قۇرمەتتى كونسۋلداردىڭ كەزدەسۋى

گراتس قالاسىندا (اۆستريا) قازاقستاننىڭ ورتالىق جانە شىعىس ەۋروپا مەملەكەتتەرىندەگى (اۆستريا, گەرمانيا, سلوۆاكيا, سلوۆەنيا جانە يتاليا) قۇرمەتتى كونسۋلدارىنىڭ العاشقى كەزدەسۋى ءوتتى. ونى قازاقستاننىڭ گراتس قالاسىنداعى قۇرمەتتى كونسۋلى گيۋنتەر نەبەل مەن قازاقستاننىڭ اۆسترياداعى ەلشىلىگى بىرلەسىپ ۇيىمداستىردى. كەزدەسۋدىڭ ماقساتى قازاق­ستاننىڭ ەۋروپاداعى قوعامدىق وكىلدەرى اراسىندا بايلانىس­تار ورناتۋ جانە تاجىريبە الما­سۋ بولدى. قازاقستاننىڭ اۆس­ترياداعى ەلشىسى قايرات سارى­باي ءوزىنىڭ سوزىندە ەلىمىزدىڭ شتات­­ت­ان تىس كونسۋلدارىنىڭ ءرولى مەن ماق­ساتتارى, قازاقستان مەن ەۋروپا اراسىنداعى قارىم-قاتى­ناس­تاردىڭ احۋا­لى مەن پەرس­پەك­­تي­ۆالارى, وتانى­مىز­­­دىڭ سوڭ­عى حالىقارالىق باس­­­تا­­م­ا­لا­رى, ولاردىڭ ءىشىن­دە «الەم. XXI عاسىر» ماني­فەسى مەن قا­زاق­ستاننىڭ ىشكى سايا­سي ءومىرى­نىڭ ماڭىزدى وقي­عا­لارى تۋرا­لى ايتتى, سونداي-اق, بەس ينس­­تي­تۋت­تىق رەفورمانى ىسكە اسىرۋ­دىڭ «100 ناقتى قادام» ۇلت جوسپارى­نىڭ نەگىزدەرىنە ەرەكشە نازار اۋداردى. قازاقستاننىڭ اۆسترياداعى قۇرمەتتى كونسۋلدارىنىڭ دۋاي­ەنى گ.نەبەل جينالعان­دار­دى ءوزى باسشىلىق ەتەتىن قۇر­مەت­تى كون­سۋل­دىقتىڭ قازاق­ستان مەن اۆست­ريا اراسىنداعى باي­لا­نىس­تا­­ر­دى تەرەڭدەتۋ مەن كەڭەي­تۋ بويىن­شا ماقساتتارىن ىسكە اسىرۋداعى, سونىڭ ىشىندە شى­عىس قازاقستان وبلىسى مەن شتيريا فەدەرالدىق جەرى ارا­سىن­داعى وڭىرارالىق ىنتى­ماق­تاس­تىق ورناتۋداعى جۇمىسىمەن تانىستىردى. كەزدەسۋ بارىسىندا ەكسپو-2017 حالىقارالىق مامان­­دان­دىرىلعان كورمەسىنىڭ جانە اۆستريادا مادەنيەت سالا­سىندا ىسكە اسىرىلاتىن «قازاق­ستاننىڭ ءىنجۋ-مارجاندارى – ۇلى دالا سارىنى» جوبا­سى­نىڭ تۇساۋكەسەرلەرى ۇيىمداس­تىرىلدى. قۇرمەتتى كونسۋلدار جۇمىس­تارىنىڭ تاجىريبەسى تۋرالى اقپاراتپەن الماستى, وزدەرىنىڭ جۇمىستارىندا جۇيەلى قارىم-قاتىناس ارقىلى سينەرگياعا قول جەتكىزۋ جايىن قولدادى. «100 ناقتى قادام» ۇلت جوسپارىنىڭ ماقساتتارىن ورىنداۋدىڭ جولدارىنا باسا نازار اۋدارىلدى. كەزدەسۋگە قاتىسۋشىلار بۇل ستراتەگيالىق قۇجات قازاقستاندى دامۋدىڭ جاڭا شىڭدارىنا شىعارۋعا مۇمكىندىك بەرەتىنىنە سەنىم ءبىلدىردى. ءىس-شارا ەۋروپانىڭ ورتالىق جانە شىعىس وڭىرلەرىندەگى قۇرمەتتى كونسۋلدار اراسىن­دا بايلانىستار ورناتۋ مەن ءوزارا ءىس-قيمىلعا نەگىز قالاۋ­عا مۇمكىن­دىك بەرىپ, شەتەلدەر­دە قازاق­ستاننىڭ شتاتتان تىس كونسۋلى ينستيتۋتىن قولدانۋدىڭ ءمۇم­كىندىگىن ارتتىرۋعا ءوز ۇلەسىن قوساتىن بولادى. «ەگەمەن-اقپارات»