بالالارعا – بارلىق جاعداي

باسقا-باسقا, جاس بالانىڭ شىرقىراپ اۋىرعانى قيىن. بۇل اتا-انا ءۇشىن دە, ەمدەۋشى دارىگەر ءۇشىن دە وتە اۋىر جاعداي. №1 تاراز قالالىق بالالار اۋرۋحاناسى جىل سايىن 7000-نان  اسا ناۋقاستى قابىل­داي­دى. ولاردىڭ 65-70 پايىزىنا شۇعىل جاردەم كەرەك. ناۋقاستاردىڭ 95 پا­يىزى ەمدەلىپ, ايىعىپ  شىعادى. وتكەن جىلى وڭالتۋ بولىمشەسى ارقىلى 690 اۋرۋ بالا ءوتتى. بولىمشەنىڭ نەگىزگى ماقساتى – اۋرۋ­دىڭ سوزىلمالىعى مەن اسقىنۋ­لارىنىڭ الدىن الۋ, بالانىڭ دەنساۋلىعىن قالپىنا كەلتىرۋ. بۇل ءۇشىن اۋرۋحانادا ەمدىك دەنە شىنىقتىرۋدىڭ 3 جابدىقتالعان كابينەتى بار. ول ترەناجەرلارمەن جانە  باسقا دا قۇرالدارمەن, فيزيو بولمەلەرمەن جابدىقتالعان. بولىمشە دارىگەرلەرى 2015 جىلى ديسپورت-تەراپيا جۇرگىزۋ ءۇشىن ارنايى وقۋ كۋرستارىنان ءوتتى. ديسپورت تەراپياسى 56 جۇيكە جۇيەسىمەن اۋىراتىن بالالاردى قابىلدايدى. ءدارى-دارمەكتىك ەممەن قاتار مونتەسسوري, ەڭبەك تەراپياسى, پسيحولوگ, لوگوپەد, ەمدىك دەنە شىنىقتىرۋ كابينەتتەرىندە 6-دان 18 جاسقا دەيىنگى ەمدەلۋشىلەرگە ارنالعان الەۋمەتتىك-پەداگوگيكالىق جانە پسيحولوگيالىق وڭالتۋ جۇرگىزىلە­دى. بۇل باعىتتا اشىلعانىنا ءبىر جىل بولعان سەنسورلىق ءبول­مەنى ەرەكشە ماقتانىشپەن ايتۋعا بولادى. مۇندا بالالار پسيحوەموتسيونالدىق جەڭىلدىكتەر الادى. بوساڭسۋ ەم-شارالارى كەزىندە مي جاراقاتىنان, دەپرەسسيادان, قوزعالىس بۇزىلۋىنان سوڭ اعزانى قالپىنا كەلتىرۋ ءۇشىن تونۋستىق ەلەمەنتتەر قولدانىلادى. ودان باسقا ءتيىمدى ەمدەۋ باسسەينىندە گيدروكينەزو ەمدەۋى جۇرگىزىلەدى. سونداي-اق, بالالاردى ەمدەۋگە ارنالعان «اتلانت» وڭالتۋ كوستيۋمدەرى الىندى, بۇل بالا اعزاسىنىڭ بۇلشىق ەتتەرىنىڭ جۇمىسى مەن نىعايۋى, ولاردىڭ كۇشتىك ساپاسىن ارتتىرۋ ءۇشىن قولدانىلادى. جاڭا تيپتىك اۋرۋحانانىڭ جاقسى جابدىقتالۋىنىڭ ارقا­سىندا سوڭعى 3 جىلدا ۇلكەن وزگەرىستەر بولدى. دۇرىس كۇتىم كورسەتىلۋىمەن, قاجەتتى تەمپە­راتۋرالىق تارتىبىمەن  جانە ­تازالىق ساقتالۋىمەن ءبىز بۇرىن­عىعا قاراعاندا شالا تۋعان بالا­لارعا نەعۇرلىم كوبىرەك كومەك كورسەتۋدەمىز. بۇل سالاداعى كوپتەگەن تاجىريبەنى بالتىق جاعالاۋىنان كەلگەن ارىپتەس­تەرىمىزدەن الدىق. وسكەلەڭ ۇرپاق دەنساۋلىعى – ءبىزدىڭ تابىستى بولاشاعىمىزدىڭ نەگىزى. ءبىز ونى ساقتاۋعا جانە ۋاقتىلى, ساپالى مەديتسينالىق كومەك كورسەتۋگە بارلىق كۇشىمىزدى سالامىز.  رايىمبەك نۇرجانوۆ, №1 تاراز قالالىق بالالار اۋرۋحاناسىنىڭ باس دارىگەرى, مەديتسينا عىلىمدارىنىڭ كانديداتى تاراز