كۇن تارتىبىندە كاسىپكەرلەر ماسەلەسى

باس پروكۋراتۋرادا «اتامەكەن» ۇكپ تورالقا توراعاسى تيمۋر ق ۇلىباەۆ پەن باس پروكۋرور جاقىپ اسانوۆتىڭ توراعالىعىمەن كاسىپكەرلەردىڭ قۇقىعىن قورعاۋ ماسەلەسىنە قاتىستى بەينەكونفەرەنتسيا بولىپ ءوتتى. شارادا جالعان كاسىپكەرلىكپەن اينالىساتىن ادامداردىڭ ءتۇرلى تۇيتكىلدى ماسەلەلەرى تالقىلاندى. پالاتانىڭ باسقارما توراعاسىنىڭ ورىنباسارى رۋستام ءجۇرسىنوۆ وسى جىلدىڭ باسىنان بەرى جالعان كاسىپكەرلىك ماسەلەلەرىنە قاتىستى 150-دەن استام حات-حابار, ارىز-شاعىم ەلىمىزدىڭ تۇكپىر-تۇكپىرىنەن كەلىپ تۇسكەنىن تىلگە تيەك ەتتى. وسىعان وراي قۇقىق قۇرىلىمدارىمەن ءتيىستى جۇمىستار اتقارىلىپ جاتقانىن جەتكىزدى. «نۇر وتان» پارتياسىنىڭ جانىنان قۇرىلعان كاسىپكەرلىكتى قولداۋ جونىندەگى رەسپۋبليكالىق قوعامدىق كەڭەستىڭ توراعاسى, پارلامەنت ءماجىلىسىنىڭ دەپۋتاتى مەيرام پىشەمباەۆ ءتيىستى زاڭنامانىڭ كەيبىر نورمالارىن مەملەكەتتىك ورگانداردىڭ ورىنداعانى تۋرالى ايتتى. سونداي-اق, كەڭەستىڭ باستى جۇمىسى كاسىپكەرلىككە كولدەنەڭ توسىلاتىن ءتۇرلى كەدەرگىلەردى جويۋ ەكەنىن دە جاسىرمادى. وتىرىس بارىسىندا ءار تەكسەرۋدى جۇيەلى تىركەۋ مەن پروكۋراتۋرانىڭ قاشان جانە قانداي سەبەپپەن تەكسەرۋ جۇرگىزەتىنى, كاسىپكەرلەردىڭ قۇقىعىن قورعاۋداعى وسى ورگاننىڭ ءرولى سياقتى وتكىر ماسەلەلەر العا شىقتى. وعان قوسا, سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىندەگى قۇقىق بۇزۋشىلىق تۋرالى حاباردى تىركەۋ بارىسىندا زاڭدى ەسكەرمەي, كاسىپكەرلەردى تەرگەۋ ارەكەتتەرىنىڭ بارلىق ادىستەرىن پايدالانۋ ارقىلى قىلمىستىق پروتسەسس شەڭبەرىنە نەگىزسىز تارتۋ ماسەلەلەرىنە ايرىقشا كوڭىل ءبولىندى. بۇل جونىندە باس پروكۋرور ج.اسانوۆ بارلىق اتالعان فاك­تىلەرگە قاتاڭ باعا بەرىلەتىنىن ايتتى. ال وتىرىستى قورىتىندىلاعان ت.ق ۇلىباەۆ پالاتا مەن پروكۋراتۋرا ورگاندارى بۇدان بىلاي بىرلەسە جۇمىس ىستەپ, كاسىپكەرلەردىڭ قۇقىعى مەن زاڭدى مۇددەلەرىن قورعاۋ ماسەلەسىندە ءالى دە ىنتىماقتاسا تۇسەتىندەرىن ايتتى. نۇرباي ەلمۇراتوۆ, «ەگەمەن قازاقستان»