بۇگىن ليلل قالاسىندا ۆ توبىنىڭ سلوۆاكيا مەن رەسەي قۇرامالارى كەزدەستى. ماتچتا سلوۆاكتار قارسىلاستارىن 2:1 ەسەبىمەن جەڭدى.
كەزدەسۋدە سلوۆاكيا ءبىرىنشى تايمنىڭ 32 جانە 45 مينۋتتارىندا گول سوقتى. رەسەي ەكىنشى تايمدا عانا ەسەپتى ءبىر دوپقا قىسقارتتى. ءسويتىپ, سلوۆاكيا العاشقى 3 ۇپاي الىپ, تۋرنير كەستەسىندە ۋەلسپەن يىق تەڭەستىردى. ال رەسەي ەكى ويىننان كەيىن ءبىر ۇپايمەن سوڭعى ورىنعا جايعاستى. انگليانىڭ قورجىنىندا دا ءبىر ۇپاي. بىراق اعىلشىنداردىڭ ۋەلسكە قارسى وتكىزەتىن ءبىر ماتچتى بار. بۇل كەزدەسۋ 16 ماۋسىمدا وتەدى.
بۇگىن تاعى ەكى ماتچ بولادى. ا توبىنىڭ جاساقتارى رۋمىنيا مەن شۆەيتساريا جانە فرانتسيا مەن البانيا كەزدەسەدى.
رەسەي - سلوۆاكيا 1:2 (0:2)
15 ماۋسىم. ليلل. "پەر مورۋا" ستاديونى.
رەسەي: اكينفەەۆ, بەرەزۋتسكي, ششەننيكوۆ, سمولنيكوۆ, يگناشەۆيچ, گولوۆين (ماماەۆ 46), نويشتەدتەر (گلۋشاكوۆ 46), شاتوۆ, سمولوۆ, دزيۋبا, كوكورين (شيروكوۆ 76).
سلوۆاكيا:
كوزاچيك, شكرتەل, گۋبوچان, پەكاريك, ديۋريتسا, دۋدا (نەمەتس 67), كۋتسكا, ماك (ديۋريش 80), گامشيك, ۆايسس (شۆەنتو 72), پەچوۆسكي.
تورەشىلەر: دامير سكومينا, يۋرە پراپروتنيك, روبەرت ۆۋكان (بارلىعى - سلوۆەنيا).
گولدار: ۆايسس 32 (0:1), گامشيك 45 (0:2), گلۋشاكوۆ 80 (1:2)
ەسكەرتۋ: ديۋريتسا 46
داستان كەنجالين.
فوتو: Sports.ru, Telegraf-EPA
ۆيدەو: vk.com
