ ءۇشىن شالا پىسكەن ەتتەن اۋىز تيگەن ەكەن. بۇگىنگى كۇندە مارقۇمداردى جەرلەۋ بويىنشا شەتىن ماسەلە شەشىلۋ ۇستىندە. زاڭ بويىنشا, مۇنداي جاعدايدا قايتىس بولعان جانداردى جەر قوينىنا بەرۋ سانيتارلىق-ەپيدەميولوگيالىق تالاپتارعا سايكەس ەرەكشە ءتارتىپ بويىنشا ىسكە اسىرىلاتىن كورىنەدى. بۇل تۋراسىندا مارقۇمداردىڭ تۋعان-تۋىستارىنا ەسكەرتىلگەن جانە ولاردىڭ كەلىسىمدەرى دە الىنعانعا ۇقسايدى.
جالپى, بۇگىنگى كۇندە كۇدىكتى دەرتكە شالدىققان ناۋقاستارمەن قارىم-قاتىناستا بولعان 62 ادام انىقتالدى. ولاردىڭ اراسىندا 21 بالا بار. قازىرگى ۋاقىتتا بۇل ادامداردىڭ بارلىعى جەرگىلىكتى جەردە دارىگەر-مامانداردىڭ تولىقتاي باقىلاۋىنا الىنعان. ال وبلىستىق ينفەكتسيالىق اۋرۋحانانىڭ وقشاۋلاندىرىلعان پالاتالارىندا 6 ادام ەمدەلىپ جاتىر.
ازىرگە ماماندار بۇل دەرتتىڭ قايدان كەلگەنىن تاپ باسىپ ايتا الماي وتىر. بولجام دەگەن كوپ. «جاۋ جوق دەمە, جار استىندا» دەمەكشى, اۋرۋ جەر استى سۋىمەن كەلۋى مۇمكىن, اۋرۋ مالداردىڭ ولەكسەلەرىن كومگەن مال قورىمىنان شىعۋى دا عاجاپ ەمەس. نەگە دەسەڭىز, مامانداردىڭ ايتۋىنشا, «ءسىبىر جاراسى» اۋرۋىنىڭ ۋىتى 100 جىلعا دەيىن ساقتالاتىن كورىنەدى. جالپى, ءدال وسىنداي جاعداي وسپەن اۋىلدىق وكرۋگىندە 1965 جىلى بولىپتى. ول كەزدە اۋرۋ مال ورتەلىپ, سول ماڭداعى مال قورىمىنا كومىلگەن ەكەن. ال وبلىس بويىنشا 1988 جىلى ۇلىتاۋ اۋدانىندا تۋرا وسىنداي وقيعا ورىن الىپتى.
ءباسپاسوز ءماسليحاتىنا قاتىسقان رەسمي تۇلعالار بۇقارالىق اقپارات قۇرالدارىنىڭ وكىلدەرىنەن رەسمي ساراپتامالار مەن تەكسەرۋلەردىڭ ناتيجەلەرى بەلگىلى بولماي تۇرىپ, قانداي دا ءبىر قورىتىندى نەمەسە اسىعىس شەشىم جاساۋدان اۋلاق بولۋلارىن ءوتىندى. ال قالىپتاسقان توتەنشە جاعدايدىڭ بارلىق جاي-جاپسارى, سۇراقتار مەن بولجامداردىڭ ناقتى جانە رەسمي جاۋابى الدىمىزداعى بەيسەنبى نەمەسە جۇما كۇندەرى بەلگىلى بولماق.
قايرات ءابىلدينوۆ,
«ەگەمەن قازاقستان»
قاراعاندى
قاراعاندى وبلىسىنداعى اۋىلدان «ءسىبىر جاراسى» شىقتى دەگەن كۇدىك ازىرگە راستالعان جوق
كەشە قاراعاندى قالاسىنداعى ءباسپاسوز ورتالىعىندا وبلىستىڭ شەت اۋدانىنداعى ەركىندىك اۋىلىندا ورىن العان توتەنشە وقيعاعا بايلانىستى ءباسپاسوز ءماسليحاتى ءوتتى.
ەسكە سالار بولساق, 18 ماۋسىم كۇنى اتالعان اۋىلدىڭ تۇرعىنى اۋىرىپ تۇرعان سيىرىن سويىپ, ونىڭ ءبىراز ەتىن تۋىستارىنا ۇلەستىرىپ بەرگەن دە, قالعانىن كورشىلەرىنە ساتقان. سودان ول مالدىڭ ەتىن جەگەن ءبىرنەشە ادام «ءسىبىر جاراسىمەن» (كۇيدىرگى) اۋىردى دەگەن كۇدىكپەن وبلىستىق ينفەكتسيالىق اۋرۋحاناعا جاتقىزىلعان بولاتىن. ءدارىگەرلەردىڭ بۇلايشا بولجام جاساۋىنا ناۋقاستاردىڭ دەنەسىن تۇتاستاي بورتپە باسىپ كەتكەنى نەگىز بولعان ەدى. ۇزاماي, 20-21 ماۋسىم كۇندەرى اۋرۋحاناداعى الگى ناۋقاستاردىڭ ەكەۋى قايتىس بولىپ كەتتى.
ءباسپاسوز ءماسليحاتىنا قاراعاندى وبلىسى اكىمىنىڭ اۋىل شارۋاشىلىعى جونىندەگى ورىنباسارى ش.مامالينوۆ, قر اشم ۆەتەرينارلىق باقىلاۋ جانە قاداعالاۋ كوميتەتى وبلىستىق اۋماقتىق ينسپەكتسياسىنىڭ باسشىسى م.مۇحتاروۆ, وبلىستىق دەنساۋلىق ساقتاۋ باسقارماسىنىڭ باسشىسى ە.نۇرلىباەۆ, وبلىستىق تۇتىنۋشىلار قۇقىعىن قورعاۋ دەپارتامەنتى باسشىسىنىڭ مىندەتىن اتقارۋشى ب.قالماعانبەتوۆ جانە وبلىستىق ۆەتەريناريا باسقارماسىنىڭ باسشىسى س.مۋسين قاتىسىپ, قالىپتاسقان جاعدايعا تولىقتاي شولۋ جاساپ, جۋرناليستەر سۇراقتارىنا ەگجەي-تەگجەيلى جاۋاپ بەردى.
ۇستىمىزدەگى جىلدىڭ 18 ماۋسىمىندا قاراعاندى وبلىسىنىڭ شەت اۋدانىنداعى وسپەن سەلولىق وكرۋگىنە قاراستى ەركىندىك اۋىلىنداعى سويىلعان مالدىڭ ەتىن ساتىپ العان تۇرعىندار قولدارىنىڭ تەرىلەرى زاقىمدانعان بەلگىسىمەن اقادىر پوسەلكەلىك ەمحاناسىنا بارادى. مەديتسينالىق مەكەمەدە ولارعا الدىن الا «ءسىبىر جاراسى» دياگنوزى قويىلىپ, ەرتەڭىندە, ياعني 19 ماۋسىم كۇنى بۇل كىسىلەر وبلىستىق جۇقپالى اۋرۋلار اۋرۋحاناسىنا «ءسىبىر جاراسى, تەرىلىك فورما» الدىن الا دياگنوزىمەن جاتقىزىلعان.
سول كۇنى وبلىستىق ايماقتىق ۆەتەريناريا ينسپەكتسياسى ەكى ادامنىڭ «ءسىبىر جاراسىمەن» اۋىرعان دەگەن كۇدىكپەن اۋرۋحاناعا جاتقىزىلعانى تۋرالى حاباردى الىسىمەن, ەپيزووتيكالىق تەكسەرۋ جۇرگىزۋ جانە جەدەل شارالار قابىلداۋ ءۇشىن ەركىندىك ەلدى مەكەنىنە اۋداندىق ايماقتىق ينسپەكتسيا, شەت اۋدانىنىڭ ۆەتەريناريا ءبولىمى جانە ۆەتەريناريا ستانساسى ماماندارىن شۇعىل تۇردە اتتاندىرادى. ەپيزووتيكالىق تەكسەرىس بارىسىندا سويىلعان مالدىڭ ەتىنەن سىناق الىنىپ, 20 ماۋسىم كۇنى «رەسپۋبليكالىق ۆەتەريناريا زەرتحاناسىنىڭ» قاراعاندى وبلىستىق فيليالىنا جانە 21 ماۋسىم كۇنى «ۆەتەريناريا بويىنشا ۇلتتىق رەفەرەنتتىك ورتالىققا» جىبەرىلگەن.
«رەسپۋبليكالىق ۆەتەريناريا زەرتحاناسىنىڭ» قاراعاندى وبلىستىق فيليالىنىڭ 2016 جىلعى 21 ماۋسىمىنداعى سىناق حاتتاماسىنا سايكەس, سويىلعان مالعا «ءسىبىر جاراسى» دياگنوزى قويىلدى. دەگەنمەن مۇنى ۆەتەريناريا بويىنشا ۇلتتىق رەفەرەنتتىك ورتالىقتىڭ ماماندارى ازىرگە راستاعان جوق. قازىرگى ۋاقىتتا بۇل ىسكە بىلىكتى دەگەن ماماندار جۇمىلدىرىلىپ, جان-جاقتى زەرتتەۋ جۇمىستارى جۇرگىزىلىپ جاتىر.
بۇگىنگى كۇندە جەرگىلىكتى اتقارۋشى ورگانداردىڭ, ۆەتەرينارلىق باقىلاۋ جانە قاداعالاۋ كوميتەتىنىڭ وبلىستىق ايماقتىق ينسپەكتسياسىنىڭ, تۇتىنۋشىلاردىڭ قۇقىعىن قورعاۋ دەپارتامەنتىنىڭ وكىلدەرى قۇرامىنا ەنگەن ارنايى شتاب قۇرىلىپ, وقيعا بولعان جەردە ءتيىستى جۇمىستاردى اتقارۋ ۇستىندە.
«قازىرگى تاڭدا ەركىندىك ەلدى مەكەنىندە «رەسپۋبليكالىق ەپيزووتياعا قارسى وتريادتىڭ» كۇشىمەن دەزينفەكتسيا جۇمىستارى جۇرگىزىلىپ جاتىر. اتاپ وتەتىن جايت, اتالعان ەلدى مەكەندە جانۋارلاردىڭ اسا قاۋىپتى اۋرۋلارىنا, سونىڭ ىشىندە «ءسىبىر جاراسىنا» قارسى ۆەتەرينارلىق-الدىن الۋ شارالارى جوسپارىنا سايكەس, ۇستىمىزدەگى جىلدىڭ ناۋرىز ايىندا بارلىق مال (3860 باس) ەگىلگەن بولاتىن. قازىرگى ۋاقىتتا ەركىندىك ەلدى مەكەنىندە شەكتەۋ قويىلىپ, اۋدان اكىمىنىڭ وكىمىمەن توتەنشە جاعداي جاريالانعان», – دەدى ش.مامالينوۆ.
بۇگىنگى كۇندە ەركىندىك اۋىلىنا اپاراتىن جولدىڭ ءبارى جابىلىپ, پوليتسيا بەكەتتەرى قۇرىلعان. اۋىلداعى 1800 ءمۇيىزدى ءىرى قارا, ەكى مىڭ قوي, 900 جىلقىنى ماماندار قاتاڭ باقىلاۋعا الىپ, تەكسەرىپ جاتىر. ازىرگە اۋىرعان سيىردان باسقا دەرتتى مال تابىلعان جوق. سونداي-اق, ەركىندىك اۋىلىندا ىشكى ىستەر ورگاندارىنىڭ قىزمەتكەرلەرى دە وسى توتەنشە وقيعاعا بايلانىستى قوزعالعان قىلمىستىق ءىس بويىنشا تەرگەۋ-تەكسەرۋ جۇمىستارىن جۇرگىزىپ جاتىر.
ەندى و دۇنيەلىك بولىپ كەتكەن مارقۇمدار تۋرالى ءبىر-ەكى اۋىز ءسوز. قايتىس بولعان 49 جاستاعى ەر ادام اۋىرعان مالدى سويىپ جاتقانىندا ساۋساعىن پىشاقپەن كەسىپ العان ەكەن. بىراق تا ول دارىگەرلەرگە كورىنگەندە جاراقاتىن مال سويىپ جاتقانىندا العانىن ايتپاعان. «سول سەبەپتى, مارقۇمعا اۋەلدە دارىگەرلەر دۇرىس مەديتسينالىق كومەك كورسەتپەدى دەگەن ايىپتاۋلاردى نەگىزسىز دەپ سانايمىن», – دەدى وبلىستىق دەنساۋلىق ساقتاۋ باسقارماسىنىڭ باسشىسى ە.نۇرلىباەۆ.
ال قايتىس بولعان ايەل ادام بولسا, مارقۇم اۋىرعان مالدىڭ ەتىن ءپىسىرىپ جاتقانىندا ءدامىن كورۋ ءۇشىن شالا پىسكەن ەتتەن اۋىز تيگەن ەكەن. بۇگىنگى كۇندە مارقۇمداردى جەرلەۋ بويىنشا شەتىن ماسەلە شەشىلۋ ۇستىندە. زاڭ بويىنشا, مۇنداي جاعدايدا قايتىس بولعان جانداردى جەر قوينىنا بەرۋ سانيتارلىق-ەپيدەميولوگيالىق تالاپتارعا سايكەس ەرەكشە ءتارتىپ بويىنشا ىسكە اسىرىلاتىن كورىنەدى. بۇل تۋراسىندا مارقۇمداردىڭ تۋعان-تۋىستارىنا ەسكەرتىلگەن جانە ولاردىڭ كەلىسىمدەرى دە الىنعانعا ۇقسايدى.
جالپى, بۇگىنگى كۇندە كۇدىكتى دەرتكە شالدىققان ناۋقاستارمەن قارىم-قاتىناستا بولعان 62 ادام انىقتالدى. ولاردىڭ اراسىندا 21 بالا بار. قازىرگى ۋاقىتتا بۇل ادامداردىڭ بارلىعى جەرگىلىكتى جەردە دارىگەر-مامانداردىڭ تولىقتاي باقىلاۋىنا الىنعان. ال وبلىستىق ينفەكتسيالىق اۋرۋحانانىڭ وقشاۋلاندىرىلعان پالاتالارىندا 6 ادام ەمدەلىپ جاتىر.
ازىرگە ماماندار بۇل دەرتتىڭ قايدان كەلگەنىن تاپ باسىپ ايتا الماي وتىر. بولجام دەگەن كوپ. «جاۋ جوق دەمە, جار استىندا» دەمەكشى, اۋرۋ جەر استى سۋىمەن كەلۋى مۇمكىن, اۋرۋ مالداردىڭ ولەكسەلەرىن كومگەن مال قورىمىنان شىعۋى دا عاجاپ ەمەس. نەگە دەسەڭىز, مامانداردىڭ ايتۋىنشا, «ءسىبىر جاراسى» اۋرۋىنىڭ ۋىتى 100 جىلعا دەيىن ساقتالاتىن كورىنەدى. جالپى, ءدال وسىنداي جاعداي وسپەن اۋىلدىق وكرۋگىندە 1965 جىلى بولىپتى. ول كەزدە اۋرۋ مال ورتەلىپ, سول ماڭداعى مال قورىمىنا كومىلگەن ەكەن. ال وبلىس بويىنشا 1988 جىلى ۇلىتاۋ اۋدانىندا تۋرا وسىنداي وقيعا ورىن الىپتى.
ءباسپاسوز ءماسليحاتىنا قاتىسقان رەسمي تۇلعالار بۇقارالىق اقپارات قۇرالدارىنىڭ وكىلدەرىنەن رەسمي ساراپتامالار مەن تەكسەرۋلەردىڭ ناتيجەلەرى بەلگىلى بولماي تۇرىپ, قانداي دا ءبىر قورىتىندى نەمەسە اسىعىس شەشىم جاساۋدان اۋلاق بولۋلارىن ءوتىندى. ال قالىپتاسقان توتەنشە جاعدايدىڭ بارلىق جاي-جاپسارى, سۇراقتار مەن بولجامداردىڭ ناقتى جانە رەسمي جاۋابى الدىمىزداعى بەيسەنبى نەمەسە جۇما كۇندەرى بەلگىلى بولماق.
قايرات ءابىلدينوۆ,
«ەگەمەن قازاقستان»
قاراعاندى
سوڭعى جاڭالىقتار
استانادا مەكتەپ اۋماعىندا جانجالداسقاندار جاۋاپكەرشىلىككە تارتىلدى
زاڭ مەن ءتارتىپ • كەشە
تاەكۆوندودان الەم چەمپيوناتى: قازاق قىزى توپ جاردى
سپورت • كەشە
قۇس ساڭعىرىعىنان «جاسىل» ەنەرگيا ءوندىرىلدى
شارۋاشىلىق • كەشە
الماتىدا تۇرعىن ءۇي ورتىنەن ءتورت ادام قۇتقارىلدى
وقيعا • كەشە
